ବୌଦ୍ଧ ନିର୍ବାଚନ ମଣ୍ଡଳୀରେ ପଣ୍ଡିଆନଙ୍କ ହାଇଭୋଲଟେଜ୍ ପ୍ରଚାର

୫ ଏପ୍ରିଲ, ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବୌଦ୍ଧ :->  ବୌଦ୍ଧ ନିର୍ବାଚନ ମଣ୍ଡଳୀରେ ବିଜେଡ଼ି ବରିଷ୍ଠ ନେତା ଭି କାର୍ତ୍ତିକେୟନ୍ ପଣ୍ଡିଆନ ନିର୍ବାଚନ ପ୍ରଚାର କରିଛନ୍ତି । ପୁରୁଣାକଟକ ଭୈରବୀ ଡିଗ୍ରୀ କଲେଜ ଠାରେ ଅସ୍ଥାୟୀ ହେଲିପ୍ୟାଡ଼ରେ ଓହ୍ଲାଇ, ସେଠାରୁ ମିନି ଷ୍ଟାଡିୟମ ସ୍ଥିତ ସଭା ସ୍ଥଳରେ ପହଞ୍ଚି ଲୋକ ମାନଙ୍କ ସହ ହାତ ମିଳାଇ ଥିଲେ । ପାଣ୍ଡିଆନଙ୍କୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା । ପରେ କାର୍ତ୍ତିକ ପାଣ୍ଡିଆନଙ୍କ ସମେତ କନ୍ଧମାଳ ସାଂସଦ ପ୍ରାର୍ଥୀ ଓ ବୌଦ୍ଧ ବିଧାୟକ ପ୍ରାର୍ଥୀ ପ୍ରଦୀପ କୁମାର ଅମାତ ମଞ୍ଚାସିନ ହୋଇଥିଲେ ।

ବିଧାୟକ ପ୍ରାର୍ଥୀ ଶ୍ରୀ ଅମାତ କେନ୍ଦ୍ରକୁ ଟାର୍ଗେଟ କରି ଖୋର୍ଦ୍ଧା-ବଲାଙ୍ଗୀର ରେଳପଥ ପାଇଁ ରାଜ୍ୟ ସରକାରଙ୍କ ଅବଦାନ ୫୦ ପ୍ରତିଶତ ହୋଇଥିବା ବେଳେ କେନ୍ଦ୍ରର ବ୍ୟାପକ ଅବହେଳା ପାଇଁ ମନ୍ଥର ଗତିରେ ରେଳପଥ ଚାଲୁଛି । ସେହିଭଳି ବିଜୁ ସ୍ୱାସ୍ଥ୍ୟ କାର୍ଡକୁ ବନ୍ଦ କରିବାକୁ ଅବଚେଷ୍ଟା କରୁଥିବା ବିରୋଧୀଙ୍କୁ ସଠିକ ଜବାଵ ଦେବାକୁ କହିଥିଲେ । ସେହିଭଳି ମାନ୍ୟବର ମୁଖ୍ୟମନ୍ତ୍ରୀଙ୍କ ସ୍ଵଛ ଓ ନିର୍ମାଣ ଭାବ ମୂର୍ତ୍ତି ପାଇଁ ଚଳିତ ଥର ଷଷ୍ଠ ଥର ପାଇଁ ନବୀନ ପଟ୍ଟନାୟକଙ୍କୁ ମୁଖ୍ୟମନ୍ତ୍ରୀ ଆସନରେ ବସାଇବା ପାଇଁ ସାଧାରଣଙ୍କୁ ସମ୍ବୋଧନ କରିଥିଲେ ।

ତେବେ କାର୍ତିକ ପଣ୍ଡିଆନ ୨୫ ବର୍ଷର ବିକାଶ ହିସାବ ଦେଇଥିବା ବେଳେ ଗତ ଜୁଲାଇ ମାସରେ ଦିଆଯାଇଥିବା ଆପ୍ଲିକେସନ ର ସମସ୍ତ କାର୍ଯ୍ୟ ରୂପାନ୍ତରିତ ହୋଇଥିବା କହିଥିଲେ । ନିର୍ବାଚନ ମଣ୍ଡଳୀ ବିକାଶ ଶିଖର ଛୁଇଁଥିବା ବେଳେ ମେ ୨୦ ତାରିଖ ଭୋଟ ମାଧ୍ୟମରେ ଏହାର ପ୍ରତିଫଳନ ଆପଣମାନେ ଆପଣମାନେ ଦେଖେଇବେ ବୋଲି କହିଥିଲେ। ବିଧାୟକ ପ୍ରାର୍ଥୀଙ୍କୁ ୪୦ ହଜାର ଭୋଟ ବ୍ୟବଧାନରେ ବିଜୟୀ କରିବାକୁ ଲୋକଙ୍କୁ ଆହ୍ୱାନ ଦେଇଥିଲେ l