ଓଡିଶା ତାଜା ନ୍ୟୁଜ୍ (୭ ଅଗଷ୍ଟ ଶୁକ୍ରବାର) କଟକ .ମାହାଙ୍ଗା :- କଟକ ଜିଲ୍ଲା ମାହାଙ୍ଗା ପୋଲିସକୁ ମିଳିଛି ବଡ ସଫଳତା, ଦୁଇ ଜଣ ଅନ୍ତଃଜିଲ୍ଲା ଡକାୟତଙ୍କୁ ଗିରଫ କରିବାରେ ସଫଳ ହୋଇଛି ମାହାଙ୍ଗା ପୋଲିସ, ସେମାନଙ୍କ ଠାରୁ ଗୋଟିଏ ଟାଟା ଏସି ସମେତ ଦୁଇଟି ଟ୍ରାକ୍ଟର ରୋଟର ଜବତ ହୋଇଛି। ଦୀର୍ଘ ଦିନ ଧରି କଟକ ଜିଲ୍ଲାର ବିଭିନ୍ନ ଅଞ୍ଚଳରେ ଟ୍ରାକ୍ଟର ଏବଂ ତାର ବିଭିନ୍ନ ସରଞ୍ଜାମ ଚୋରି ହେଉଥିବାର ମାହାଙ୍ଗା ଥାନାରେ ଅଭିଯୋଗ ହୋଇଆସୁଥିଲା । ମାହାଙ୍ଗା ପୋଲିସ ଏହି ଘଟଣାକୁ ଗମ୍ଭୀରତା ସହ ତଦନ୍ତ କରି ଏହି ଚୋରି ଘଟଣାରେ ଦୁଇ ଜଣ ଡକାୟତଙ୍କୁ ଧରିବାରେ ସଫଳ ହୋଇଛି।
ସେମାନେ ହେଲେ ମାହାଙ୍ଗା ଉସୁମା ଗାଁ ର ପ୍ରକାଶ ସାହୁ ଏବଂ ଅନ୍ୟ ଜଣେ ସାଲେପୁର କୁସୁମ୍ବି ଗାଁ ର ସେକ ସାହାଯୁଦ୍ଦିନ। ଦୀର୍ଘଦିନ ଧରି ଏମାନଙ୍କ ନାମରେ ବିଭିନ୍ନ ଡକାୟତି ଅଭିଯୋଗ ରହିଥିବାର ମଧ୍ୟ ମାହାଙ୍ଗା ଆଇଆଇସି ରଞ୍ଜନ କୁମାର ପ୍ରଧାନ କହିଛନ୍ତି। ତେବେ ଏହି ଟିମର ଦୁଇ ଜଣ ସଦସ୍ୟ ଧରାପଡିବା ପରେ ଏବେ ପୁରା ଡକାୟତି ଟିମ କୁ ପୋଲିସ ଧରିବାରେ ଜାଲ ବିଛେଇଥିବାର ଆଇଆଇସି ସୂଚନା ଦେଇଛନ୍ତି । (ରିପୋର୍ଟ – ଲଷ୍ମୀଧର ଖୁଣ୍ଟିଆ)
