୦୮ ଜୁନ୍,୨୦୨୪ (ଓଡ଼ିଶା ତାଜା ନ୍ୟୁଜ୍ ) କଟକ :-> କଟକ ମହାନଗର ନିଗମ ୫୯ ନମ୍ବର ୱ।ର୍ଡ଼ ଫୁଲନଖରା ଛକ ନିକଟସ୍ଥ ନୂଆ କାଚରାମାଳ ଗ୍ରାମର ଯାତ୍ରା ଉତ୍ସବକୁ କଟକ ସଦର ନୂତନ ବିଜେପି ବିଧାୟକ ପ୍ରକାଶ ଚନ୍ଦ୍ର ସେଠୀ ମୁଖ୍ୟ ଅତିଥି ଭାବେ ଯୋଗ ଦେଇ ଶନିବାର ରାତିରେ ଉଦଘାଟନ କରିଥିଲେ ।
ଆୟୋଜିତ ଉତ୍ସବରେ ସ୍ଥାନୀୟ ବିଜେପି କର୍ପୋରେଟର ମମତା ମହାନ୍ତି, କଟକ ନଗର ବିଜେପି ଉପସଭାପତି ସ୍ୱାଧୀନ ଚେତା ମହାନ୍ତି, ନୂଆ କାଚରାମାଳ ଗ୍ରାମ୍ୟ କମିଟିର ସଭାପତି ଗୁଣନିଧୀ ପଟ୍ଟନାୟକ , ଫୁଲନଖରା ବଜାର ବ୍ୟବସାୟୀ ସଂଘର ସଭାପତି କିଶୋର ପଟ୍ଟନାୟକ, ପ୍ରଶାନ୍ତ କୁମାର ପଟ୍ଟନାୟକ ପ୍ରମୁଖ ଯୋଗ ଦେଇଥିଲେ ।
ମୁଖ୍ୟ ଅତିଥି ନୂତନ ବିଧାୟକ ପ୍ରକାଶ ଚନ୍ଦ୍ର ସେଠୀ କହିଲେ ଯେ , ବିକାଶର କାର୍ଯ୍ୟ ଫୁଲନଖରା ର କାଚରାମାଳରୁ ଆରମ୍ଭ ହେବ । ପ୍ରତ୍ୟେକ ବ୍ୟକ୍ତି ବିକାଶ କାର୍ଯ୍ୟରେ ସହଯୋଗ କଲେ ବିକାଶ କାର୍ଯ୍ୟ ଅଗ୍ରଗତି ହୋଇପାରିବ ବୋଲି କହିଥିଲେ । ପ୍ରଥମ ରଜନୀରେ ରଙ୍ଗମହଲ ଅପେରା ପାର୍ଟି ନାଟକ ” ଆସିଛି ଏକା ଯିବି ମୁଁ ଏକା ” ନାଟକ ପରିବେଷଣ କରିଥିଲେ ।
ସୋମବାର ପର୍ଯ୍ୟନ୍ତ ନାଟକ ପରିବେଷଣ ଅନୁଷ୍ଠିତ ହେବ । ଏହାକୁ ଦେଖିବା ପାଇଁ ପ୍ରବଳ ଜନସମାଗମ ହୋଇଥିଲା । ନୂଆ କାଚରାମାଳ ଗ୍ରାମର ସମସ୍ତ ଯୁବକ ଯାତ୍ରା ପରିଚାଳନା କରିବାରେ ସହଯୋ କରିଥିଲେ ।
