<h3><em><span style="color: #ff9900;"><strong> ୩୦ ତମ ଗୁରୁ କେଳୁଚରଣ ମହାପାତ୍ର ସମ୍ମାନ ଉତ୍ସବ ଦ୍ୱିତୀୟ ସଂଧ୍ୟା </strong></span></em></h3> <h4><strong><span style="color: #ff0000;"><em>0୬ ସେପ୍ଟେମ୍ବର,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର :-> </em></span> ସୃଜନ-ଗୁରୁ କେଳୁଚରଣ ମହାପାତ୍ର ଓଡ଼ିଶୀ ନୃତ୍ୟବାସ ଏବଂ ଶ୍ରୀ ଶ୍ରୀ ବିଶ୍ୱବିଦ୍ୟାଳୟ ଦ୍ୱାରା ଆୟୋଜିତ ୩୦ ତମ ଗୁରୁ କେଳୁଚରଣ ମହାପାତ୍ର ପୁରସ୍କାର ଉତ୍ସବ ଦ୍ୱିତୀୟ ସନ୍ଧ୍ୟାରେ ଖ୍ୟାତାନାମା ଭାରତନାଟ୍ୟମ ନୃତ୍ୟ ପ୍ରଦର୍ଶକ ବୈଭବ ଆରେକର୍ଙ୍କ ଦ୍ୱାରା ଭାରତନାଟ୍ୟମ ଶାସ୍ତ୍ରୀୟ ନୃତ୍ୟ ଶ୍ରୀମନ୍ତ ଯୋଗୀ ଉପସ୍ଥାପନ ରବିନ୍ଦ୍ର ମଣ୍ଡପରେ ଦେଖିବାକୁ ମିଳିଥିଲା ।</strong><img class="alignnone wp-image-154691" src="https://odishatazanews.com/wp-content/uploads/2024/09/kalucarna-d-4-300x177.jpeg" alt="" width="778" height="459" /></h4> <h4><strong>ମୁଖ୍ୟ ଅତିଥି ଭାବେ ଓଡ଼ିଶା ସଙ୍ଗୀତ ନାଟକ ଏକାଡ଼େମୀର ସଭାପତି ତଥା ବିଶିଷ୍ଟ ଓଡ଼ିଶୀ ନୃତ୍ୟାଙ୍ଗନା ଗୁରୁ (ଡ଼କ୍ଟର) ଅରୁଣା ମହାନ୍ତି; ଚିନ୍ତା ଓ ଚେତନାର ରାଷ୍ଟ୍ରୀୟ ସଚିବ ଶ୍ରୀଯୁକ୍ତ ସୁରେନ୍ଦ୍ର ଦାସ ଏବଂ ସୃଜନର ନିର୍ଦ୍ଦେଶକ ତଥା ଶ୍ରୀ ଶ୍ରୀ ବିଶ୍ୱବିଦ୍ୟାଳୟର କଳା, ଯୋଗାଯୋଗ ଓ ଇଣ୍ଡିଜ ଷ୍ଟଡିଜ୍ ଅଧ୍ୟାପକ ଗୁରୁ ରତିକାନ୍ତ ମହାପାତ୍ରଙ୍କ ଦ୍ୱାରା ପ୍ରଦୀପ ପ୍ରଜ୍ୱଳନ ପୂର୍ବକ କାର୍ଯ୍ୟକ୍ରମ ଆରମ୍ଭ ହୋଇଥିଲା ।</strong><img class="alignnone wp-image-154690" src="https://odishatazanews.com/wp-content/uploads/2024/09/kalucarna-d-3-218x300.jpeg" alt="" width="782" height="1076" /></h4> <h4><strong>ଦ୍ୱିତୀୟ ସଂଧ୍ୟାର ଉପସ୍ଥାପନରେ ଥିଲା ଭାରତନାଟ୍ୟମ ନୃତ୍ୟ ଯାହାକୁ ପରିବେଷଣ କରିଥିଲେ ବିଶିଷ୍ଟ ଭାରତନାଟ୍ୟମ ନୃତ୍ୟ ପ୍ରଦର୍ଶକ ବୈଭବ ଆରେକର୍ ଏବଂ ତାଙ୍କର ସଂଖ୍ୟା ଅନୁଷ୍ଠାନର ଶିଳ୍ପୀବୃନ୍ଧ । ସେମାନଙ୍କ ପରିବେଷଣରେ ଥିଲା କିମ୍ବଦନ୍ତୀ ଶିବାଜୀ ମହାରାଜଙ୍କ ଜୀବନ ଏବଂ ସମୟର କାହାଣୀକୁ ନେଇ ଶ୍ରୀମନ୍ତ ଯୋଗୀ ।</strong><img class="alignnone wp-image-154694" src="https://odishatazanews.com/wp-content/uploads/2024/09/kalucarna-d-1-300x166.jpeg" alt="" width="781" height="432" /></h4> <h4><strong>ଏହି ପ୍ରସ୍ତୁତିଟି ମରାଠା ରାଜାଙ୍କ ସାଂସ୍କୃତିକ, ସାମାଜିକ ଏବଂ ଭାବପ୍ରବଣର ଛାପ ସେହି ସମୟର ସାମାଜିକ ପରିବେଶକୁ ଧାରଣ କରିଥିଲା । ଶିବାଜୀ ମହାରାଜଙ୍କ ଜୀବନ ଓ ସମୟକୁ ଲିପିବଦ୍ଧ କରିବା ବ୍ୟତୀତ ଏହି ଉପସ୍ଥାପନାଟି ତାଙ୍କର ଯୁଦ୍ଧ ଓ ସଂଘର୍ଷର କାହାଣୀରେ ପରିପୂର୍ଣ୍ଣ ଥିଲା । ଜଣେ କର୍ମ ଯୋଗୀ ଭାବରେ ଶିବାଜୀଙ୍କ ଭାବମୂର୍ତ୍ତି ୭୫ ମିନିଟର କାର୍ଯ୍ୟକ୍ରମରେ କଳାତ୍ମକ ଭାବରେ ପ୍ରକାଶିତ କରିଥିଲେ ଶିଳ୍ପୀମାନେ ।</strong><img class="alignnone wp-image-154693" src="https://odishatazanews.com/wp-content/uploads/2024/09/kalucarna-d-6-300x174.jpeg" alt="" width="809" height="469" /></h4> <h4><strong>ଏହି ଉତ୍ସବର ପରିକଳ୍ପନା ଗୁରୁ ରତିକାନ୍ତ ମହାପାତ୍ରଙ୍କ ଦ୍ୱାରା କରାଯାଇଥିବା ବେଳେ ଏହାକୁ କାର୍ଯ୍ୟକାରୀ ଶ୍ରୀ ଦେବୀପ୍ରସାଦ ମିଶ୍ର କରିଥିଲେ । ଏହି କାର୍ଯ୍ୟକ୍ରମଟିକୁ ଡଃ. ମୃତ୍ୟୁଞ୍ଜୟ ରଥ ପରିଚାଳନା କରିଥିଲେ । ୩୦ତମ ଗୁରୁ କେଳୁଚରଣ ମହାପାତ୍ର ସମ୍ମାନ ଉତ୍ସବକୁ ଭାରତ ସରକାରଙ୍କ ସଂସ୍କୃତି ମନ୍ତ୍ରଣାଳୟ ଏବଂ ଓଡ଼ିଶା ସରକାରଙ୍କ ଓଡିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ସମର୍ଥନ କରିଛନ୍ତି ।</strong><img class="alignnone wp-image-154692" src="https://odishatazanews.com/wp-content/uploads/2024/09/kalucarna-d-5-300x159.jpeg" alt="" width="802" height="425" /></h4> <h4><strong> ଏମ୍.ଜି.ଏମ୍ ମିନେରାଲ୍ସ ଏବଂ ଶାଲିମାର କେମିକାଲ୍ ୱାର୍କସ୍ ଲିମିଟେଡ୍ଙ୍କ ଠାରୁ ଅନୁଦାନ ଗ୍ରହଣ କରାଯାଇଛି । ଶାଲିମାର୍ କୋକାନଟ୍ ଅଏଲ୍, ନାଲକୋ, ଏସ୍.ବି.ଆଇ, ଇମ୍ଫା, ପ୍ରିୟଦର୍ଶିନୀ ହାଣ୍ଡଲୁମ୍ ଏବଂ ପାରାଦୀପ ଫସଫେଟ୍ ଲିମିଟେଡ୍ ଉତ୍ସବର ପ୍ରାୟୋଜକ ଅଟନ୍ତି । ଏହି ଉତ୍ସବର ଆତିଥ୍ୟକୁ ରୋଏଲେ ମିଡଟାଉନ୍ ହୋଟେଲ ପ୍ରଦାନ କରୁଛନ୍ତି । ଏହି ଉତ୍ସବର ଧରିତ୍ରୀ, ଓଡ଼ିଶା ପୋଷ୍ଟ ଏବଂ ନର୍ଥକୀ ଡଟ୍ କମ୍ ଯଥାକ୍ରମେ ମିଡିଆ ପାର୍ଟନର ଏବଂ ୱେବ୍ ପାର୍ଟନର ଅଟନ୍ତି ।</strong><img class="alignnone wp-image-149884" src="https://odishatazanews.com/wp-content/uploads/2024/07/odisha-Tazanews-Abhimanyu-Maharana-10-214x300-copy-214x300.jpg" alt="" width="811" height="1137" /></h4>