ଓଡିଶା ତାଜା ନ୍ୟୁଜ୍ ( ୧୨ ଅଗଷ୍ଟ ବୁଧବାର ) କଳାହାଣ୍ଡି :- ନର୍ଲା ବ୍ଲକ ଅନ୍ତର୍ଗତ ଗୋହିରାପଦର ଠାରେ ନେହେରୁ ଯୁବକେନ୍ଦ୍ର କଳାହାଣ୍ଡି , ଶିବ ଶକ୍ତି କ୍ଲବ ଗୋହିରାପଦର ଓ ଉତ୍ତର ବନବିଭାଗ ତରଫରୁ ସ୍ୱଚ୍ଛ ଗ୍ରାମ ସବୁଜ ଗ୍ରାମ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ କରୋନା କଟକଣା ଯୋଗୁଁ ସମାଜିକ ଦୂରତା ବଜାୟ ରଖିବା ସହ ମାକ୍ସ ବ୍ୟବହାର କରାଯାଇଥିଲା । ଗ୍ରାମ୍ୟ ରାସ୍ତାର ଉଭୟ ପାର୍ଶ୍ବରେ ଵୃକ୍ଷ ରୋପଣ କରାଯାଇଥିଲା ।
ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଶାନ୍ତପୁର ଗ୍ରାମ ପଞ୍ଚାୟତର ସରପଞ୍ଚ ଟିକେଧର ସାହୁ, ସମ୍ମାନିତ ଅତିଥି ଦେବେନ୍ଦ୍ର ସା ,ପଞ୍ଚାନନ୍ଦ ସାହୁ ,ହେମନ୍ତ ସାହୁ ଏବଂ ଉକ୍ତ କ୍ଲବର ସଭାପତି ନବୀନ ସାହୁ, ସୁବ୍ରତ ସାହୁ ,ଲାଲୁ ସାହୁ ,ରାକେଶ ସାହୁ ଏବଂ କ୍ଲବର ସମସ୍ତ ସଦସ୍ୟ ଉପସ୍ଥିତ ଥିଲେ । କାର୍ଯ୍ୟକ୍ରମରେ ନେହେରୁ ଯୁବକେନ୍ଦ୍ର କଳାହାଣ୍ଡିର ନର୍ଲା ବ୍ଳକ ଜାତୀୟ ଯୁବ ସ୍ବେଚ୍ଛାସେବୀ ମିଲନ କୁମାର ଭୋଇ ଓ ଉତ୍କଳିକା ସାହୁ ସହଯୋଗ କରିଥିଲେ । (ରିପୋର୍ଟ – ପ୍ରଦୀପ କୁମାର ଗଉଡ)
