ସାପ କାମୁଡ଼ାରେ ମହିଳାଙ୍କ ମୃତ୍ୟୁ

୧୦ ଅଗଷ୍ଟ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ବଡଚଣା :-> ବଡଚଣା  ସାପ କାମୁଡ଼ାରେ ଜଣେ ମହିଳାଙ୍କ ମୃତ୍ୟୁ ବରଣ କରିଥିବା ଜଣାପଡିଛି । ଜାଜପୁର ଜିଲ୍ଲା ବୈରୀଥାନା ଅନ୍ତର୍ଗତ ସୋଲର ପଞ୍ଚାୟତର ପାଇକରାପୁର ଗ୍ରାମର ରାମଚନ୍ଦ୍ର ମଲ୍ଲିକଙ୍କ ସ୍ତ୍ରୀ ରେଣୁବାଳା ମଲ୍ଲିକ ୫୨ ବର୍ଷ ଆଜି ସକାଳୁ ନିଜ ବାଡିରେ କାମ କରୁଥିବା ସମୟରେ ଏକ ବିଷାକ୍ତ ସାପ ଦଂଶନ କରିଥିଲେ । ଫଳରେ ରେଣୁବାଳା ଗୁରୁତର ହୋଇପଡିଥିଲେ ।

ତୁରନ୍ତ ତାଙ୍କୁ ଘର ଲୋକେ ବଡ଼ଚଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନେଇଯାଇଥିଲେ । ମାତ୍ର ଚିକିତ୍ସା ଧିନ ଅବସ୍ଥାରେ ରେଣୁବାଳାଙ୍କର ମୃତ୍ୟୁ ଘଟିଥିଲା । ମୃତ ଖବର ପାଇ ଛତିଆ ବିଟ୍ ହାଉସ ଅଧିକାରୀ ମହେନ୍ଦ୍ର କୁମାର ସେଠୀ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ସୂଚନା ମିଳିଛି । ସୋଲର ସରପଞ୍ଚ ବିଜୟ କୁମାର ସ୍ଵାଇଁ ଓ ପୂର୍ବତନ ସରପଞ୍ଚ ନୀଳମଣି ରାଉତ ଡାକ୍ତରଖାନାରେ ପହଞ୍ଚି ଶବ ବ୍ୟବଚ୍ଛେଦ କରିବା ରେ ସହଯୋଗ କରିଥିଲେ ।