ବାଇକ୍ କୁ ପିଟିଲା କାର୍ ଜଣେ ମୃତ – ଦୁଇ ଗୁରୁତର

୧୯ ଜୁନ୍,୨୦୨୪ (ଓଡ଼ିଶା ତାଜା ନ୍ୟୁଜ୍ )  ଯାଜପୁର ଜିଲ୍ଲା :-> ବଡ଼ଚଣା ବ୍ଲକ ଅଧୀନସ୍ଥ ବୈରୀ ଥାନା ଅନ୍ତର୍ଗତ ୧୬ ନଂ ଜାତୀୟ ରାଜପଥ ଛତିଆ ଦଳେଇ ସାହି ନିକଟରେ ବୁଧବାର ଅପରାହ୍ନରେ ଗୋଟେ ବାଇକ୍ ରେ ତିନି ଜଣ ଯୁବକ ରାଜପଥ ପାର ହେଉଥିବା ସମୟରେ ଭୁବନେଶ୍ଵର ରୁ ଯାଜପୁର ଅଭିମୁଖେ ଯାଉଥିବା ଓ. ଡି. ୦୨ଏସି ୫୮୨୯ ଏକ କାର୍ ବାଇକ୍ ଆରୋହୀ ଙ୍କୁ ଧକ୍କାଦେଇ

କିଛି ବାଟ ଘୋଷାରି ନେଇଯାଇଥିଲା ଫଳରେ ଜଣେ ଯୁବକ ଘଟଣା ସ୍ଥଳରେ ମୃତ୍ୟୁ ଘଟିଥିବା ବେଳେ ଅନ୍ୟ ଦୁଇ ଯୁବକ ଗୁରୁତର ଅବସ୍ଥାରେ କଟକ ବଡ ମେଡିକାଲ କୁ ନିଆଯାଇଥିବା ସୂଚନା ମିଳିଛି । ରଦୁର୍ଘଟଣା ସ୍ଥଳରେ ବୈରୀ ଥାନା ପୋଲିସ ପହଞ୍ଚି ଦୁର୍ଘଟଣା ଗ୍ରସ୍ତ ଗାଡି ଗୁଡିକ ଜବତ କରିବା ସହ ମୃତ ଯୁବକଙ୍କୁ ବ୍ୟବଚ୍ଛେଦ ନିମନ୍ତେ ବଡଚଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ପଠାଇଥିଲେ ।

ମୃତ ଯୁବକ ହେଲେ କଟକ ଜିଲ୍ଲା ଆଠଗଡ଼ ଥାନା ମରିଚିପୁର ଗ୍ରାମ ର ମୋଟୋରି ମୁଣ୍ଡା, ଗୁରୁତର ଯୁବକ ହେଲେ ବଡଚଣା ଥାନା ବନ୍ଦାଳୋ ଆଦିବାସୀ ସାହି ର ବାବୁଲି ମୁଣ୍ଡା , କାଳିଆ ପିଙ୍ଗୁଆ ବୋଲି ଜଣାପଡିଛି । ସେପରି ବଡଚଣା ଥାନା ଅନ୍ତର୍ଗତ କଢେଇ ଛକ ନିକଟରେ ଏକ କାର୍ ବାଇକ୍ କୁ ଧକ୍କା ଦେଇଥିଲା ଫଳରେ ବାଇକ୍ ଆରୋହୀ ସାମାନ୍ୟ ଆହତ ହୋଇଥିବା ଜଣାପଡିଛି ।