ଓଡିଶା ତାଜା ନ୍ୟୁଜ୍ (୧୬ ଅଗଷ୍ଟ ରବିବାର) ପାରଳାଖେମୁଣ୍ଡି :- ସାରା ରାଜ୍ୟ ସମେତ ଗଜପତି ଜିଲ୍ଲାରେ କରୋନା କୁ ନେଇ ପୋଲିସ ହଉ କିମ୍ବା ପ୍ରଶାସନ ଦିନ ରାତି ଗୋଟେ କରି କରୋନା ସଂକ୍ରମଣକୁ ନିୟନ୍ତ୍ରଣକୁ ଆଣିବା ପାଇଁ ବ୍ୟସ୍ତ ଥିବା ବେଳେ ଏହାର ସୁଯୋଗ ନେଇ ଗଜପତି ଜିଲ୍ଲାରେ ଗଞ୍ଜେଇ ମାଫିଆ ମାନେ କାୟା ବିସ୍ତାର କରି ଚାଲିଛନ୍ତି । ଦିନ କୁ ଦିନ ଗଜପତି ଜିଲ୍ଲାରୁ ରାଜ୍ୟ ଓ ରାଜ୍ୟ ବାହାରକୁ ବିଭିନ୍ନ ଉପାୟରେ ଗଞ୍ଜେଇ ଚୋରା ଚାଲାଣ ମଧ୍ୟ ଦୃତ ଗତିରେ ବୃଦ୍ଧି ପାଉଥିବା ଦେଖି ବାକୁ ମିଳୁଛି । ଅନ୍ୟ ପକ୍ଷରେ ଗଞ୍ଜେଇ ମାଫିଆ ମାନେ ମଧ୍ୟ ଗଞ୍ଜେଇ ଚୋରା ଚାଲାଣ ବେଳେ ଗଜପତି ପୋଲିସ ହାତରେ ଧରା ପଡି ଗିରଫ ହେବାରେ ଲାଗିଛନ୍ତି । କିନ୍ତୁ ପରିତାପର ବିଷୟ ଏହିକି ଯେ ଗଜପତି ଜିଲ୍ଲା ର ଅବକାରୀ ବିଭାଗ ବୋଲି ଏକ ବିଭାଗ ଥିଲା ଭଳି ଜଣା ପଡୁନି । ମଦ ହେଉ କିମ୍ବା ଗଞ୍ଜେଇ ହେଉ ଜଉ ଧରପଗଡ କାମଜିଲ୍ଲା ଅବକାରୀ ବିଭାଗ କରିବା କଥା ସେହି କାମ ଜିଲ୍ଲା ପୋଲିସ ତାର ସମସ୍ତ କାର୍ଯ୍ୟ ଛାଡ଼ି ଅବକାରୀ ବିଭାଗର କାର୍ଯ୍ୟ ମଧ୍ୟ କରୁଛି । ଗଜପତି ଏସ.ପି. ତପନ କୁମାର ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ଏସଡିପିଓ ଅଶୋକ କୁମାର ମହାନ୍ତି ଙ୍କ ପ୍ରତ୍ୟକ୍ଷ ତତ୍ଵାବଧାନରେ ଅଡବା ଥାନା ଭାରପ୍ରାପ୍ତ ଅଧିକାରୀ ଆଲୋକ ରଞ୍ଜନ ଜଗଦଲାଙ୍କ ନେତୃତ୍ୱରେ ଆଜି ସକାଳେ
ଏସ ଆଇ ହେମନ୍ତ କୁମାର ସେଠୀ ଓ ଅନ୍ୟାନ୍ୟ ପୋଲିସ କର୍ମଚାରୀ ମିଳିତ ଭାବେ ଲୁହାଗୁଡି ଓ ଚାନ୍ଦିପୁଟ ମଧ୍ୟରେ ଥିବା କଳମେରି ଗ୍ରାମ ନିକଟରେ ପେଟ୍ରୋଲିଙ୍ଗି କରୁଥିବା ସମୟରେ ଚାନ୍ଦିପୁଟ ପଟୁ ଆସୁଥିବା ଟାଟା ଡ଼ାୟକର୍ ଗାଡି ଯାହାର ନମ୍ବର OD05 Z 9444 କୁ ଅଟକାଇ ଖାନ ତଲାସୀ କରିଥିଲେ । ସେହି ଗାଡି ମଧ୍ୟରୁ ୧୩ ବସ୍ତା ଗଞ୍ଜେଇ ମିଳିଥିଲା । ମୋହନା ବିଡ଼ିଓ ତଥା ଏକ୍ୟୁଜିଟିଭ ମାଜିଷ୍ଟ୍ରେଟ ବଂଶୀଧର ଖୋସଲା ଙ୍କ ଉପସ୍ଥିତିରେ ଉକ୍ତ ଗଞ୍ଜେଇ ର ଓଜନ କରିବାରୁ ସମୁଦାୟ ଗଞ୍ଜେଇ ର ପରିମାଣ ୩୯୧ କେଜି ୭୦୦ ଗ୍ରାମ ହୋଇଥିଲା ଯାହାର ବଜାର ମୂଲ୍ୟ ୩୦ ଲକ୍ଷ୍ୟ ଟଙ୍କା ରୁ ଉର୍ଦ୍ଧ ହେବ । ଉକ୍ତ ଟାଟା ଡ଼ାୟକର ଗାଡ଼ିର ମାଲିକ ପାଉଲ୍ ପାଣି ଓ ତାଙ୍କ ଗାଡ଼ିର ଡ଼୍ରାଇଭର ଅନୁଗ୍ରହ ଲିମ୍ମା ଉଭୟଙ୍କ ଗ୍ରାମ ଗଜପତି ଜିଲ୍ଲାର ଆର. ଉଦୟଗିରି ବ୍ଲକ ଅନ୍ତର୍ଗତ ରଣାଲାଇ ଗ୍ରାମ ବୋଲି ଜଣା ପଡିଛି । ଉଭୟେ ମିଳିତଭାବେ ଆର. ଉଦୟଗିରି ବ୍ଲକରୁ ଗଞ୍ଜେଇ ସବୁ କିଣି ବ୍ରହ୍ମପୁରକୁ ଚାଲାଣ କରି ଆସୁଥିଲେ । ଉଭୟ ଙ୍କୁ ମୋହନା ପୁଲିସ ଗିରଫ କରିବା ସହ ଟାଟା ଡ଼ାୟକର ଗାଡିକୁ ମଧ୍ୟ ଜବତ୍ କରିଛି ଏ ବାବଦରେ ମୋହନା ଥାନାରେ କେଶ ନମ୍ବର ୧୨୯/୨୦ ରେ ଏକ ମକଦ୍ଦମା ରୁଜୁ କରାଯାଇଛି । ଏହାର ତଦନ୍ତ ଦାୟିତ୍ୱ ମୋହନା ଥାନାର ଏସ ଆ ଇ ସୁନିଲ କୁମାର ଦଳେଇ ଙ୍କୁ ଦିଆଯାଇଛି । ତଦନ୍ତ ଜାରି ରହିଛି ଗିରଫ ଦୁଇ ଜଣଙ୍କୁ ଆସନ୍ତା କାଲି କୋର୍ଟ ଚାଲାଣ କରାଯିବ ବୋଲି ମୋହନା ପୁଲିସ ଏକ ପ୍ରେସ ବିଜ୍ଞପ୍ତି ରେ ଜଣାଇଛନ୍ତି । ( ରିପୋର୍ଟ -ଗରୁଡ଼ ଧ୍ଵଜ ଚୌଧୁରୀ )
