ଓଡିଶା ତାଜା ନ୍ୟୁଜ୍ ( ୧୩ ଅଗଷ୍ଟ ଗୁରୁବାର ) ଯାଜପୁର ଜିଲ୍ଲା , ବରୀ :- ଯାଜପୁର ଜିଲ୍ଲା କଂଗ୍ରେସ କମିଟି ସମ୍ପାଦକ ଅମରେଶ ପରିଡ଼ା ନିଜ ସୋସିଆଲ ମିଡ଼ିଆ ( ଫେସବୁକ୍ ) ଆକାଉଣ୍ଟ୍ ରେ ପୂର୍ବତନ ରାଷ୍ଟ୍ରପତି ତଥା କଂଗ୍ରେସ ଦଳର ବରିଷ୍ଠ ନେତା ଶ୍ରୀ ପ୍ରଣବ ମୁଖାର୍ଜୀ ଙ୍କ ମିଥ୍ୟା ଦେହାନ୍ତ ଖବର ପ୍ରଚାର କରିଥିବା ଦେଖିବାକୁ ମିଳିଛି । ଜଣେ ପୂର୍ବତନ ରାଷ୍ଟ୍ରପତି ଏବଂ ନିଜ ଦଳର ଜଣେ ବରିଷ୍ଠ ନେତା ଙ୍କ ଏପରି ମିଥ୍ୟା ମୃତ ଖବର ପ୍ରଚାର କରିବା ଅମରେଶ ଙ୍କ ଜିଲ୍ଲା ସମ୍ପାଦକ ଦାୟିତ୍ଵ ଉପରେ ପ୍ରଶ୍ନ ଉଠୁଛି ।
ଏଭଳି ମିଥ୍ୟା ଖବର ପ୍ରଚାରରେ ବରୀ ତଥା ଯାଜପୁର ଜିଲ୍ଲା ରେ ଏକ ଗୁଜବ ସୃଷ୍ଟି ହୋଇଛି । ପରେ ଅମରେଶ ଙ୍କୁ ବହୁ ଦିଗରୁ ବିରୋଧ ଏବଂ ପ୍ରଶ୍ନ ହେବା ଦ୍ୱାରା ସେ ନିଜ ଫେସବୁକ ଆକାଉଣ୍ଟ୍ ରୁ ଉକ୍ତ ପୋଷ୍ଟ ଟିକୁ ହଟାଇ ଦେଇଥିବା ଦେଖିବାକୁ ମିଳିଛି । ସୂଚନା ଯୋଗ୍ୟ ପୂର୍ବତନ ରାଷ୍ଟ୍ରପତି ଶ୍ରୀ ପ୍ରଣବ ମୁଖାର୍ଜୀ ଏବେ ଦିଲ୍ଲୀ ର ଏକ ମେଡ଼ିକାଲରେ ଚିକିତ୍ସାଧିନ ଅଛନ୍ତି । ପ୍ରଣବ ମୁଖାର୍ଜୀ ଙ୍କ ପୁଅ ଅଭିଜିତ ମୁଖାର୍ଜୀ ଟୁଇଟ କରି ତାଙ୍କ ପିତା ଜୀବିତ ଅଛନ୍ତି ବୋଲି ସୂଚନା ଦେଇଛନ୍ତି ଓ ମିଥ୍ୟା ଗୁଜବ ଠାରୁ ଦୂରେଇ ରହିବାକୁ କହିଛନ୍ତି । (ରିପୋର୍ଟ-ସନ୍ତୋଷ ସାମଲ)
