ଓଡିଶା ତାଜା ନ୍ୟୁଜ୍ (୭ ଅଗଷ୍ଟ ଶୁକ୍ରବାର) ହିଞ୍ଜିଳିକାଟୁ :- ମଦ ନିଶାରେ ଚୁର ହୋଇ ଜଣେ ୭ବର୍ଷ ବୟସର ନାବାଳକକୁ ସେହି ଗ୍ରାମର ଜଣେ ଯୁବକ ଦୁଷ୍କର୍ମ କରିବା ଘଟଣା ସ୍ଥାନୀୟ ଅଂଚଳରେ ଚର୍ଚ୍ଚାର ବିଷୟ ପାଲଟିଛି । ଏଭଳି ଏକ ଘଟଣା ହିଞ୍ଜିଳି ଥାନା ଅଂଚଳରେ ଘଟିଛି । ପୁଲିସ ସୁତ୍ରରୁ ପ୍ରକାଶ ଯେ, ମଙ୍ଗଳବାର ରାତିରେ ହିଞ୍ଜିଳି ଥାନା ଅଂଚଳରେ ଜୈନିକ ଯୁବକ କୃଷ୍ଣ ନାଇକ(୨୨) ମଦ୍ୟପାନ କରି ଘରକୁ ଫେରିବା ସମୟରେ ସେହି ଗ୍ରାମର ଜଣେ ୭ବର୍ଷ ବୟସର ଜଣେ ନାବାଳକ ବାହାରେ ବୁଲୁଥିବା ବେଳେ ଏକୁଟିଆ ପାଇ ବଳପୂର୍ବକ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଘଟଣା ପରେ ନାବାଳକ ଜଣକ ଘଟଣା ନେଇ ପରିବାର ସଦସ୍ୟଙ୍କୁ କହିବା ପରେ ନାବାଳକଙ୍କ ବାପା ଏ ନେଇ ବୁଧବାର ହିଞ୍ଜିଳି ଥାନାରେ ଅଭିଯୋଗ କରିଥିଲେ ।
ଅଭିଯୋଗ ଭିତିରେ ହିଞ୍ଜିଳି ଥାନାରେ ନଂ-୨୭୦/୨୦ରେ ଏକ ମାମଲା ରୁଜୁ କରି ସଂପୃକ୍ତ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଥିବା ପୁଲିସ ସୁତ୍ରରୁ ପ୍ରକାଶ । ନଦୀରେ ଭାସି ଯାଇଥିବା ବୃଦ୍ଧଙ୍କ ମୃତଦେହ ଉଦ୍ଧାର ହିଞ୍ଜିଳିକାଟୁ,୬ା୮ (ଶେଷଦେବ ସାହୁ) : ହିଞ୍ଜିଳି ଥାନା ମହୁରିକଣା ଗ୍ରାମର ଜୈନିକ ବୃଦ୍ଧ ସୁରେନ୍ଦ୍ର ନାୟକ (୬୦)ମଙ୍ଗଳବାର ଘୋଡ଼ାହାଡ଼ ନଦୀକୁ ସ୍ନାନ କରିବାକୁ ଯାଇ ଭାସି ଯାଇଥିଲେ । ବହୁ ସମୟ ଧରି ବୃଦ୍ଧ ଜଣକ ଘରକୁ ନଫେରିବାରୁ ଗ୍ରାମବାସୀଙ୍କ ସହାୟତାରେ ନଦୀରେ ଖୋଜାଖୋଜି କରିଥିଲେ ମଧ୍ୟ ସନ୍ଧାନ ମିଳିନଥିଲା ।
ବୁଧବାର ସନ୍ଧ୍ୟାରେ ଗ୍ରାମ ନିକଟସ୍ଥ ନଦୀ ପଠାରୁ ବୃଦ୍ଧଙ୍କ ମୃତଦେହକୁ ଗ୍ରାମବାସୀ ଦେଖିପାରି ପରିବାର ସଦସ୍ୟଙ୍କୁ ଜଣାଇଥିଲେ । ଖବର ପାଇ ପୁଲିସ ଘଟଣା ସ୍ଥଳରେ ପଂହଚି ମୃତଦେହକୁ ଜବତ କରିଛି । ଏ ନେଇ ହିଞ୍ଜିଳି ଥାନାରେ ୧୯/୨୦ରେ ଏକ ଅପମୃତ୍ୟୁ ମାମଲା ରୁଜୁ କରି ବ୍ୟବଛେଦ ସକାଶେ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ପଠାଇ ଘଟଣାର ତଦନ୍ତ ଚଳାଇଥିବା ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସଙ୍କ ଠାରୁ ପ୍ରକାଶ । (ହିଞ୍ଜିଳିକାଟୁ/ଶେଷଦେବ ସାହୁ)
