ଓଡିଶା ତାଜା ନ୍ୟୁଜ୍ (୦୯ ଅଗଷ୍ଟ ରବିବାର) ହିଞ୍ଜିଳିକାଟୁ :- ହିଞ୍ଜିଳିକାଟୁ ବ୍ଳକ ସାହାପୁର ଗ୍ରାମରେ ଅଜଣା ମୃତ୍ୟୁକୁ ନେଇ ଗ୍ରାମବାସୀଙ୍କ ମଧ୍ୟରେ ଆତଙ୍କ ଖେଳିଯାଇଛି । ଗ୍ରାମବାସୀଙ୍କ କହିବା ପ୍ରକାରେ ଗତ ୨ ମାସ ମଧ୍ୟରେ ଗ୍ରାମର ୧୫ରୁ ଉର୍ଦ୍ଧ୍ୱ ଲୋକ ହଠାତ୍ ରୋଗଗ୍ରସ୍ତ ହେବା ପରେ ମୃତ୍ୟୁ ଘଟୁଛି । ସମସ୍ତ ମୃତକ ମାନଙ୍କ ବୟସ ୫୦ରୁ ୭୦ ମଧ୍ୟରେ ରହିଛି । ସଂପୃକ୍ତ ଗ୍ରାମରେ ମୃତ୍ୟୁ ବରଣ କରିଥିବା ଲୋକଙ୍କ କୋଭିଡ଼ ପରୀକ୍ଷା କରାଯାଇନଥିବା ଜଣାପଡ଼ିଛି । ମୃତକ ମାନେ କିିଛି ଦିନ ଧରି ଜ୍ବର, କାଶ ଓ ଥଣ୍ଡାରେ ଆକ୍ରାନ୍ତ ହେବା ପରେ ମୃତ୍ୟୁ ହେଉଥିବା ନେଇ ବରିଷ୍ଟ କଂଗ୍ରେସ ନେତା ଶମ୍ଭୁ ପାଣିଗ୍ରାହୀ ପ୍ରେସ୍ ରିଲିଜ ଜରିଆରେ ଅଭିଯୋଗ କରିଛନ୍ତି । ଅନ୍ୟପକ୍ଷରେ ଏଭଳି ମୃତ୍ୟକୁ ନେଇ ସରଂପଚ ସହଦେବ ବେହେରା କରୋନା ଜନିତ ମୃତ୍ୟୁ ନହୋଇଥବା ନେଇ ସ୍ପଷ୍ଟ କରିଛନ୍ତି ।
ଗ୍ରାମର ବହୁ ବ୍ୟକ୍ତିଙ୍କ ନିକଟରେ ଲକ୍ଷଣ ଦେଖାଦେଲେ ମଧ୍ୟ କରୋନା ଭୟରେ ଗ୍ରାମର ବହୁ ଲୋକେ ସ୍ୱାବ ଟେଷ୍ଟ କରିବାକୁ ଇଛା ପ୍ରକାଶ କରୁନଥିବା ନେଇ ସରଂପଚ ବେହେରା କହିଛନ୍ତି । ସାରା ବିଶ୍ୱରେ ମହାମାରୀ କରୋନା ଭୁତାଣୁ ସଂକ୍ରମଣ କାୟା ବିସ୍ତାର କରିଥିବା ବେଳେ ଗ୍ରାମରେ କରୋନାକୁ ନେଇ ଆତଙ୍କ ଦେଖାଦେଇଛି । ଗତ ୪ ଦିନ ପୂର୍ବରୁ ସଂପୃକ୍ତ ଗ୍ରାମ ପଂଚାୟତରେ କରୋନା ଟେଷ୍ଟ ସକାଶେ ଏକ ଶିବିରର ଆୟୋଜନ କରାଯାଇଥିଲା । ସେଥିରେ ୪ଜରଭ୍କ ପଜିଟିଭ ଚିହ୍ନଟ ହେବା ପରେ ସେମାନଙ୍କୁ ଆଇସୋଲେସନ ଓ ଚିକିିତ୍ସା ସକାଶେ କୋଭିଡ଼-୧୯ ହସପିଟାଲକୁ ପଠାଯାଇଥିବା ବିଡ଼ିଓ ପ୍ରସନ କୁମାର ପାତ୍ର କହିଛନ୍ତି । ଅନ୍ୟପକ୍ଷରେ ଜ୍ୱର, କାଶ, ଥଣ୍ଡା କିମ୍ବା କରୋନା ଲକ୍ଷଣ ପ୍ରକାଶ ପାଇଲେ ସଂପୃକ୍ତ ବ୍ୟକ୍ତି ରୋଗକୁ ନଲୁଚାଇବାକୁ ପରାମର୍ଶ ଦେଇଛନ୍ତି । (ରିପୋର୍ଟ- ଶେଷଦେବ ସାହୁ)
