ଲକ୍ଷ୍ମୀପୁର ରେ ବ୍ୟାପିଲା ମେଲେରିଆ ଜ୍ବର , ବହୁ ଆବାସିକ ବିଦ୍ୟାଳୟ ୮୦ ରୁ ଊର୍ଦ୍ଧ୍ବ ଛାତ୍ର ଛାତ୍ରୀ ଆକ୍ରାନ୍ତ, ଡାକ୍ତରଖାନାରେ ଅନେକ ଭର୍ତ୍ତି

୧୨ ଜୁଲାଇ ,୨୦୨୪ (ଓଡ଼ିଶା ତାଜା ନ୍ୟୁଜ୍ )  କୋରାପୁଟ  :-> କୋରାପୁଟ ଓଡିଶା ତାଜାନ୍ଯୁଜ :କୋରାପୁଟ ଜିଲା ଲକ୍ଷ୍ମୀପୁର ବ୍ଲକରେ ବ୍ଯାପିଲା ମେଲେରିଆ ଜ୍ବର , ଚାରି ଦିନ ମଧ୍ୟରେ ବିଭିନ୍ନ ଆଶ୍ରମ ବିଦ୍ୟାଳୟରେ ୮୦ ଊର୍ଦ୍ଧ୍ବ ଅନ୍ତେବାସୀ ଆକ୍ରାନ୍ତ ହୋଇଥିବା ଜଣାପଡିଛି । ଯେଉଁ ଆଶ୍ରମ ବିଦ୍ୟାଳୟ ଗୁଡିକରେ ଆକ୍ରାନ୍ତ ଛାତ୍ରଛାତ୍ରୀ ରହିଛନ୍ତି ସେ ସବୁ ବିଦ୍ୟାଳୟରେ ଲକ୍ଷ୍ମୀପୁର ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରର ଦୁଇଟି ଦଳ ପହଞ୍ଚି ରକ୍ତ ନମୂନା ସଂଗ୍ରହ କରି ପରୀକ୍ଷା କରିବା ସହ ଚିକିତ୍ସା ଆରମ୍ଭ କରିଛନ୍ତି। ତେବେ ଲକ୍ଷ୍ମୀପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଯେତେ ସବୁ ଆକ୍ରାନ୍ତ ଆସୁଛନ୍ତି ସେମାନଙ୍କ ମଧ୍ୟରୁ ଅଧିକାଂଶ ରକ୍ତ ପରୀକ୍ଷା ମେଲେରିଆ ପୋଜିଟିଭ୍ ବାହାରୁଚି। ବର୍ତ୍ତମାନ ଲକ୍ଷ୍ମୀପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ବହୁ ସଂଖ୍ୟକ ରୋଗୀ ଭର୍ତ୍ତି ହୋଇଛନ୍ତି ।

ବ୍ଲକରେ ରହିଛି ୧୮ ଟି ଆଶ୍ରମ ବିଦ୍ୟାଳୟ। ତେବେ ଅନେକ ଆଶ୍ରମ ବିଦ୍ୟାଳୟରେ ମେଲେରିଆ ଜ୍ଵର କବଳିତ କରି କରିସାରିଲାଣି । ଯେଉଁଥିରେ ଗତ ଚାରି ଦିନ ମଧ୍ୟରେ ୮୦ ରୁ ଊର୍ଦ୍ଧ୍ବ ଛାତ୍ର ଛାତ୍ରୀ ଙ୍କ ମ୍ୟାଲେରିଆ ପଜିଟିଭ ବାହାରି ଥିବା ଜଣାପଡ଼ିଛି । ତେବେ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଅଧିକାରୀ ଡାକ୍ତର ନବ କିଶୋର କୁଣ୍ଡୁ କହିଛନ୍ତି ବର୍ତ୍ତମାନ ଦୁଇ ପ୍ରକାର ର ମ୍ୟାଲେରିଆ ଦେଖାଦେଇଛି, ଗୋଟିଏ ପି.ଭି ଏବଂ ଅନ୍ୟଟି ପି.ଏଫ ବୋଲି ଚି଼ହ୍ନଟ କରାଯାଇଛି। ପି.ଭି ରେ ୧୩ ଜଣ ଆକ୍ରାନ୍ତ ହୋଇଥିବା ବେଳେ ପି.ଏଫ ରେ ୬୬ ଜଣ ଆକ୍ରାନ୍ତ ହୋଇଥିବା ଚି଼ହ୍ନଟ କରାଯାଇଛି। ଗୁରୁବାର ଚାରି ଜଣ ଛାତ୍ରୀ ଙ୍କୁ ମ୍ୟାଲେରିଆ ହୋଇଥିବା ରିପୋର୍ଟ ଆସିଛି।

ପି.ଭି ରେ ଆକ୍ରାନ୍ତ ଥିବା ରୋଗୀ ଙ୍କୁ ଅଧିକ ସତର୍କ ରହିବାକୁ ପରାମର୍ଶ ଦିଆଯାଇଛି। ମେଲେରିଆ କୁ ଦୃଷ୍ଟି ରେ ରଖି ଚିକିତ୍ସା କୁ ଅଧିକ ଗୁରୁତ୍ୱ ଦିଆଯାଇଥିବା ଡାକ୍ତର ପ୍ରକାଶ କରିଛନ୍ତି । ଗ୍ରୀଷ୍ମ କାଳୀନ ଛୁଟିରେ ପିଲାମାନେ ଘରକୁ ଯାଇଥିଲେ। କିଛିଦିନ ହେଲା ବିଦ୍ୟାଳୟ ଖୋଲିବା ପରେ ସେମାନେ ଆବାସିକ ବିଦ୍ୟାଳୟ ଗୁଡିକକଚ ଫେରିଛନ୍ତି । ଘରେ ରହିବା ସମୟରେ ସେମାନେ ମଶାରୀ ବ୍ୟବହାର କରୁଥିବା କାରଣରୁ ଏଭଳି ହୋଇଥିବା ଅନୁମାନ କରାଯାଉଛି ।

କୋରାପୁଟ ଜିଲାର ଲକ୍ଷ୍ମୀପୁର ବ୍ଳକ ଏକ ମ୍ୟାଲେରିଆ ପ୍ରବଣ ଅଞ୍ଚଳ ଭାବେ ପରିଚିତ ଥିବା ବେଳେ କିଛି ବର୍ଷ ହେଲା ଏହା ପ୍ରାୟତଃ ଲୋପ ପାଇଯାଇଥିବା କୁହାଯାଉଥିଲା ।ଏପରିକି କୋରାପୁଟ ଜିଲା ମେଲେରିଆ ମୁକ୍ତ ବୋଲି କୁହାଯାଉଥିଲା କିନ୍ତୁ ବର୍ତ୍ତମାନ ଲକ୍ଷ୍ମୀପୁର ବ୍ଲକରେ ବ୍ଯାପିଥିବା କାରଣରୁ ସ୍ବାସ୍ଥ୍ୟ ବିଭାଗ ପାଇଁ ମୁଣ୍ଡବ୍ୟଥାର କାରଣ ହୋଇଛି । ସରକାର ମେଲେରିଆ ନିରାକାର ପାଇଁ ଶହ ଶହ କୋଟି ଟଙ୍କା ଖର୍ଚ୍ଚ କରିଥିଲାବେଳେ କିଛି ବର୍ଷର ବ୍ଯବଧାନ ପରେ ପୁଣି ମେଲେରିଆ କିପରି ଜିଲାକୁ ଫେରିଲା ତାହାକୁ ନେଇ ଲୋକମାନେ ଆଶଂକିତ ହୋଇ ପଡିଛନ୍ତି ।

ସେହିପରି ମଶାରୀ ବ୍ୟବହାର ଜରୁରୀ ହୋଇଥିବା ସତ୍ୱେ ଛାତ୍ର ଛାତ୍ରୀ ମାନେ ଘରେ ମଶାରୀ ବ୍ୟବହାର ନକରି ଜ୍ୱର ରେ ପ୍ରାୟ ଛାତ୍ର ଛାତ୍ରୀ ଆବାସିକ ଗୁଡିକୁ ଆସିଥିବା କୁହାଯାଇଛି । ସେହିପରି ଯେଉଁମାନେ ଜ୍ୱର ରେ ଆକ୍ରାନ୍ତ ସେମାନଙ୍କୁ ଡାକ୍ତରଖାନା ରେ ଭର୍ତି କରାଯାଇଥିଲା ବେଳେ ଘରେ ଯେଉଁ ମାନେ ଆକ୍ରାନ୍ତ ହୋଇ ଅଛନ୍ତି ସେମାନଙ୍କୁ ନଛାଡିବା ପାଇଁ ଜିଲା ଶିକ୍ଷା ବିଭାଗ ର ନିର୍ଦ୍ଦେଶ ଦିଆଯାଇଛି । ବର୍ତ୍ତମାନ ମୀନାପାଈ, ଚମ୍ପି ପରଡିଗୁଡା , ତୟାପୁଟ , ଶୋରିଷପଦର, ଡୁମୁରିପଦର, ବୁର୍ଜା, କୁସୁମଗୁଡା, ଲକ୍ଷ୍ମୀପୁର ଭଳି ଅନେକ ଛାତ୍ରଛାତ୍ରୀ ଆବାସିକ ବିଦ୍ୟାଳୟରେ ଛାତ୍ରଛାତ୍ରୀ ମ୍ୟାଲେରିଆ ରେ ଆକ୍ରାନ୍ତ ହୋଇଛନ୍ତି ।