ଓଡିଶା ତାଜା ନ୍ୟୁଜ୍ ( ୧୨ ଅଗଷ୍ଟ ବୁଧବାର ) କଟକ,ମାହାଙ୍ଗା :- କଟକ ଜିଲ୍ଲା ମାହାଙ୍ଗା ଥାନା ଗୋତରା ପଂଚାୟତ ଆପିଲୋ ଗ୍ରାମରେ ଜଣେ କଳାକାର ଆଜି ନିଜ କ୍ଷେତରେ ଇଲେକ୍ଟ୍ରିକ ପାଣି ମୋଟରରେ ପାଣି ମଡ଼ାଉଥିବା ବେଳେ ବିଦ୍ୟୁତ ଆଘାତରେ ପ୍ରାଣ ହରାଇଛନ୍ତି । ଏହି ଗ୍ରାମର ଉମାକାନ୍ତ ମହାକୁଡ଼ (40) ପେସାରେ ଜଣେ ସଂଗୀତ କଳାକାର । ସେ ପାଣି ପମ୍ପ ଚାଲୁଥିବା ବେଳେ ଇଲେକ୍ଟ୍ରି ବୋର୍ଡ କୁ ଧରିବା ମାତ୍ରେ ତାଙ୍କୁ କରେଣ୍ଟ ମାରିଥିଲା ।
ସେ ସଂଜ୍ଞାହୀନ ହୋଇ ପଡିଯିବାପରେ ତାଙ୍କୁ ପରିବାରଲୋକେ ନିଶ୍ଚନ୍ତ କୋଇଲି ମେଡିକାଲ କୁ ନେଇଯାଇଥିଲେ । ସେଠାରେ ଡାକ୍ତର ତାଙ୍କୁ ବଂଚେଇବାକୁ ଚେଷ୍ଟା କରିଥିଲେ ମଧ୍ୟ ତାଙ୍କର ମୃତ୍ୟୁ ହୋଇଯାଇଥିଲା । ତାଙ୍କ ସାନ ଭାଇ ରମାକାନ୍ତ ଏ ସମ୍ପର୍କରେ ଭଦ୍ରେଶ୍ୱର ଫାଣ୍ଡିରେ ଲିଖିତଭାବେ ଜଣାଇବାପରେ ପୋଲିସ ସେଠାରେ ପହଂଚି ଅପମୃତ୍ୟୁ ମାମଲା ୠଜୁକରି ଶବ ବ୍ୟବଛେଦ ପାଇଁ କଟକ ମେଡିକାଲ ପଠାଇଛନ୍ତି । ତାଙ୍କ ମୃତ୍ୟୁ ରେ ସ୍ଥାନୀୟ କଳାକାର ଙ୍କ ମଧ୍ୟରେ ଗଭୀର ଶୋକ ପ୍ରକାଶ ପାଇଛି । (ରିପୋର୍ଟ-ଲଷ୍ମୀଧର ଖୁଣ୍ଟିଆ)
