ବାବା ଅରକ୍ଷିତ ଦାସ ମହାରାଜ ଭାଗବତ ପରିଷଦର ରାଜ୍ୟ ସଭାପତି

୨୦ ସେପ୍ଟେମ୍ବର,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଜଗତସିଂହପୁର :-> ବିରିଡି ବ୍ଲକ ହାଜିପୁର ସ୍ଥିତ ପବିତ୍ର ଧ୍ୟାନକୁଦ ପୀଠର ପିଠାଧୀଶ ବାବା ଅରକ୍ଷିତ ଦାସ ମହାରାଜ ଭାଗବତ ପରିଷଦର ରାଜ୍ୟ ସଭାପତି ଭାବେ ବିବେଚିତ ହୋଇଛନ୍ତି l ଶ୍ରୀ ଅନନ୍ତ ମାଧବ ଆଶ୍ରମ ଖଣ୍ଡଗିରି ଠାରେ ଭାଗବତ ଜନ୍ମ ବୁଧବାର ଦିନ ଆୟୋଜିତ ସାଧୂସନ୍ଥ ସମିଳନୀ ରେ ବାବା ଦାସ ଙ୍କୁ ଏହି ଉପାଧି ପ୍ରଦାନ କରାଯାଇଛି l କୋଣାର୍କ ପଞ୍ଚସଖା କଳ୍କୀ ଆଶ୍ରମ ର କୃଷ୍ଣ ବାବା ସାଧୁ ସନ୍ଥ ମାନଙ୍କ ଉପସ୍ଥିତିରେ ପୁଷ୍ପଗୁଛ ଓ ଉପଢୌକନ ଦେଇ ସଭାପତି ପଦ ଅର୍ପଣ କରିଥିଲେ l

ଉପସ୍ଥିତ ସମସ୍ତ ସାଧୁ ସନ୍ଥ ଏହାକୁ ସ୍ୱାଗତ କରିଥିଲେ l ସାଧୁସନ୍ଥ ମାନଙ୍କ ମଧ୍ୟରେ କାନ୍ହୁ ବାବା କାକରୁଦ୍ରପୁର, ଅଶ୍ୱିନୀ ଦାସ ମାଛଗାଁ, ନାରଣ ଦାସ ଛତିଆ, ହରିଚନ୍ଦନ ଦାସ ଜାଗମରା, ବିପିନ ଦାସ ଛତିଆ ରଶ୍ମି ବାବା ଡୁମୁଡୁମା, ବିଦ୍ୟାଧର ମହାରଣା କୋଣାର୍କ, ସଞ୍ଜୟ ସାଲେପୁର, ଅଶୋକ ବାବା କେନ୍ଦ୍ରାପଡ଼ା ପ୍ରମୁଖ ବହୁ ସାଧୁ ସନ୍ଥ ଭକ୍ତ ଯୋଗଦେଇଥିଲେ l ସେଠାରେ ଯୁଗବାଦ ଉପରେ ଆଲୋଚନା କରାଯାଇଥିଲା l

ଭାରତ ବିଶ୍ୱକୁ ସମ୍ଭିଧାନ ଦେବ ବୋଲି ସାଧୁ ସନ୍ଥ ମାନେ ମତ ଦେଇଥିଲେ l କଳ୍କୀ ଅବତାର କୁନେଇ ଆହୁରି ଅନେକ ସମୟ ବାକି ଅଛି ବୋଲି ସାଧୁ ମାନେ ମତଦେଇଥିଲେ ଏହି ଅବସରରେ ଗୁରୁ ବନ୍ଦନା ମାତୃ ବନ୍ଦନା, ବ୍ରହ୍ମ ପଞ୍ଜର ପାଠ ଓ ଭାଗତ ତତ୍ୱ ଉପରେ ଆଲୋଚନା ଏବଂ ଖଣ୍ଡଗିରି ମହିମା ମହାତ୍ମ୍ୟ ଉପରେ କେତେକ ଭବିଷ୍ୟତ କଥା ମାନ ଆଲୋଚନା କରାଯାଇଥିଲା l କାର୍ଯ୍ୟ କ୍ରମରେ ମାତୃ ମଣ୍ଡଳୀ ଓ ଭକ୍ତ ମାନେ ଯୋଗ ଦେଇଥିଲେ l ସୁଧର୍ମା ମହାସଂଘ ପକ୍ଷରୁ ସଭା ପରିଚାଳନା କରାଯାଇଥିଲା l