ଡେଙ୍ଗୁ ରେ ଯୁବକ ର ମୃତ୍ୟୁ

୨୭ ଅଗଷ୍ଟ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଚଣ୍ଡିଖୋଲ  :->  ଯାଜପୁର ଜିଲା ଧର୍ମଶାଳା ଥାନା ଅନ୍ତର୍ଗତ ପଟୁଣିଆ ପଞ୍ଚାୟତ ଅଧିନ ରାଧା ଦେଇ ପୁର ଗ୍ରାମ ର ଅଭିମନ୍ୟୁ ମଲ୍ଲିକ ଙ୍କ ବଡ ପୁଅ ଶକ୍ତି ପ୍ରାସାଦ ମଲ୍ଲିକ (୨୨) ଙ୍କ ର ଡେଙ୍ଗୁ ଜର ରେ ମୃତ୍ୟୁ ଘଟିଛି । ଶକ୍ତି କୁ ଜର ହେବାରୁ ତାକୁ ପ୍ରଥମେ ବଡ଼ଚଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଓ ପରେ କଟକ ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇ ଥିଲା ।

ସେଠାରେ ଚିକିତ୍ସିତ ଅବସ୍ଥା ରେ ସୋମବାର ମୃତ୍ୟୁ ଘଟିଛି । ତାଙ୍କ ମୃତ୍ୟୁ ଖବର ପାଇ ଗ୍ରାମରେ ଶୋକ ର ଛାୟା ଖେଳି ଯାଇଛି।ଗ୍ରାମାଞ୍ଚଳ ରେ ଡେଙ୍ଗୁ ଜର କୁ ନେଇ ଗ୍ରାମବାସୀ ଆତଙ୍କିତ ଅବସ୍ଥାରେ ଅଛନ୍ତି। ଆମ୍ବେଦକର ଫାଉଣ୍ଡେସନ ସଭାପତି ସୁରେନ୍ଦ୍ର ମଲ୍ଲିକ, କାର୍ତ୍ତିକ ମଲ୍ଲିକ ପ୍ରମୁଖ ଶୋକ ବ୍ୟକ୍ତ କରିଛନ୍ତି।