ଝାଡପଡାରେ ବାଦୀପାଲ

୧୭ ଜୁନ୍,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଚାନ୍ଦପୁର :-> ପବିତ୍ର ରଜପର୍ବ ଉପଲକ୍ଷେ ପ୍ରତିବର୍ଷ ଭଳି ଚଳିତ ବର୍ଷ ନୟାଗଡ଼ ଜିଲ୍ଲା ରଣପୁର ବ୍ଲକ ଅର୍ନ୍ତଗତ ଝାଡପଡା ଗ୍ରାମରେ ମା ମଙ୍ଗଳା ପାଲା ପରିଷଦ ପକ୍ଷରୁ ପହିଲି ରଜଠାରୁ ୪ଦିନ ଧରି  ମଙ୍ଗଳା ଦେବୀ ପାଲା ପରିଷଦ ଆନୁକୂଲ୍ୟରେ ମଙ୍ଗଳା‌ ଦେବୀଙ୍କ ପୀଠରେ ବାଦୀପାଲା ପରିବେଷଣ କରାଯାଇଛି । ଚଳିତବର୍ଷ ଗାୟିକା -ବାଣୀ ଭାରତୀ – ଶାନ୍ତିଲତା ବେହେରା( ଜାଗିଆପଡା, କଟକ) ଓ ଗାୟିକା -ତରଣୀ ଗୀତାଞ୍ଜଳୀ ସ୍ବାଇଁ (ବେଗୁନିଆ, ଖୋରଧା) ଙ୍କ ମଧ୍ୟରେ ମଞ୍ଚରେ ମହାସମାରୋହରେ ପାଲା ପରିବେଷଣ ହୋଇଅଛି।ଝାଡପଡା, କାଂଚନପୁର, ବୋକାଖାଇ, ମୟୂରଝାଲିଆ, ନମଗାରିଆ, ଖଣ୍ଡିସି,

ବାରଙ୍ଗଗାଡିଆ ଆଦି ବିଭିନ୍ନ ଗ୍ରାମରୁ ବହୁ ମାନ୍ୟଗଣ୍ୟ ପାଲା ପ୍ରେମୀ ବିଞ ବ୍ୟକ୍ତି ମଞ୍ଚ ନିକଟରେ ଉପସ୍ଥିତ ରହି ପାଲା ପରିବେଷଣକୁ ଉପଭୋଗ କରୁଥିଲେ। ଦୁଇ ଗାୟିକା ଓ ଗାୟନ ମଣ୍ଡଳୀ ବାଦୀପାଲା ମଞ୍ଚରେ ବିଭିନ୍ନ କାବ୍ୟ କବିତାରୁ ଛାନ୍ଦ, ଚଉପଦୀ ଚମ୍ପୁ, ଚଉତିଶା ଓ ପୁରାଣ ଚର୍ଚ୍ଚା କରି‌  ଦର୍ଶକଙ୍କ ହୃଦୟ ଜିଣି ନେଇଥିଲେ।ପାଲା ପରିଷଦର ସଭାପତି ପ୍ରଫୁଲ୍ଲ କୁମାର ବଳିୟାରସିଂହ, ସଂପାଦକ ଭାସ୍କର ଚନ୍ଦ୍ର ପ୍ରଧାନ, କୋଷାଧ୍ୟକ୍ଷ ବଟକୃଷ୍ଣ ସେନାପତି, ଉପଦେଷ୍ଟା ଜଗବନ୍ଧୁ ରାଉତ,

ପ୍ରମୋଦ ରାଉତ,ସୁରେଶ ଚନ୍ଦ୍ର ଜେନା,ସଂଜୁଲତା ଜେନା ,ଅଗ୍ରଣୀ ସଦସ୍ୟ ଦୁଃଖୀଶ୍ଯାମ ରାଉତ, ଦଣ୍ଡ ପାଣି ଜେନା,ବିଜୟ ନାୟକ, କାଶୀନାଥ ବଳିୟାରସିଂହ, ତ୍ରିନାଥ ଜେନା, ସର୍ବେଶ୍ଵର ମାଝୀ ଆଦିଙ୍କ ସକ୍ରୀୟ ସହଯୋଗରେ ୪ଦିନର ପାଲା ପରିବେଷଣ ରଜ ପାଳନ ସହ ଆନନ୍ଦ ଉଲ୍ଲାସରେ ଅନୁଷ୍ଠିତ ହୋଇଥିଲା । ଉଦଯାପନ ଦିବସରେ ଦୁଇ  ଗାୟିକା ଓ ଗାୟନ ମଣ୍ଡଳୀଙ୍କୁ ପୁଷ୍ପ ,ଚନ୍ଦନ ,ଉତ୍ତରୀୟ ଓ ମାନପତ୍ର ଦେଇ ପାଲା ପରିଷଦର ସଭାପତି ପ୍ରଫୁଲ୍ଲ କୁମାର ବଳିୟାରସିଂହ ସଂପାଦକ ଭାସ୍କର ଚନ୍ଦ୍ର ପ୍ରଧାନ, ଦୁଇ ଉପଦେଷ୍ଟା ଜଗବନ୍ଧୁ ରାଉତ ଓ ସୁରେଶ ଚନ୍ଦ୍ର ଜେନା ସମ୍ବର୍ଦ୍ଧିତ କରିଥିଲେ।