ଓଡିଶା ତାଜା ନ୍ୟୁଜ୍ (୦୬ ଅଗଷ୍ଟ ଗୁରୁବାର) ନୟାଗଡ :- ନୟାଗଡ ଜିଲ୍ଲା ଅନ୍ତର୍ଗତ ଚାନ୍ଦପୁର ଥାନାରେ କର୍ତ୍ତବ୍ୟରତ କୋଭିଡ ଯୋଦ୍ଧା ତଥା କର୍ତ୍ତବ୍ୟରତ ପୋଲିସ ଏ.ଏସ.ଆଇ ଆର.କେ କବିଙ୍କୁ ଜିଲ୍ଲା ପ୍ରଶାସନ ଏବଂ ପୋଲିସ ପ୍ରଶାସନ ତରଫରୁ ଶବାଧାରରେ ପୁଷ୍ପ ଗୁଚ୍ଛ ଦେଇ ଅଶ୍ରୁଳ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି । ପ୍ରଥମେ ଜିଲ୍ଲା ପ୍ରଶାସନ ପକ୍ଷରୁ ଜିଲ୍ଲାପାଳ ଡା.ପୋମା ଟୁଡୁ ଶ୍ରଦ୍ଧାଞ୍ଜଳି ଅର୍ପଣ କରିଥିବା ବେଳେ ପୋଲିସ ପ୍ରଶାସନ ପକ୍ଷରୁ ଏସ.ପି ପ୍ରତ୍ୟୁଷ କୁମାର ଦିୱାକର ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଏହି ପରିପ୍ରେକ୍ଷୀରେ ଜିଲ୍ଲା ପ୍ରଶାସନର ପଦସ୍ଥ ଅଧିକାରୀଙ୍କ ସମେତ ପୋଲିସ ପ୍ରଶାସନର ପଦସ୍ଥ ଅଧିକାରୀମାନେ ସମ୍ମାନ ପ୍ରଦର୍ଶନ କରିଥିଲେ ।
ଏଥି ପୂର୍ବରୁ ସେଠାରେ ଉପସ୍ଥିତି ସ୍ବର୍ଗତ କବିଙ୍କ ପରିବାର ବର୍ଗଙ୍କୁ ଜିଲ୍ଲପାଳଙ୍କ ସମେତ ଏସ.ପି ସାନ୍ତ୍ୱନା ପ୍ରଦାନ କରିଥିଲେ । ଏ ସମସ୍ତ କାର୍ଯକ୍ରମକୁ ନୟାଗଡ ଟାଉନ ଥାନା ଅଧିକାରୀ ଜୟଦ୍ଵୀପ ମହାନ୍ତିଙ୍କ ପ୍ରତ୍ୟକ୍ଷ ତତ୍ୱାବଧାନରେ ଏସ.ଆଇ ଧର୍ମେନ୍ଦ୍ର ଶିଆଳଙ୍କ ସମେତ ଏସ.ଆଇ ସ୍ମୁତି ରଞ୍ଜନ ମହାନ୍ତି ପ୍ରମୁଖ ଶାନ୍ତି ଶୃଙ୍ଖଳାର ସହ ଆଗେଇ ନେଇଥିଲେ । ମୃତ୍ୟୁ ବେଳକୁ ତାଙ୍କୁ ୫୮ ବର୍ଷ ହୋଇଥିବା ବେଳେ ଉକ୍ତ କୋଭିଡ ଯୋଦ୍ଧାଙ୍କ ଘର ଦଶପଲ୍ଲା ଅନ୍ତର୍ଗତ ସାତପାଟଣା ବୋଲି ଜଣା ପଡିଛି । (ରିପୋର୍ଟ -ରାମକୃଷ୍ଣ ରଥ)
