ଓଡିଶା ତାଜା ନ୍ୟୁଜ୍ ( ୧୩ ଅଗଷ୍ଟ ଗୁରୁବାର ) ନୟାଗଡ :- ନୟାଗଡ ନିର୍ବାଚନ ମଣ୍ଡଳୀରେ ଅଗଷ୍ଟ କ୍ରାନ୍ତି ଦିବସରୁ ମୋ ଓଡିଶା ପରିବାର ତରଫରୁ ନୟାଗଡ ଜୀବନ ବିନ୍ଦୁ ଆନୁକୂଲ୍ୟରେ ଆରମ୍ଭ ହୋଇଥିବା ସ୍ୱେଚ୍ଛାକୃତ ରକ୍ତଦାନ ପରିପ୍ରେକ୍ଷୀରେ ଆଜି ନୟାଗଡ ବ୍ଲକର ଲାଠିପଡ଼ା ଜୋନର ସ୍ବେଛାକୃତ ରକ୍ତଦାତା ମାନେ ରକ୍ତଦାନ କରିଥିଲେ । ଏଥିରେ ସର୍ବମୋଟ ୮୩ ୟୁନିଟ ରକ୍ତ ସଂଗୃହିତ ହୋଇ ଯାଇଛି ।
ଜୀବନ ବିନ୍ଦୁର ଏଠାକାର ମୁଖ୍ୟ ପୂର୍ବତନ ନଗରପାଳ ଗୁରୁପ୍ରସାଦ ଜେନାଙ୍କ ସୁ ପରିଚାଳନାରେ ଆୟୋଜିତ ଏହି କାର୍ଯ୍ୟକ୍ରମ କ୍ରମରେ କୋଭିଡ -୧୯ ମାର୍ଗଦର୍ଶିକା ଅନୁଯାୟୀ ରାଜ୍ୟ ମନ୍ତ୍ରୀ ତଥା ସ୍ଥାନୀୟ ବିଧାୟକ ଡ.ଅରୁଣ କୁମାର ସାହୁ ନୟାଗଡ ବିଜେଡି କାର୍ଯ୍ୟାଳୟରେ ଯୋଗଦେଇ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ ।
ଏହି କାର୍ଯ୍ୟକ୍ରମ କୁ ନୟାଗଡ ବ୍ଲଡ଼ ବ୍ୟାଙ୍କର ଡାକ୍ତର, କର୍ମଚାରୀଙ୍କ ସମେତ ପୂର୍ବତନ କାଉନସିଲର ତଥା ବଣିକ ସଂଘ ସଭାପତି ଜାନକୀବଲ୍ଲହବ ଯେନା, ନେତ୍ରାନନ୍ଦ ସାହୁ ସରପଞ୍ଚ ଦିବାକର ମିଶ୍ର, ସରିଫ ଖାଁ,ରବୀନ୍ଦ୍ର କୁମାର ଯେନା, ନିରଞ୍ଜନ ବିଧାର, ସୁବାଷ କଂର, ସତ୍ୟବ୍ରତ ପଟ୍ଟନାୟକ,ରିଟୁ ମହାପାତ୍ର, ଯୁବ ବିଜେଡି ସଭାପତି ରମେଶ ସାହୁ ପ୍ରମୁଖ ବେଶ ଶାନ୍ତି ଶୃଙ୍ଖଳାର ସହ ଆବଶ୍ୟକ ସରକାରୀ କରୋନା ମାର୍ଗ ଦର୍ଶିକା ଅନୁଯାୟୀ ଆଗେଇ ନେଇଥିଲେ । (ରିପୋର୍ଟ-ରାମକୃଷ୍ଣ ରଥ)
