ଓଡିଶା ତାଜା ନ୍ୟୁଜ୍ (୧୫ ଅଗଷ୍ଟ ଶନିବାର) ପାରଳଖେମୁଣ୍ଡି :- ଗଜପତି ଜିଲ୍ଲା ଆମ୍ ଆଦମୀ ପାର୍ଟି ତରଫରୁ ପାରଳାଖେମୁଣ୍ଡି ଠାରେ ୭୪ ତମ ସ୍ବାଧିନତା ଦିବସ ପାଳନ କରାଯାଇଛି । ଜିଲ୍ଲା ଆବାହକ ଶିଶିର କୁମାର ଭଞ୍ଜ ସାମନ୍ତଙ୍କ ନେତୃତ୍ୱରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ମୂଖ୍ୟ ଅତିଥି ଭାବେ ଶ୍ରୀ ରବିନ୍ଦ୍ରନାଥ ମହାରଣା ଯୋଗଦେଇ ଜାତୀୟ ପତାକା ଉତ୍ତୋଳନ କରିଥିଲେ । ଅନ୍ୟମାନଙ୍କ ମଧ୍ୟରେ କିଶୋର ଚନ୍ଦ୍ର ଗୁରୁ, ତ୍ରିନାଥ ଅଧିକାରୀ,ଲୋଗସ ଦାସ ବର୍ଦ୍ଧନ ଲିଙ୍ଗରାଜ ପାଣିଗ୍ରାହୀ,ଏଲିୟାଜର ମଣ୍ଡଳ, ଲୋକନାଥ ଭୁକ୍ତା, ତ୍ରିନାଥ ପଟ୍ଟନାୟକ,ଏସ୍.କେ.ମୋଜିବ, ପ୍ରେମାନନ୍ଦ ପଟ୍ଟନାୟକ, ସନ୍ତୋଷ ଦାସ, ଇଶ୍ଵର ରାଓ ପ୍ରମୁଖ ଯୋଗ ଦେଇ ଜାତି ଧର୍ମ ବର୍ଣ୍ଣ ନିର୍ବିଶେଷରେ ସମସ୍ତେ ଏକ ହୋଇ ପ୍ରଗତିଶୀଳ ରାଷ୍ଟ୍ର ନିର୍ମାଣ ନିମନ୍ତେ ଶପଥ କରିଥିଲେ ।
ସେହିପରି କାଶୀନଗର ସ୍ଥିତ ଫରେଷ୍ଟ ଛକ ଠାରେ ଆମ୍ ଆଦମୀ ପାର୍ଟି କାଶୀନଗର ଆବାହକ ତାମାଡା କ୍ରିଷ୍ଣା ଙ୍କ ନେତୃତ୍ୱରେ ସ୍ବାଧୀନତା ଦିବସ ପାଳନ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ଆମ୍ ଆଦମୀ ପାର୍ଟି ର ଗଜପତି ଉପଦେଷ୍ଟା, ଦକ୍ଷିଣ ଓଡ଼ିଶା ସାହିତ୍ୟ ସମ୍ମିଳନୀ ସଭାପତି ତଥା ସମାଜସେବୀ କବି ପ୍ରଶାନ୍ତ ମିଶ୍ର ମୂଖ୍ୟ ଅତିଥି ଭାବେ ଯୋଗଦେଇ ପତାକା ଉତ୍ତୋଳନ କରିଥିଲେ । (ପାରଳାଖେମୁଣ୍ଡି /ଗରୁଡ଼ ଧ୍ଵଜ ଚୌଧୁରୀ)
