ଅଶୋକ – ଅନନ୍ତ ଏକାଠି କଲେ ପ୍ରଚାର

ଐତିହ୍ୟ କପିଳେଶ୍ଵର ମନ୍ଦିରକୁ ଖୁବ୍ ଶୀଘ୍ର ନୂତନ ରାସ୍ତା : ଅଶୋକ

ଭୁବନେଶ୍ଵର :–>  ବୁଧବାର ଏକାମ୍ର ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀ ଅଶୋକ ଚନ୍ଦ୍ର ପଣ୍ଡା, ମଧ୍ୟ ବିଧାୟକ ପ୍ରାର୍ଥୀ ଅନନ୍ତଙ୍କ ସହ ଏକାଠି ମିଶି ପ୍ରଚାର କରିଥିଲେ । ସକାଳୁ ୱାର୍ଡ ନଂ ୪୫ ବିଜେବି ନଗରର ଚମ୍ପା ପୋଖରୀ ଅଞ୍ଚଳରେ ରୋଡ଼ ଶୋ କରିଥିଲେ ଦୁଇ ବିଧାୟକ । ୱାର୍ଡ ନଂ ୪୯ ଚାଳସାହିରେ ପଦଯାତ୍ରା କରିବା ପରେ ଅପରାହ୍ନରେ ୱାର୍ଡ ନଂ ୬୦ ଲିଙ୍ଗରାଜ ନଗର, ହାଟ ସାହି, ଦକ୍ଷିଣ ଚଣ୍ଡୀ ଲେନ ଅଞ୍ଚଳରେ ରୋଡ଼ ଶୋ କରିଥିଲେ । ପରେ କପିଳେଶ୍ଵର ଗ୍ରାମରେ ପଦଯାତ୍ରା ସାରି ପୋଖରୀପୁଟ ଅଞ୍ଚଳରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା ।

କପିଳେଶ୍ଵର ମନ୍ଦିରକୁ ନୂତନ ରାସ୍ତା ନେଇ ଜମି ଅଧି ଗ୍ରହଣ ପ୍ରକ୍ରିୟା ଆରମ୍ଭ ହୋଇ ଯାଇଥିବା ବେଳେ ଏହି ରାସ୍ତାଟିର କାର୍ଯ୍ୟ ଶେଷ ହେଲେ ଐତିହ୍ୟ କପିଳେଶ୍ଵର ମନ୍ଦିରକୁ ଶ୍ରୀ ଲିଙ୍ଗରାଜ ମନ୍ଦିରକୁ ଆସୁଥିବା ରାଜ୍ୟ ଓ ରାଜ୍ୟ ବାହାରୁ ପର୍ଯ୍ୟଟକଙ୍କ ଆଗମନ ନିଶ୍ଚିତ ବୃଦ୍ଧି ପାଇବ ବୋଲି ଅଶୋକ କହିଥିଲେ । ପରେ ସାମନ୍ତରାପୁର ସ୍ଥିତ ରୟାଲ ରିସର୍ଟରେ ଏକ ସଭାରେ ଉଦବୋଧନ ଦେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟର ଲକ୍ଷ ଲକ୍ଷ ମହିଳାମାନେ କିଭଳି ଆତ୍ମନିର୍ଭରଶୀଳ ହେବା ପାଇଁ ବିଭିନ୍ନ ଯୋଜନା କରି ସଫଳ ହୋଇଛନ୍ତି

ତାହାର ଉଦାହରଣ ଦେଇଥିଲେ । ଏହା ପରେ କଞ୍ଚସାହିରେ ପଦଯାତ୍ରା ଶେଷ କରିଥିଲେ । ଏହି କାର୍ଯ୍ୟକ୍ରମରେ ଦଳୀୟ କର୍ମୀଙ୍କ ସହ ମେୟର ସୁଲୋଚନା ଦାସ, କର୍ପୋରେଟର ଚନ୍ଦ୍ର ଶେଖର ମଲ୍ଲିଆ, ସଞ୍ଜୁକ୍ତା ସୁନ୍ଦରାୟ, ଅଜିତ ବେହେରା, ସନ୍ତୋଷ ସିଂହ, ପୂର୍ବତନ କର୍ପୋରେଟର ଅଶ୍ବିନୀ ସୁନ୍ଦରାୟ, ଭରତ ସ୍ଵାଇଁ ପ୍ରମୁଖ ଉପସ୍ଥିତ ଥିଲେ ।