ରଣପୁର ବ୍ଲକ ବିଜେଡି ଦଳ ପକ୍ଷରୁ ଗାଁକୁ ଚାଲ ଅଭିଯାନ ଶୁଭାରମ୍ଭ ଓ ଗାନ୍ଧୀ, ଶାସ୍ତ୍ରୀ ଜୟନୀ ପାଳିତ

୦୩ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ )  ରଣପୁର  :-> ରାଜ୍ୟ ବିଜେଡି ସଭାପତି ତଥା ପୂର୍ବତ୍ତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିଦେଶକ୍ରମେ ନୟାଗଡ଼ ଜିଲ୍ଲା ରଣପୁର ବ୍ଲକ ବିଜେଡି ସଭାପତି ସଚିକାନ୍ତ ଷଡ଼ଙ୍ଗୀ ଓ ରଣପୁର ଏନ ଏ ସି ଅଧକ୍ଷା ରଙ୍ଗୀନ ମହାନ୍ତିଙ୍କ ମିଳିତ ଆବାହକତ୍ୱରେ ରଣପୁର ମଣିନାଗ ମନ୍ଦିର କଲ୍ୟାଣ ମଣ୍ଡପଠାରେ ରଣପୁର ବ୍ଲକ ବିଜେଡି ଦଳ ପକ୍ଷରୁ ଗାଁକୁ ଚାଲ ଅଭିଯାନ ଶୁଭାରମ୍ଭ ଓ ଗାନ୍ଧୀ ଶାସ୍ତ୍ରୀ ଜୟନୀ ପାଳିତ ହୋଇଯାଇଛି !

ଏହି ଗାଁକୁ ଚାଲ ଅଭିଯାନ ଶୁଭାରମ୍ଭ କାର୍ଯ୍ୟକ୍ରମକୁ ରଣପୁର ନିର୍ବାଚନ ନିର୍ବାଚନ ମଣ୍ଡଳୀର ପୂର୍ବତ୍ତନ ବିଜେଡି ବିଧାୟକ ସତ୍ୟନାରାୟ ପ୍ରଧାନ , ନୟାଗଡ଼ ଜିଲ୍ଲା ଜିଲ୍ଲାପରିଷଦ ଅଧକ୍ଷ ଦେବାଶିଷ ପଟ୍ଟନାୟକ, ବ୍ଲକ ଉପାଧ୍ୟାକ୍ଷ ପ୍ରଭାତ ଦଳବେହେରା, ଲିଙ୍ଗରାଜ ନାୟକ, ଜିଲ୍ଲା ବିଜେଡି ଉପସଭାପତି ପାଣ୍ଡଵ ସେଠୀ, ବ୍ଲକ ବିଜେଡି ମହିଳା ସଭାନେତ୍ରୀ ନର୍ମଦା ରାୟ,ଏନ ଏ ସି ଅଧକ୍ଷାଙ୍କ ପ୍ରତିନିଧି ସ୍ୱରାଜ୍ ମହାନ୍ତି ପ୍ରମୁଖ ଯୋଗଦେଇ ମହାତ୍ମା ଗାନ୍ଧୀଙ୍କ ଫୋଟୋ ଚିତ୍ରରେ ଫୁଲ,

ଧୂପ ଓ ଦୀପ ଦେଇ ଏହାକୁ ଶୁଭ ଉଦଘାଟନ କରିଥିଲେ ! ନିର୍ବାଚନର ୪ମାସ ଭିତରେ ବିଳମ୍ବରେ ପ୍ରଥମ ବୈଠକ ପ୍ରସ୍ତୁତି ହୋଇଥିବାରୁ ନେତୃବୃନ୍ଦ କ୍ଷଭୋ ପ୍ରକାଶ କରିଥିଲେ ମଧ୍ୟ୍ୟ ସମସ୍ତେ ଭାଇଚାରା, ସମନ୍ନୟ, ,ଏକତା ଶୃଙ୍ଖଳାର ସହ ଏକାଠି ହୋଇ ଗାଁକୁ ଚାଲ ଅଭିଯାନରେ ସାମିଲ ହୋଇ ଦଳକୁ ସୃଦୁଢ କରିବା ଉପରେ ମତବ୍ୟକ୍ତ କରିଥିଲେ !

ରଣପୁର ନିର୍ବାଚନ ମଣ୍ଡଳୀର ପୂର୍ବତ୍ତନ ବିଜେଡି ବିଧାୟକ ଶ୍ରୀ ପ୍ରଧାନ ସମସ୍ତ ବିଜୁ ପ୍ରେମୀ, କର୍ମୀ/କର୍ମକର୍ତ୍ତମାନେ କମନ ମ୍ୟାନ ହୋଇ ବିଜେଡିର ଜନ ହିତକର ଯୋଜନା ସମ୍ପର୍କରେ ଜନସାଧାରଣଙ୍କ ନିକଟକୁ ଯାଇ ଅବଗତ କରାଇବାକୁ ପରାମର୍ଶ ଦେଇଥିଲେ । ନୟାଗଡ଼ ଜିଲ୍ଲା ଜିଲ୍ଲାପରିଷଦ ଅଧକ୍ଷ ଇଂ ଦେବାଶିଷ ପଟ୍ଟନାୟକ ବିଜେଡି କର୍ମୀମାନଙ୍କୁ ସଂଘବଦ୍ଧ ଭାବେ ରହି ରାଜ୍ୟ ବିଜେପି ସରକାରକୁ ଟାର୍ଗେଟ କରିବାକୁ ଗୁରୁମନ୍ତ୍ର ଦେଇଥିଲେ ।

ଏହି କାର୍ଯ୍ୟକ୍ରମରେ ରଣପୁର ବ୍ଲକର ସମସ୍ତ ନିର୍ବାଚିତ ବିଜେଡି ସରପଞ୍ଚ,ସମିତି ସଭ୍ୟ /ସଭ୍ୟା, ଓ ଜିଲ୍ଲାପରିଷଦ ସଭ୍ୟ/ସଭ୍ୟାମାନେ ଏବଂ ବିଜେଡି ଦଳର ବହୁ କର୍ମୀ/କର୍ମକର୍ତ୍ତାମାନେ ଯୋଗଦେଇ “ଜନତାଙ୍କ ବଳ,ବିଜୁ ଜନତା ଦଳ “ନାର ଦେଇ ବ୍ଲକରେ ୩ଟି ପ୍ରାର୍ଯ୍ୟାୟରେ ଗାଁକୁ ଚାଲ ଅଭିଯାନକୁ ଜାତିର ପିତା ମହାତ୍ମା ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ ପାଳନ ଅବସରରେ ଶପଥ ନେଇଥିଲେ !