୧୯ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଚାନ୍ଦପୁର :-> ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ସୋରଣ ଘୋଡା ଦଉଡ ପେଣ୍ଠ ନିକଟରେ ଚାଲିଥିଲା ବେଆଇନ ମାଙ୍କଡା ପଥର ଖଣି । ଖଣି ଚଳାଉ ଥିଲେ ସ୍ଥାନୀୟ ମାଫିଆ ।ଲୋକ ମାନଙ୍କର ଅଭିଯୋଗ କୁ ବେଖାତିର କରି ଚଳାଇଥିଲେ ଖଣି । ଆୟ କରୁଥିଲେ ମୋଟା ଅଙ୍କର ଅର୍ଥ ଖବର ପାଇ ମାଫିଆ ମାନଙ୍କୁ ସବାଡ଼ କରିବା ପାଇଂ ଚଢ଼ାଉ କରିଥିଲା ଟାଙ୍ଗୀ ପୋଲିସ ।
ଟାଙ୍ଗୀ ଥାନା ଆଇ ଆଇ ସି ସୁଶାନ୍ତ କୁମାର ବେହେରା ସଦଳ ବଳେ ରାତି ଅଧିଆ କରିଥିଲେ ଚଢ଼ାଉ। ପୋଲିସ ଚଢ଼ାଉ ଦେଖି କେତେକ ମାଫିଆ ଛତ୍ରଭଙ୍ଗ ଦେଉଥିବା ବେଳେ ଗୋଡ଼ାଇ ଗୋଡ଼ାଇ ୩ ଜଣଙ୍କୁ ଧରିଥିଲା ପୋଲିସ । ତେବେ କେତେକ ମାଫିଆ ଅନ୍ଧାରର ସୁଯୋଗ ନେଇ ଖସି ପଳାଇ ବାରେ ହୋଇଥିଲେ ସମର୍ଥ ।
ଘଟଣା ସ୍ଥଳରୁ ଗୋଟିଏ JCB. ୪ ଟି ଟ୍ରାକ୍ଟର ,ଦୁଇଟି ଟ୍ରକ. ଗୋଟିଏ ବାଇକ ଜବତ କରିଛି ଟାଙ୍ଗୀ ପୋଲିସ ।ଚୋରା କାରବାର ଅଭିଯୋଗରେ ୩ ଜଣଙ୍କୁ ଅଟକ ରଖି ତଦନ୍ତ କରୁଛି ପୋଲିସ । ତେବେ ଘଟଣା ସ୍ଥଳରୁ କେତେକ ମାଫିଆ ଫେରାର।ମାଫିଆଙ୍କୁ ଧରିବା ପାଇଁ ଚଢ଼ାଉ ଜାରି ରଖିଛି ପୋଲିସ।
