ଦ୍ବିପଞ୍ଚାଶତ ବାର୍ଷିକ ଭକ୍ତଚରଣ ସ୍ମାରକୀ ସମାରୋହ ଉଦଘାଟିତ

୧୧ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍  )  ରଣପୁର  :-> ନୟାଗଡ଼ ଜିଲ୍ଲା ରଣପୁର ବ୍ଲକ ଅନ୍ତର୍ଗତ ରାଜସୁନାଖଳାସ୍ଥିତ ଭକ୍ତ ଚରଣ କ୍ଳବ ଓ ପାଠାଗାର ଦ୍ୱାରା ଆୟୋଜିତ ସନ୍ଥ ବୈଷ୍ଠବ କବି ଭକ୍ତ ଚରଣ ଦାସଙ୍କ ଦ୍ବିପଞ୍ଚାଶତ ତମ ବାର୍ଷିକ ଭକ୍ତ ଚରଣ ସ୍ମାରକୀ ସମାରୋହ ଭକ୍ତଚରଣ କ୍ଳବ ଓ ପାଠାଗାର ସଭାପତି ସତ୍ୟନାରାୟଣ ମିଶ୍ରଙ୍କ ଆବାହତ୍ତ୍ୱରେ ଅନୁଷ୍ଠିତ ହୋଇଯାଇଛି ! ଏହି କାର୍ଯ୍ୟକ୍ରମ ସୋମବାର ଦିନ ପୂର୍ବାହ୍ନ ୬ଘଟିକ!ରେ ନଗର କୀର୍ତ୍ତନ, ମଂଗଳ ଆଳତି ଓ ନାମସଂକୀର୍ତ୍ତନ,ଦେବାର୍ଚ୍ଚନ ହୋଇଥିବାବେଳେ ସ୍ଥାନୀୟ ସରପଞ୍ଚ ଚିତ୍ତରଞ୍ଜନ ପ୍ରଧାନ, ସମିତି ସଭ୍ୟ ତପନ ପ୍ରଧାନ ଭକ୍ତଚରଣ କ୍ଳବ ପାଠାଗାରର ସମସ୍ତ ସଭ୍ୟ/ ସଭ୍ୟାମାନେ ଯୋଗଦେବା ସହ ଉଦଘାଟକ ଭାବେ ନୟାଗଡ଼ ଜିଲ୍ଲାପରିଷଦ ଅଧକ୍ଷ ଇଂ ଦେବାଶିଷ ପଟ୍ଟନାୟକ ଯୋଗଦେଇ ଏହାକୁ ଶୁଭ ଉଦଘାଟନ କରିଥିଲେ !

ଏହାପରେ ବିଭିନ୍ନ ଶିକ୍ଷାନୁଷ୍ଠାନରୁ ଆସିଥିବା ଛାତ୍ରଛାତ୍ରୀମାନଙ୍କ ନେଇ ମଥୁରା ମଙ୍ଗଳ କବିତା ଗାନ , କୁଇଜ ପ୍ରତିଯୋଗିତା ଅନୁଷ୍ଠିତ ହୋଇଥିଲା !ଅପରାହ୍ନରେ ରାଜସୁନାଖଳା କଲେଜ ଓଡ଼ିଆ ବିଭାଗର ପ୍ରାକ୍ତନ ଅଧ୍ୟାପକ ତଥା ପ୍ରବଚକ ରବୀନ୍ଦ୍ର କୁମାର ସାହୁଙ୍କ ଦ୍ୱାରା ପ୍ରବଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ! ସନ୍ଧ୍ୟା ୭ଘଟିକl ସମୟରେ ଆୟୋଜିତ ସ୍ମାରକୀ ସଭାରେ ଡାକ୍ତର ରାଜେନ୍ଦ୍ର ନାଥ ମିଶ୍ର ଅଧକ୍ଷତା କରିଥିବାବେଳେ ମୁଖ୍ୟଅତିଥି ଭାବେ ରଣପୁର ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ସତ୍ୟନାରାୟଣ ପ୍ରଧାନ, ମୁଖ୍ୟବକ୍ତା ଭାବେ ବାଙ୍କୋଇ କଲେଜର ଓଡ଼ିଆ ଭାଷା ସାହିତ୍ୟ ବିଭାଗର ଅଧ୍ୟାପକ ରଙ୍କନିଧି ବଳିୟାରସିଂହ ଓ ସଂମ୍ମାନିତ ଅତିଥିଭାବେ ରାଜସୁନାଖଳା ମହାବିଦ୍ୟାଳୟ ଓଡ଼ିଆ ବିଭାଗର ଅଧ୍ୟାପକ ଭାଗିରଥି ପାଢ଼ୀ ପ୍ରମୁଖ ଯୋଗଦେଇ ସନ୍ଥ ବୈଷ୍ଟବ କବି ଭକ୍ତ ଚରଣଙ୍କ ପ୍ରତିମୂର୍ତ୍ତିରେ ଫୁଲ,ଚନ୍ଦନ ଓ ପ୍ରଦୀପ ପ୍ରଜ୍ବଳନ କରି ଏହାକୁ ଶୁଭରମ୍ଭ କରିଥିଲେ !

ଶିକ୍ଷକ ପ୍ରଭାତ କୁମାର ପଣ୍ଡା ବେଦପାଠ ଗାନ କରିଥିଲେ,ପ୍ରାକ୍ତନ ଅଧ୍ୟାପକ ତଥା ପ୍ରବଚକ ରବୀନ୍ଦ୍ର କୁମାର ସାହୁ ଅତିଥି ପରିଚୟ ପ୍ରଦାନ କରିଥିବାବେଳେ ସମ୍ପାଦକ ସନ୍ତୋଷ କୁମାର ପ୍ରଧାନ ସମ୍ପାଦକୀୟ ବିବରଣୀ ପଠନ କରିଥିଲେ !ପରିଶେଷରେ କ୍ଳବର ସଭାପତି ସତ୍ୟନାରାୟଣ ମିଶ୍ର ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ! ରାତି ୯ଘଟିକା ସମୟରେ ରଙ୍ଗରଙ୍ଗ ମନୋରଞ୍ଜନ ଧର୍ମୀ ସାଂସ୍କୃତିକ କାର୍ଯ୍ୟକ୍ରମ ସହ ମ୍ୟାଜିକସିଆନ ବିଜୟ କୁମାର ସାହୁଙ୍କ ଦ୍ୱାରା ମ୍ୟାଜିକ ସୋ ଦର୍ଶକମାନଙ୍କ ମନମୋହିଥିଲେ ! ଭକ୍ତଚରଣ କ୍ଳବ ପାଠାଗାରର ଉପଦେଷ୍ଠା ମଣ୍ଡଳୀ, ସ୍ମାରକୀ ସଂଯୋଜକ ଓ କ୍ଳବର ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରି ପରିଚାଳନା କରିଥିଲେ !