ୱାଇଆଇ ଭୁବନେଶ୍ୱର ପକ୍ଷରୁ ନିଶାମୁକ୍ତ ଓଡ଼ିଶା ଅଭିଯାନର ଏକ ଅଂଶ ଭାବରେ ‘ୱାଇଆଇ ରନ୍ – ଭୁବନେଶ୍ୱର – ରାଇଜ ଏବୋଭ ଆଡିକ୍ସନ ଆଣ୍ଡ ବ୍ରେକ ଦି ସାଇଲେନ୍ସ ‘ ଶୀର୍ଷକ ମାରଥନ୍ ର ଦ୍ୱିତୀୟ ସଂସ୍କରଣ ଆୟୋଜନ କରୁଛି

୧୧ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍  ) ଭୁବନେଶ୍ଵର :-> ସିଆଇଆଇ ୟଙ୍ଗ ଇଣ୍ଡିଆନସ ଭୁବନେଶ୍ୱର ପକ୍ଷରୁ ଦ୍ୱିତୀୟ ‘ୱାଇଆଇ ରନ୍ – ଭୁବନେଶ୍ୱର’ ଆୟୋଜନ କରାଯାଇଛି । ‘ୱାଇଆଇ ରନ୍ – ଭୁବନେଶ୍ୱର – ରାଇଜ ଏବୋଭ ଆଡିକ୍ସନ ଆଣ୍ଡ ବ୍ରେକ ଦି ସାଇଲେନ୍ସ ‘ ବୋଲି କ୍ରୀଡ଼ା ଓ ଯୁବ ବ୍ୟାପାର ବିଭାଗ ଏବଂ ଓଡ଼ିଶା ସରକାରଙ୍କ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ବିଭାଗ ସମର୍ଥନ କରିଛି। ନଭେମ୍ବର ୧୭ ତାରିଖ ରବିବାର କଳିଙ୍ଗ ଷ୍ଟାଡିୟମରେ ଏହି କମ୍ୟୁନିଟି ରନ୍ ଅନୁଷ୍ଠିତ ହେବାକୁ ଯାଉଛି । ଏହି କାର୍ଯ୍ୟକ୍ରମ ମାଧ୍ୟମରେ ମାନସିକ ସ୍ୱାସ୍ଥ୍ୟ ଓ ନିଶା ଦ୍ରବ୍ୟ ସେବନ ସମ୍ପର୍କରେ ସଚେତନତା ସୃଷ୍ଟି କରିବା ଏବଂ ସମସ୍ତଙ୍କ ପାଇଁ ସୁସ୍ଥ, ନିଶାମୁକ୍ତ ଜୀବନ ପାଇଁ ପ୍ରେରଣା ଦେବା ନିମନ୍ତେ ୱାଇଆଇ ଭୁବନେଶ୍ୱରର ପ୍ରମୁଖ ‘ଭୁବନେଶ୍ୱର ବାଇ ନାଇଟ୍’ ମାରାଥନ୍ ର ଲକ୍ଷ୍ୟ ରହିଛି ।

ଓଡ଼ିଶାର ମାନ୍ୟବର ଉପମୁଖ୍ୟମନ୍ତ୍ରୀ ଶ୍ରୀ କନକ ବର୍ଦ୍ଧନ ସିଂହଦେଓ, କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରୀ ଶ୍ରୀ ସୂର୍ଯ୍ୟବଂଶୀ ସୁରଜ ଏବଂ ସାମାଜିକ ସୁରକ୍ଷା ଏବଂ ଭିନ୍ନକ୍ଷମ ସଶକ୍ତୀକରଣର ବରିଷ୍ଠ ଅଧିକାରୀ, ଅଭିନେତା, ସାମାଜିକ କର୍ମୀ ଏବଂ ଜାତୀୟ ରଗବୀ ଖେଳାଳି ରାହୁଲ ବୋଷ ଏହି କାର୍ଯ୍ୟକ୍ରମକୁ ପତାକା ଦେଖାଇ ଶୁଭାରମ୍ଭ କରିବେ ।
ଏହି ମାରାଥନରେ ସମସ୍ତ ସମ୍ପ୍ରଦାୟର ସଦସ୍ୟ, ସଂଗଠନ, ଫୋରମ୍, ଡାକ୍ତରୀ ଜଗତ ଏବଂ ଫିଟନେସ୍ ପ୍ରେମୀ, ସ୍କୁଲ ଓ କଲେଜ, ବରିଷ୍ଠ ନାଗରିକ ଓ କର୍ପୋରେଟ୍ ମାନଙ୍କୁ ଏକାଠି ହୋଇ ନିଶାମୁକ୍ତ ଓଡ଼ିଶା ପାଇଁ ଦୌଡ଼ିବାକୁ ନିମନ୍ତ୍ରଣ କରାଯାଇଛି ।

ପ୍ରତିଯୋଗୀମାନେ ୨.୫ କିଲୋମିଟର ଫନ୍ ରନ୍ (ନନ୍-ଟାଇମଡ୍), ୫ କିଲୋମିଟର ଟାଇମଡ୍ ରନ୍, ୧୦ କିଲୋମିଟର ଟାଇମଡ୍ ରନ୍ ଦ୍ବାରା ତିନୋଟି ବର୍ଗରେ ମୋଟ ୧,୦୨,୦୦୦ ଟଙ୍କା ନଗଦ ପୁରସ୍କାର ଜିତିବାର ସୁଯୋଗ ପାଇବେ । ଆସନ୍ତୁ ଆମର ଯୁବବର୍ଗଙ୍କୁ ବଞ୍ଚାନ୍ତୁ, ଆମର ପିଲାମାନଙ୍କୁ ବଞ୍ଚାନ୍ତୁ ଏବଂ ଆମର ପରିବାରକୁ ବଞ୍ଚାନ୍ତୁ । ନିଶାମୁକ୍ତ ଓଡ଼ିଶା ପାଇଁ ୱାଇଆଇ ରନ୍-ଭୁବନେଶ୍ୱର ବାଇ ନାଇଟ୍ ରାଇଜ ଏବୋଭ ଆଡିକ୍ସନ ଆଣ୍ଡ ବ୍ରେକ ଦି ସାଇଲେନ୍ସ , ୧୭ ନଭେମ୍ବର ୨୦୨୪ ସନ୍ଧ୍ୟା ୭ ଘ. କଳିଙ୍ଗ ଷ୍ଟାଡିୟମ, ଭୁବନେଶ୍ଵର ପଞ୍ଜୀକରଣ ଏବଂ ଅଧିକ ବିବରଣୀ ପାଇଁ https://ironmonk.fit/yirunbbsr.php କିମ୍ୱା ନିମ୍ନରେ କ୍ୟୁଆର୍ କୋଡ୍ ସ୍କାନ୍ କରନ୍ତୁ ।