ଜିଲ୍ଲାସ୍ତରୀୟ ଜଳକ୍ରୀଡ଼ା ପ୍ରତିଯୋଗୀତା ଅନୁଷ୍ଠିତ

୧୭ ଜୁନ୍,୨୦୨୪ (ଓଡ଼ିଶା ତାଜା ନ୍ୟୁଜ୍ ) ପୁରୀ :-> ପୁରୀ ଜିଲ୍ଲା ଆକ୍ଯୁଟିକ ସଂଘ ଓ ପୁରୀ ଜିଲ୍ଲା କ୍ରୀଡ଼ା ବିଭାଗର ମିଳିତ ସହଯୋଗରେ ସ୍ଥାନୀୟ ଶ୍ରୀଜଗନ୍ନାଥ ଷ୍ଟାଡିଅମ ପରିସରରେ ଥିବା ବିଜୁପଟ୍ଟନାୟକ ସ୍ମାରକୀ ସନ୍ତରଣାଗାର ଠାରେ ସପ୍ତମ ପୁରୀ ଜିଲ୍ଲାସ୍ତରୀୟ ଜଳକ୍ରୀଡ଼ା ପ୍ରତିଯୋଗୀତା ଅନୁଷ୍ଠିତ ହୋଇଯାଇଛି | ଏହାକୁ ରାଜ୍ୟସଭା ସାଂସଦ ସୁଭାଶିଷ ଖୁଣ୍ଟିଆ ମୁଖ୍ୟ ଅତିଥି ଭାବରେ ଯୋଗଦେଇ ଉଦଘାଟନ କରିଥିଲେ l ଅନ୍ୟତମ ଅତିଥି ଭାବରେ ଜିଲ୍ଲା କ୍ରୀଡ଼ାସଂଘ ତରଫରୁ ରବିଶଙ୍କର ପ୍ରତିହାରୀ ଓ ଭାରତୀୟ ସନ୍ତରଣ ମହାସଂଘର ଯୁଗ୍ମ ସମ୍ପାଦକ ଲଷ୍ମୀଚନ୍ଦ୍ର ମହାକୁଡ଼ ଏବଂ ଓଡ଼ିଶା ରାଜ୍ୟ ସନ୍ତରଣ ସଂଘର ସଦସ୍ୟ ମନୋଜ କୁମାର ବନଛୋର ଯୋଗଦେଇ ପ୍ରତିଯୋଗୀ ମାନଙ୍କୁ ଉତ୍ସାହିତ କରିଥିଲେ l

ଏଥିରେ ମୋଟ 52 ଜଣ ପ୍ରତିଯୋଗୀ ଭାଗ ନେଇଥିଲେ l ଚାରିଗୋଟି ସନ୍ତରଣ ଷ୍ଟ୍ରୋକ ଉପରେ ମୋଟ 73 ଗୋଟି ଓଡ଼ିଶା ରାଜ୍ୟ ସନ୍ତରଣ ସଂଘର ପନ୍ଦର ଜଣିଆ ସ୍ୱତନ୍ତ୍ର ବୈଷୟିକ ଦଳ ଇଭେଣ୍ଟ ଗୁଡ଼ିକ “ଫିନା ନିୟମ” ମୁତାବକ ପରିଚାଳନା କରିଥିଲେ l ଜିଲ୍ଲା ଆରକ୍ଷୀ ବିଭାଗ, ବେଳାଭୂମି ଲାଇଫ ଗାର୍ଡ ସଂଘ, ସ୍ୱାସ୍ଥ୍ୟ ବିଭାଗ, ଅଗ୍ନିଶମ ବିଭାଗ ଏହି କାର୍ଯ୍ୟକ୍ରମରେ ସାମିଲ ହୋଇ ସେବା ଯୋଗାଇଥିଲେ l

ଉକ୍ତ କାର୍ଯ୍ୟକ୍ରମକୁ ସୁମିତ ସାହୁ, ଦୀପଙ୍କର ଦାସ, ରଙ୍କନିଧି ସେଠ ଏବଂ ନାରାୟଣ ପ୍ରଧାନ ପ୍ରମୁଖ ପରିଚାଳନା କରିଥିଲେ l ପ୍ରତିଯୋଗୀତାକୁ ସଫଳତାର ସହିତ ସମାପନ କରିଥିବାରୁ ଜିଲ୍ଲା ଆକ୍ଯୁଟିକ ସଂଘ ତରଫରୁ ଉପସଭାପତି ଶ୍ରୀକାନ୍ତ ନାୟକ ଏବଂ ଆୟୋଜକ ସମ୍ପାଦକ ପି.ହରି ରାଓ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ |