ଅଖଣ୍ଡ କ୍ଷେତ୍ରରେ ରାଇଦମୋଦର ପୂଜା ଓ ତୁଳସୀ ଯାତ୍ରା

୦୬ ନଭେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ଡମପଡ଼ା ବ୍ଲକ ଅନ୍ତର୍ଗତ ହରିରାଜପୁର-ଚକାପଦା ଗ୍ରାମରେ ଅବସ୍ଥିତ ପ୍ରସିଦ୍ଧ ଶୈବପୀଠ ପ୍ରଭୁ ଅଖଣ୍ଡେଶ୍ୱରଙ୍କ ଅଖଣ୍ଡକ୍ଷେତ୍ର ପରିସରରେ ପବିତ୍ର କାର୍ତ୍ତିକ ମାସ ଅବସରରେ ରାଇଦାମୋଦର ପୂଜା ଓ ତୁଳସୀଯାତ୍ରା ମହାସମାରୋହରେ ଅନୁଷ୍ଠିତ ହୋଇଯାଇଛି । ମନ୍ଦିରର ମହନ୍ତ ବୈକୁଣ୍ଠ ନାଥ ନନ୍ଦଙ୍କ ତତ୍ତାବଧାନରେ ଆୟୋଜିତ କାର୍ଯ୍ୟକ୍ରମରେ ତୁଳସୀଗଛକୁ ପୂଜା କରିବା ସହିତ ସଂକୀର୍ତ୍ତନ ଓ ଭାଗବତ ପରିବେଷଣ କରାଯାଇଥିଲା ।

ଏହି କାର୍ଯ୍ୟକ୍ରମରେ ଅଖଣ୍ଡେଶ୍ୱର ମହିଳା ଭାଗବତ ମଣ୍ଡଳୀ ଓ ବିଭିନ୍ନ ଗ୍ରାମର ମହିଳା ଭାଗବତ ମଣ୍ଡଳୀର ବହୁ ମହିଳା ଭାଗବତ ପ୍ରେମୀ ଯୋଗଦାନ କରି ଭାଗବତ ପରିବେଷଣ କରିଥିଲେ । କାର୍ଯ୍ୟକ୍ରମରେ ଅତିଥି ଭାବେ ଶିକ୍ଷାବିତ୍ ପ୍ରାଧ୍ୟାପକ ମନୋଜ କୁମାର ମହାପାତ୍ର, ସମାଜସେବୀ ଅକ୍ଷୟ କୁମାର ସାମଲ , ବେଣୁଧର ରଥ ପ୍ରମୁଖ ଯୋଗଦାନ କରି ସଂକୀର୍ତ୍ତନ ଓ ଭାଗବତ ମଣ୍ଡଳୀକୁ ଉତ୍ସାହିତ କରିଥିଲେ । କାର୍ଯ୍ୟକ୍ରମକୁ ନନ୍ଦ ରଣା ଓ ପ୍ରଦୀପ ରଣା ପରିଚାଳନା କରିଥିଲେ ।