ଡମପଡ଼ା ଦଶହରା ଉତ୍ସବର ସୁବର୍ଣ୍ଣ ଜୟନ୍ତୀ ପାଳନ

୧୬ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ  :->  ବାଙ୍କୀ ଉପଖଣ୍ଡ ଡମପଡ଼ାରେ ଦଶହରା ପର୍ବ ବହୁବର୍ଷ ଧରି ଧୂମ୍‌ଧାମ୍‌ରେ ପାଳିତ ହୋଇଆସୁଛି । ହଜାର ହଜାର ସଂଖ୍ୟାରେ ଶ୍ରଦ୍ଧାଳୁମାନେ ଏହି ପର୍ବକୁ ଉପଭୋଗ କରିବାକୁ ସେଠାକୁ ଆସିଥାନ୍ତି । ଚଳିତ ବର୍ଷ ବିିଭିିନ୍ନ ପୂଜାମଣ୍ଡପରେ ମା’ଙ୍କର ପୂଜା ଆଡମ୍ବର ସହକାରେ ପାଳିତ ହୋଇଯାଇଛି । ସମସ୍ତ ଗ୍ରାମକୁ ରଙ୍ଗିନ୍ ଆଲୋକମାଳରେ ସଜା ଯିବା ସହିତ ସୁଉଚ୍ଚ ତୋରଣ ଆକର୍ଷଣର କେନ୍ଦ୍ରବିନ୍ଦୁ ପାଲଟିଥିଲା । ଏହି ବର୍ଷ ଗ୍ରାମର ସର୍ବପୁରାତନ ପୂଜାମଣ୍ଡପ “କରଣ ସାହି ପୂଜାମଣ୍ଡପ” ତାହାର ଦଶହରାର ସୁବର୍ଣ୍ଣ ଜୟନ୍ତୀ ଉତ୍ସବ ପାଳନ କରିଛି ।ତିନି ଦିନ ବ୍ୟାପି ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବା ସହ ସଭାମଞ୍ଚରେ ସାହିର ମୁରବୀ ଓ ବିଭିନ୍ନ କ୍ଷେତ୍ରରେ ପାରଦର୍ଶିତା ଅର୍ଜନ କରି ସାହିକୁ ଗୌରାବନ୍ୱୀତ କରିଥିବା ପ୍ରତିଭାମାନଙ୍କୁ ସାହି ପ୍ରତିଭା ସମ୍ମାନରେ ସମ୍ମାନୀତ କରାଯାଇଥିଲା । ଡକ୍ଟର ରାଜେଶ ଦାଶ, ଧଳସିଦ୍ଧେଶ୍ୱର କାଷ୍ୟପ, ମଙ୍ଗଳ ପଟ୍ଟନାୟକ, ସୁଶ୍ରୀ ମମତା ଦାଶ, ସୁଶ୍ରୀ ଇତିଶ୍ରୀ ଦାସ, ସଂଜୀବ କୁମାରଦାଶ, ରାକେଶ କୁମାର ଦାଶ, ଗଦା ପଟ୍ଟନାୟକ ପ୍ରଭୃତିଙ୍କୁ ସମ୍ମାନୀତ କରାଯାଇଥିଲା । ସାହିର ସଭାପତି ଟିକଟ କୁମାର ମହାନ୍ତି, ସମ୍ପାଦକ ଯୋଗେଶ ଚନ୍ଦ୍ର ଦାଶ,ମୁଖ୍ୟସହଯୋଗୀ ପ୍ରଶାନ୍ତ କୁମାର ମହାନ୍ତିଙ୍କ ନେତୃତ୍ୱରେ ସମସ୍ତ କାର୍ଯ୍ୟକ୍ରମ ପରିଚାଳିତ ହୋଇଥିଲା । ବିଶିଷ୍ଟ ଯୁବକର୍ମି ସଂଜୀବ କୁମାର ଦାଶ ମଞ୍ଚ ପରିଚାଳନା କରିଥିବା ବେଳେ କ୍ଲବର ସମସ୍ତ ଯୁବକମାନେ ଏହି କାର୍ଯ୍ୟକ୍ରମରେ ସହଯୋଗ କରିଥିଲେ । ସଭାପତି ଓ ସଂପାଦକ ସମସ୍ତ ସାହି ସଦସ୍ୟଙ୍କୁ ଧନ୍ୟବାଦ ଜଣାଇଥିଲେ ।