ଭୁବନେଶ୍ଵର (ଓଡିଶା ତାଜା ନିଉଜ୍) ଭୁବନେଶ୍ୱର ଓସା ମହୋତ୍ସବ -: ଓଡ଼ିଶା ରିସର୍ଚ୍ଚ କେନ୍ଦ୍ରଠାରେ ଓସା ମହୋତ୍ସବ ଅନୁଷ୍ଠିତ ହୋଇଯାଇଛି । ଏହି ମହୋତ୍ସବରେ ମୁଖ୍ୟ ଅତିଥି ଭାବେ କୃଷି ଓ ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ ଯୋଗ ଦେଇ ପୂର୍ବ କାଳର ସମାଜ ଓ ଆଜିର ସମାଜ ଉପରେ ଆଲୋଚନା କରିଥିଲେ । ପୂର୍ବରୁ ଲୋକମାନଙ୍କ ପାଖରେ ଅର୍ଥ ନଥିଲା,କିନ୍ତୁ ଅମାପ ଶକ୍ତି ଥିଲା । ଯେଉଁଥି ପାଇଁ ବିନା ଅର୍ଥରେ ମଧ୍ୟ ଅସାଧ୍ୟ ସାଧନା କରି ପାରୁଥିଲେ । ବର୍ତ୍ତମାନ ଅର୍ଥ ଅଛି, ଅମାପ ଶକ୍ତି ଅଛି କିନ୍ତ ମନୋବଳ ହଜି ଯାଉଛି । ପୂର୍ବକାଳର ଶିକ୍ଷା ବ୍ୟବସ୍ଥା ଓ ଆଜିର ଶିକ୍ଷା ବ୍ୟବସ୍ଥା ମଧ୍ୟରେ ଏକ ତୁଳନାତ୍ମକ ମତ ରଖିଥିଲେ । ଅନେକ ଦେଶ ଓ ବିଦେଶର ଉଦାହରଣ ଦେଇ ମନ୍ତ୍ରୀ ଡ. ସାହୁ କହିଥିଲେ ପ୍ରତ୍ୟେକ ସ୍ଥାନରେ ଏବେ ଆତ୍ମ କୈନ୍ଦିକ ବଢ଼ୁଛି । ଏଥି ସହିତ ସମୟର ଉପଯୋଗିତା ଉପରେ ଅଭିଭାଷଣ ରଖିଥିଲେ । ଉକ୍ତ ସଭାରେ ପର୍ଯ୍ୟଟନ, ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ ଏବଂ ହାଉସିଂ ବୋର୍ଡ଼ ଅଧ୍ୟକ୍ଷ ପ୍ରିୟଦର୍ଶୀ ମିଶ୍ର ପ୍ରମୂଖ ଯୋଗ ଦେଇଥିଲେ । ଅନୁଷ୍ଠାନର ବହୁ କର୍ମକର୍ତ୍ତା ଯୋଗ ଦେଇଥିଲେ ।
(ଓଡିଶା ତାଜା ନିଉଜ୍) ରିପୋର୍ଟ – ସୋନାଲି
