ଓଡିଶା ତାଜା ନ୍ୟୁଜ୍ ( ୦୪ ଅଗଷ୍ଟ ମଙ୍ଗଳବାର ) କଳାହାଣ୍ଡି :- ଏକାନ୍ତରର ସୁଯୋଗ ନେଇ ଆସାମୀର ବର୍ବରତା । ବିବାହିତ ମହିଳାଙ୍କୁ ଜୋର ଜବରଦସ୍ତି ଦୁଷ୍କର୍ମ । ନ୍ୟାୟ ଅପେକ୍ଷାରେ ଚାହିଁ ରହିଛନ୍ତି ପିଡୀତା । ଏପରି ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲାର ନର୍ଲା ବ୍ଲକ ଅନ୍ତର୍ଗତ ବୁଦେଲଗୁମା ଗ୍ରାମରେ । ଲିଖିତ ଅଭିଯୋଗ କ୍ରମେ ବୁଦେଲଗୁମା ଗ୍ରାମର ଜଣେ ବିବାହିତ ମହିଳାଙ୍କ ସ୍ୱ।ମୀ ଦାଦନରେ ରାଜ୍ୟ ବାହାରେ ଥିବା ଓ ମହିଳା ଜଣକ ଏକୁଟିଆ ରହୁଥିବାର ସୁଯୋଗ ନେଇ ଗତ ୨୩ ଜୁଲାଇ ରାତିରେ ଉକ୍ତ ଗ୍ରାମର ଯୁବକ ପ୍ରେମାନନ୍ଦ ନାଏକ (୨୫)
ମହିଳାଙ୍କୁ ବଳ ପୂର୍ବକ ଦୁଷ୍କର୍ମ କରିଥିବା ଅଭିଯୋଗ ପୀଡ଼ିତା ଜଣକ ନର୍ଲା ଥାନାରେ ଅଭିଯୋଗ କରିଛନ୍ତି । ଏ ନେଇ ମହିଳା ଜଣକ ଗତ ୨୭ ଜୁଲାଇରେ ଥାନାରେ ଲିଖିତ ଅଭିଯୋଗ ପରେ ନର୍ଲା ପୋଲିସ କେସ ନଂ ୧୨୬/୨୦୨୦ ଓ ଦଫା ୩୭୬,୪୫୭,୫୦୬ ଅନୁସାରେ ଅଭିଯୁକ୍ତଙ୍କୁ ଖୋଜୁଥିବା ଜଣାପଡିଛି । ଏଣେ ଅଭିଯୁକ୍ତ ବେଫିକରରେ ବୁଲୁଥିବା ଅଭିଯୋଗ କରି ମହିଳା ଜଣକ ନ୍ୟାୟ ନ ପାଇଲେ ଆତ୍ମହତ୍ୟା କରିବି ବୋଲି ଗଣ ମାଧ୍ୟମକୁ ସୂଚନା ଦେଇଛନ୍ତି ।
(ରିପୋର୍ଟ-ପ୍ରଦୀପ କୁମାର ଗଉଡ)
