ରଣପୁର ଅଂଚଳରେ ଗଣେଶ ପୂଜା ମହା ସମାରୋହରେ ପାଳିତ

୦୮ ସେପ୍ଟେମ୍ବର,୨୦୨୪ (ଓଡ଼ିଶା ତାଜା ନ୍ୟୁଜ୍ ) ରଣପୁର :-> ଚଳିତ ବର୍ଷ ସମଗ୍ର ରଣପୁର ଅଂଚଳରେ ଗଣେଶ ପୂଜା ମହା ସମାରୋହରେ ପାଳିତ ହୋଇଯାଇଛି । ପ୍ରତିବର୍ଷ ଭଳି ଚଳିତ ବର୍ଷ ପଂଚୁଦୋଳ ପଡିଆ ଠାରେ ଥିବା ଗଣେଶ ମଣ୍ଡପ ଠାରେ ପ୍ରଗତି ଯୁବକ ସଂଘ ରଣପୁର ଆନୁକୁଲ୍ୟରେ ୭୬ତମ ଗଣେଶ ପୂଜା ମହୋତ୍ସବ ଅନୁଷ୍ଠିତ ହେଉଛି ।

ଏହି ମଣ୍ଡପ ରେ ୭ତାରିଖ ରୁ ୧୦ତାରିଖ ପର୍ଯ୍ୟନ୍ତ ଓଡିଶାର ସ୍ୱନାମ ଧନ୍ୟ ପାଲା ଗାୟକ ପର୍ଶୁରାମ ପଣ୍ଡା ଓ ନାରାୟଣ ମହାରଣା ଙ୍କ ମଧ୍ୟରେ ବାଦୀପାଲା ଅନୁଷ୍ଠିତ ହେଉଛି । ଆସନ୍ତା ୧୧ ତାରିଖରେ ଏହି ମଂଚରେ ନୃତ୍ୟ ପ୍ରତିଯୋଗିତା , ୧୨ ତାରିଖରେ ଆଂଚଳିକ କଳାକାର ମାନଙ୍କୁ ନେଇ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ,

୧୩ ତାରିଖରେ ପ୍ରଗତି ଯୁବକ ସଂଘ ତରଫରୁ ସାମାଜିକ ନାଟକ ଓ ୧୪ତାରିଖରେ ଭଷାଣି କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ସଂଘ ର କର୍ମକର୍ତା ମାନଙ୍କ ତରଫରୁ ସୂଚନା ମିଳିଛି ।

ସେହିଭଳି ରଣପୁର ଅଂଚଳର ବିଭିନ୍ନ ଶିକ୍ଷାନୁଷ୍ଠାନ, ସାହି, ଗଳି କନ୍ଦି, ଗାଁ ଗଣ୍ଡା ଆଦିରେ ପୂଜା ମେଢ ସାଙ୍ଗକୁ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମରେ ଏହି ଅଂଚଳ ଉତ୍ସବମୁଖର ହୋଇପଡିଥିବା ଦେଖିବାକୁ ମିଳିଛି ।