ନୟାଗଡ (ଓଡିଶା ତାଜା ନିଉଜ୍) ରଣପୁର,ସୋନୁ :–ପ୍ରତି ବର୍ଷ ଭଳି ଆସନ୍ତା ଜାନୁଆରୀ ମାସ ୫ ତାରିଖରେ ରଣପୁର ମହୋତ୍ସବ ଅର୍ଜ୍ଜୁନ ୨୦୨୦ ପାଳନ ନିମନ୍ତେ ପ୍ରସ୍ତୁତି ଚୁଡାନ୍ତ ପର୍ଯ୍ୟାୟ ରେ ପହଁଚିଥିବାବେଳେ ବ୍ଲକ ରେ ଥିବା ବିଭିନ୍ନ ବିଭାଗ ର ଅଧିକାରୀ ଙ୍କୁ ନେଇ ଏକ ସମନ୍ୱୟ ବୈଠକ ରଣପୁର ବ୍ଲକ ସମ୍ମିଳନୀ କକ୍ଷ ମଧ୍ୟରେ ଅନୁଷ୍ଠିତ ହୋଇଯାଇଛି । ସ୍ଥାନୀୟ ବିଧାୟକ ସତ୍ୟ ନାରାୟଣ ପ୍ରଧାନ ଙ୍କ ସଭାପତିତ୍ୱ ରେ ଅନୁଷ୍ଟିତ ଏହି କାର୍ଯ୍ୟକ୍ରମ ରେ ନୟାଗଡ ଉପଜିଲ୍ଲାପାଳ ଲଗ୍ନଜିତ ରାଉତ ପ୍ରଶାସନିକ ମୁଖ୍ୟ ଭାବେ ଯୋଗ ଦେଇ କାର୍ଯ୍ୟକ୍ରମ ର ଚୁଡାନ୍ତ ରୁପ ରେଖ ସଂପର୍କ ରେ ଆଲୋଚନା କରିଥିଲେ ।ବିଶେଷ କରି ଆଇନ ଶୃଙ୍ଖଳା ରକ୍ଷା କରିବା ଉଦେଶ୍ୟ ରେ ମହୋତ୍ସବ ପରିସର ମଧ୍ୟ କୁ କୌଣସି ମଦ୍ୟପ ଙ୍କୁ ପ୍ରବେଶ ନିଷିଦ୍ଧ କରାଯାଇଛି । ଏପରିକି ସଂନ୍ଧ୍ୟା ୫ ଟା ପରେ ମଣୀନାଗ ପାହାଡ ଉପର କୁ ଯାଇ ମଦ୍ୟପାନ କରୁଥିବା ଅସାମାଜିକ ବ୍ୟକ୍ତିବିଶେଷ ଉପରେ କଡା ପଦକ୍ଷେପ ନେବା ନିମନ୍ତେ ବୈଠକ ରେ ନିଷ୍ପତି ନିଆଯାଇଛି । ମହୋତ୍ସବ ୫ ଦିନ ପର୍ଯ୍ୟନ୍ତ ଦୈନିକ ସଂନ୍ଧ୍ୟା ରେ ଯେଭଳି ବିଦ୍ୟୁତ ସରବରାହ ବନ୍ଦ ନରହିବ ସେଦିଗରେ ସେସୁ କତୃପକ୍ଷ ଯତ୍ନବାନ ହେବେ ବୋଲି ବିଭାଗୀୟ ବିଦ୍ୟୁତ ଯନ୍ତ୍ରୀ ପ୍ରତିଶୃତି ଦେଇଥିଲେ । ମହୋତ୍ସବ ପଡିଆ ରେ ତିନୋଟି ଅସ୍ଥାୟୀ ଶୌଚାଳୟ ନିର୍ମାଣ ନିମନ୍ତେ ଗ୍ରାମ୍ୟ ଜଳ ଯୋଗାଣ ବିଭାଗ ତରଫରୁ ଉପସ୍ଥିତ ଯନ୍ତ୍ରୀ ପ୍ରତିଶୃତି ଦେଇଥିଲେ । ବନବିଭାଗ ତରଫରୁ ମଂଚ ସାଜସଜ୍ଜା ନିମନ୍ତେ ଆବଶ୍ୟକ ଫୁଲ ଓ ଜାଳେଣି କାଠ ଯୋଗାଇ ଦେବା ନିମନ୍ତେ ସଂପୃକ୍ତ ବିଭାଗ ର ଅଧିକାରୀ ସହମତି ପ୍ରକାଶ କରିଥିଲେ । ଦମକଳ ବାହିନୀ ଓ ସ୍ୱାସ୍ଥ୍ୟ ବିଭାଗ ତରଫରୁ ଅତ୍ୟାବଶ୍ୟକ ସେବା ଯୋଗାଇ ଦେବା କୁ ବିଭାଗୀୟ ଅଧିକାରୀ ବୈଠକ ରେ ପ୍ରକାଶ କରିଛନ୍ତି । ମହୋତ୍ସବ ପରଦିନ ପଡିଆ କୁ ପରିସ୍କାର ରଖିବା ନିମନ୍ତେ ଏନଏସି କତୃପକ୍ଷ ଙ୍କ ଦାୟିତ୍ୱ ପ୍ରଦାନ କରାଯାଇଛି ।ରଣପୁର ବ୍ଲକ ରେ ଥିବା ସମସ୍ତ ବିଦ୍ୟାଳୟ କୁ ନେଇ ଏକ କୁଇଜ ପ୍ରତିଯୋଗିତା କାର୍ଯ୍ୟକ୍ରମ ର ଦାୟିତ୍ୱ ବ୍ଲକ ଶିକ୍ଷା ଅଧିକାରୀ ଙ୍କୁ ନ୍ୟସ୍ତ କରାଯାଇଛି । ଦୈନିକ ଖବର ପ୍ରେରଣ ନିମନ୍ତେ ମହୋତ୍ସବ ମଂଚ ସମ୍ମୁଖ ରେ ଏକ ନିଉଜ ଡେସ୍କ ରସୁବିଧା କରାଯିବା ନିମନ୍ତେ ବୈଠକ ରେ ସ୍ଥିର କରାଯାଇଛି ।
ଏହି ଅବସରରେ ମହୋତ୍ସବ ନିମନ୍ତେ ଗଠନ କରାଯାଇଥିବା ବିଭିନ୍ନ କମିଟି ସଦସ୍ୟ ଙ୍କ ନାମ କୁ ମହୋତ୍ସବ କମିଟି ସଂପାଦକ ସୁରେଶ ମିଶ୍ର ଉପସ୍ଥିତ ଅଧିକାରୀ ଙ୍କୁ ପଢି ଶୁଣାଇଥିଲେ ।ଉକ୍ତ କାର୍ଯ୍ୟକ୍ରମ ରେ ତହସିଲଦାର ଶୁସାନ୍ତ ପତି , ଆଇଆଇସି ରଶ୍ମିରଞ୍ଜନ ଦାସ , ପୁର୍ବତନ ବ୍ଲକ ଅଧ୍ୟକ୍ଷ ଦେବାଶିଷ ପଟନାୟକ , ସ୍ୱର୍ଣ୍ଣ ରାଉତରାୟ , ପ୍ରଭାତ ଦଳବେହେରା ସମେତ ବିଭିନ୍ନ ବିଭାଗ ର ସମସ୍ତ ଅଧିକାରୀ , ଗଣମାଧ୍ୟମ ପ୍ରତିନିଧି , ସମାଜସେବୀ ପ୍ରମୁଖ ଉପସ୍ଥିତ ରହି ଆଲୋଚନା ରେ ଭାଗ ନେଇଥିଲେ । ପୁର୍ବ ବର୍ଷ ଅପେକ୍ଷା ଚଳିତ ବର୍ଷ ମହୋତ୍ସବ କୁ କିଭଳି ଅଧିକ ଆକର୍ଷଣିୟ କରାଯାଇପାରିବ ସେ ନେଇ ବିଧାୟକ ମତ ଦେଇଥିଲେ । ପ୍ରତି ଦିନ ସଂଧ୍ୟାରେ ରଙ୍ଗାରଙ୍ଗ କାଯ୍ୟକ୍ରମ ହେବାସହ ରାଜ୍ୟର ପ୍ରତିଷ୍ଟିତ ସିନେକଳାକାର ମାନେ ଯୋଗଦେବେ ବୋଲି ସ୍ଥିରୀକୃତ ହୋଇଛି । ମହୋତ୍ସବର ପ୍ରଥମ ଦିନରେ ସକାଳୁ ପ୍ରଭାତଫେରୀ ହେବାସହ ପୂର୍ବହ୍ନ ୭ ଟାରେ ଏକ ଗଣ ଦୌଡ ଅନୁଷ୍ଟିତ ହେବ । ବିଭିନ୍ନ ପଚାଂୟତରୁ ୭ ଟି ସ୍ଥାନରୁ ମସାଲ ଶୋଭାଯାତ୍ରା ବାହାରିବ । ପରେ ଏକ ବିରାଟ ସଂକୀର୍ତନ ମଣ୍ଡଳି ସହର ପରିକ୍ରମା କରି ମହୋତ୍ସବ ପଡିଆରେ ଏକତିତ୍ର ହେବେ । ପ୍ରତି ସଂଧ୍ୟରେ ଲୋକ ମାନଙ୍କ ମନରଞନ ପାଇଁ ସଂସ୍କୃତିକ କାର୍ଯ୍ୟକ୍ରମ ସାଙ୍ଗକୁ ବିଭିନ୍ନ ପ୍ରକାର ଦୋଳି , ମିନାବଜାର ର ଯେଭଳି ମଜା ନେଇପାରିବେ ସେ ଦିଗରେ ବ୍ୟବସ୍ଥା କରାଯାଇଛି । ସୁଚନାଯୋଗ୍ୟ ଯେ , ୨୦୦୬ ମସିହାରେ ରଣପୁର ଅଚଂଳର କଳା ସାହିତ୍ୟ ସଂସ୍କୃତିକୁ ଚିର ଦିନ ପାଇଁ ବଜାୟ ରଖିବାପାଇଁ ପୁର୍ବତନ ମନ୍ତ୍ରୀ ସୁରମା ପାଢୀ ଙ୍କ ଦ୍ୱାରା ମହୋତ୍ସବ ର ପରିକଳ୍ପନା କରାଯାଇଥିଲା । ୧୯୩୯ ମସିହା ଜାନୁଆରୀ ୫ ତାରିଖ ରେ ବ୍ରିଟିସ ପଲିଟିକାଲ ଏଜେଟଂ ମେଜର ବେଜେଲଗେଟ ଗୁଳିରେ ଅଜ୍ଜୁନ ରାଉତ ସହିଦ୍ ହୋଇଯାଇଥିଲେ । ପରେ ଉତ୍ୟକ୍ତ ଜନତା ଏକ ବାଉଁଶ ଠେଙ୍ଗାରେ ବେଜେଲଗେଟ କୁ ପିଟିପିଟି ହତ୍ୟା କରିଥିଲେ । ଏହି ଜାନୁଆରୀ ୫ ତାରିଖକୁ ମନେରଖିବା ପାଇଁ ଦୀର୍ଘ ୧୩ ବର୍ଷ ଧରି ରଣପୁର ମହୋତ୍ସବ ଅନୁଷ୍ଟିତ ହୋଇଆସୁଛି ।
