ନୂଆ କାଚରାମାଳ ମହାଦେବ ପୂଜା କମିଟି ପକ୍ଷରୁ ଦଶହରା ପୂଜା ଆରମ୍ଭ

୧୨ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) କଟକ :-> କଟକ ମହାନଗର ନିଗମ ୫୯ ନମ୍ବର ୱ।ର୍ଡ଼ ଫୁଲନଖରା ଛକ ନିକଟସ୍ଥ ନୂଆ କାଚରାମାଳ ମହାଦେବ ପୂଜା କମିଟି ପକ୍ଷରୁ ଶାରଦୀୟ ଦଶହରା ପୂଜା ଶୁକ୍ରବାର ଠାରୁ ମହା ଆଡ଼ମ୍ବରରେ ଅନୁଷ୍ଠିତ ହୋଇଛି । ପୂଜା କମିଟିର ସଭାପତି ପ୍ରୀୟରଞନ ବେହେରା ଏବଂ ପୂଜା କମିଟିର ସମସ୍ତ କର୍ମକର୍ତ୍ତାଙ୍କ ପକ୍ଷରୁ ଆୟୋଜିତ ମହାଦେବ ପୂଜାରେ କାନନ ବିହାରୀ ନାୟକ କର୍ତ୍ତା ହୋଇଥିଲେ ।

ଚଳିତ ବର୍ଷ ନୂଆ କାଚରାମାଳ ମହାଦେବ ପୂଜା କମିଟି ସାଂସ୍କୃତିକ କାର୍ଯ୍ୟକ୍ରମକୁ ବନ୍ଦରଖି ୭୫ ହଜାର ଟଙ୍କା ବ୍ୟୟରେ ପୂଜା ମଣ୍ଡପ ନିକଟରେ ଏକ ଥଣ୍ଡା ପାନୀୟ ଜଳ କେନ୍ଦ୍ର ଖୋଲିଛନ୍ତି । ଯାହାଫଳରେ ପଥଚାରୀ ,ସ୍କୁଲ ଛାତ୍ରଛାତ୍ରୀ ମାନେ ଏହି ପାନୀୟ ଜଳ ସହଜରେ ପିଇବାର ସୁଯୋଗ ପାଇପାରିବେ । ପୂଜା ମଣ୍ଡପରେ ଦର୍ଶନ ପାଇଁ ସନ୍ଧ୍ୟାରେ ପ୍ରବଳ ଜନସମାଗମ ହେଉଛି ।