ଓଡିଶା ତାଜା ନ୍ୟୁଜ୍ (୭ ଅଗଷ୍ଟ ଶୁକ୍ରବାର) କଳାହାଣ୍ଡି :- କରୋନା ସୁରକ୍ଷା ଦୃଷ୍ଟି କୁ ନେଇ ଲକଡାଉନ ଜାରିଥିବା ସୁଯୋଗ ରେ ଅନେକ ଠକାମୀ ମାଫିଆ ବ୍ୟବସାୟ ଆଳ ଦେଖାଇ ଲୋକଙ୍କ ଠାରୁ ଲକ୍ଷ ଲକ୍ଷ ଟଙ୍କା ଲୁଟି ନେଇଥିବା ଖବର ବର୍ତ୍ତମାନ ଅଞ୍ଚଳରେ ଚର୍ଚ୍ଚା ର ବିଷୟ ପାଲଟିଛି । କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ଦଣ୍ଡପାଟ ଅଞ୍ଚଳ ଲୋକ ଏଭଳି ଠକାମୀର ଶିକାର ହୋଇଛନ୍ତି । ସରଳ ସାଧାସିଧା ନିରୀହ ଲୋକଙ୍କୁ ଲୋଭନୀୟତା ଦେଖାଇ ଲକ୍ଷ ଲକ୍ଷ ଟଙ୍କା ନେଇଥିବା ଜଣାପଡିଛି । ସୂଚନା ମତେ ଗଣପତି ସ୍ପନ୍ଦନା ଅନଲାଇନ ଗ୍ରୁପ ନାମକ ସଂସ୍ଥା ଛନ୍ଚାଣବାହାଳି ପଞ୍ଚାୟତ ଅଧିନସ୍ତ ରାବନଗୁଡା ଗ୍ରାମରେ ଏକ କାର୍ଯ୍ୟାଳୟ ଖୋଲାଯାଇ ଥିଲା । ଏଥିରେ ଗ୍ରାମର ୧୨ଜଣ କୁ ନେଇ ଏକ କମିଟି ଗଠନ କରାଯାଇ ସବୁ ପ୍ରକାର ଲେଣ ଦେଣ ଦାୟିତ୍ୱ ବହନ କରିଥିଲେ । ପ୍ରଥମେ ଲୋକଙ୍କ ଠାରୁ ୧୦୦ଟଙ୍କା ନେଇ ତାଙ୍କ ନାମରେ ପାସବୁକ ଖୋଲାଯାଇଥିଲା ।
ଏହା ବଦଳରେ ୨୦ଟଙ୍କାରେ ଏକ କିଲୋ ଚିନି ,୬୦ଟଙ୍କା ଦର ରେ ଏକ ଲିଟର ତେଲ ୧୫ଦିନକୁ ଥରେ ବିତରଣ କରାଯାଉଥିଲା । ଏହାପରେ ଲୋକଙ୍କୁ ଟଙ୍କା ଜମା କରିବାକୁ କହିଥିବା ବେଳେ ଜମାରାଶି ଦ୍ୱିଗୁଣିତ ହେବା ପ୍ରଲୋଭନ ଦେଖାଇଥିଲେ । ଅଞ୍ଚଳ ର ଅନେକ ଗ୍ରାମରୁ ଶତାଧିକ ଲୋକଙ୍କ ଠାରୁ ଲକ୍ଷ ଲକ୍ଷ ଟଙ୍କା ନେଇଥିବା ଅଭିଯୋଗ ହୁଏ । ଏପରିକି ଗାଡି ମଟର ଫାଇନାସ କମ୍ପାନୀ ଠାରୁ ଦିଆଯିବା ଲୋଭ ଲୋକଙ୍କୁ ଦେଖାଇଥିଲେ । ତେବେ ଗ୍ରୁପ ର ସଦସ୍ୟ ମାନଙ୍କ କହିବା ମତେ ଏହି ଟଙ୍କା କାରବାର ଦାୟିତ୍ୱ ନିଜେ କମ୍ପାନୀ ଏଜେଣ୍ଟ ବୋଲାଉ ଥିବା ଛତିଶଗଡ଼ ,ଦେଭୋଗ ର ଚିଚିଆ ଗ୍ରାମର ପ୍ରେମ ଲାଲ ୟାଦବ କରୁଥିଲେ । ବର୍ତ୍ତମାନ ଲୋକେ ନିଜ ଟଙ୍କା ଫେରସ୍ତ ପାଇଁ ଗ୍ରୁପ କମିଟି ଉପରେ ଚାପ ପକାଉଥିବା ବେଳେ ଏଜେଣ୍ଟ ଜଣକ ଦେଖା ଦର୍ଶନ ମିଲୁନଥିବା ପ୍ରକାଶ କରନ୍ତି ଗ୍ରୁପ୍ ସଦସ୍ୟ । ତୁରନ୍ତ ପୋଲିସ ପ୍ରଶାସନ ଏହି ଠକେଇ ମାମଲା ଉପରେ ହସ୍ତକ୍ଷେପ କରିବାକୁ ଅଞ୍ଚଳବାସୀ ଙ୍କ ଦାବି ହେଉଛି । (ରିପୋର୍ଟ-ଛାୟାକାନ୍ତ ନାଏକ)
