ଓଡିଶା ତାଜା ନ୍ୟୁଜ୍ (୦୬ ଅଗଷ୍ଟ ଗୁରୁବାର) କଳାହାଣ୍ଡି :- ଶିଶୁ ମୃତ୍ୟୁକୁ ରୋକିବା ପାଇଁ କେନ୍ଦ୍ର ତଥା ରାଜ୍ୟ ସରକାରଙ୍କ ଯୋଜନା ଉପରେ ଯୋଜନା । ଗ୍ରାମାଞ୍ଚଳରେ ଠାରୁ ଆରମ୍ଭ କରି ସହରାଞ୍ଚଳରେ ପର୍ଯ୍ୟନ୍ତ ଓ ପ୍ରାଥମିକ ଚିକିତ୍ସାଳୟ ଠାରୁ ଆରମ୍ଭ କରି ମୁଖ୍ୟ ଚିକିତ୍ସାଳୟ ପର୍ଯ୍ୟନ୍ତ ରହିଛି ଆନୁଷଙ୍ଗିକ ବ୍ୟବସ୍ଥା । ଶିଶୁ ମାନଙ୍କ ଚିକିତ୍ସା ପାଇଁ ସ୍ୱତନ୍ତ୍ର ୱାର୍ଡ ରହିଥିବା ବେଳେ ରହିଛି ଉନ୍ନତି ମାନର ସାରାଂଞ୍ଜାମ । ହସ୍ପିଟାଲରେ ଯେପରି କେହି ହଇରାଣ ନ ହୁଅନ୍ତୁ ସେଥିପାଇଁ ହସ୍ପିଟାଲ କୁ ମୋ ସରକାର ରେ ବି ସାମିଲ କରାଯାଇଛି । ହେଲେ ତଳ ସ୍ତର ରେ ବ୍ୟବସ୍ଥା କେମିତି ଚାଲିଛି ଦେଖିବାକୁ କିଏ ନାହିଁ । କଳାହାଣ୍ଡି ଜିଲ୍ଲା ଜୟପାଟଣା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ରୁ ଆସିଛି ସାଙ୍ଘାତିକ ଅଭିଯୋଗ । ଡାକ୍ତର ଙ୍କ ଅବହେଳା ଓ ଚିକିତ୍ସା ଅଭାବରୁ ଏକ ତିନି ବର୍ଷର ଶିଶୁକନ୍ୟା ର ମୃତ୍ୟୁ ଘଟିଥିବା ଅଭିଯୋଗ ହୋଇଛି । ଅଭିଯୋଗ ଅନୁଯାୟୀ ଜୟପାଟଣା ଥାନା ଅନ୍ତର୍ଗତ ଧନସୁଲି ଗ୍ରାମପଞ୍ଚାୟତ ଛତାବାନ୍ଧୁଗୁଡା ର ଲଙ୍କେଶ୍ୱର ନାଏକ ତାଙ୍କ ତିନି ବର୍ଷର ଝିଅ ପ୍ରଜ୍ଞାଶିନୀ ନାଏକ ଙ୍କ ଝାଡା ଓ ଜର ହେବା ନେଇ ଗତ ରାତି ପ୍ରାୟ ତିନିଟା ରେ ଆଣିଥିଲେ । ସେତେବେଳେ ସ୍ୱାସ୍ଥ୍ୟ କେନ୍ଦ୍ରର ଦାଇତ୍ଵ ରେ ଥିଲେ ଡାକ୍ତର ନିହାର ରଞ୍ଜନ ପରିଡା ।
ସେ ଶିଶୁ କନ୍ୟା କୁ ଚିକିତ୍ସା କରିବା ପରିବର୍ତ୍ତେ କିଛି ମେଡ଼ିସିନ ଦେଇ ଏହାକୁ ଖୁଆଇ ଦିଅ ସକାଳେ ଦେଖିବା ବୋଲି କହି ଶୋଇ ଯାଇଥିଲେ । ପରିବାର ଲୋକେ ବାରମ୍ବାର ଡାକ୍ତର ଙ୍କୁ ଡାକିଥିଲେ ମଧ୍ୟ ସେ ଆସିନଥିଲେ କି କିଛି ଉପଯୁକ୍ତ ଚିକିତ୍ସା କଲେନାହିଁ । ଯାହା ଫଳରେ ଶିଶୁକନ୍ୟା ଚିକିତ୍ସା ଅଭାବରୁ ଅବସ୍ଥା ଗୁରୁତର ହୋଇ ମୃତ୍ୟୁ ହୋଇଥିଲା । ମୃତ୍ୟୁ ପରେ ପରିବାର ଲୋକେ କାନ୍ଦିବା ପରେ ଉକ୍ତ ଡାକ୍ତର ମୃତ ଶିଶୁକୁ ଜିଲ୍ଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତରଣ କରିଥିବା ପରିବାର ଲୋକେ ପ୍ରକାଶ କରିଛନ୍ତି । ଏ ନେଇ ପରିବାର ପକ୍ଷରୁ ହସ୍ପିଟାଲରେ ଉତ୍ତେଜନା ପ୍ରକାଶ ପାଇଥିଲା । ଜୟପାଟଣା ପୋଲିସ ତୁରନ୍ତ ଘଟଣା ସ୍ଥଳକୁ ପହଞ୍ଚି ମୃତକ ପରିବାର ସହ ଆଲୋଚନା କରି ପରିସ୍ଥିତି ଉପରେ ନିୟନ୍ତ୍ରଣ କରିଛି । ଚିକିତ୍ସା ରେ ଅବହେଳା କରି ନିରୀହ ଶିଶୁର ଜୀବନ ନେଇଥିବା ଡାକ୍ତର ପ୍ରତି ପ୍ରଶାସନ କଣ କାର୍ଯ୍ୟାନୁଷ୍ଠାନ ନେବେ ତାହା ଆଗାମୀ ଦିନରେ ଦେଖିବାକୁ ବାକି ରହିଲା । (ରିପୋର୍ଟ – ଛାୟାକାନ୍ତ ନାଏକ)
