ଓଡିଶା ତାଜା ନ୍ୟୁଜ୍ (୦୩ ଅଗଷ୍ଟ ସୋମବାର ) ହିଞ୍ଜିଳିକାଟୁ :- ରାଜ୍ୟରେ ଗଞ୍ଜାମ ଜିଲ୍ଲା ସବୁଠାରୁ ଅଧିକ କରୋନା ପ୍ରବଣ । କରୋନା କଟକଣାକୁ ପ୍ରତିହିତ କରିବା ଲାଗି ଅଗଷ୍ଟ ମାସରେ ଅନଲକ-୩ କାର୍ଯ୍ୟକାରୀ କରାଯିବା ସହ କଟକଣାରେ ସାମାନ୍ୟ କୋହଳ କରାଯାଇଛି । ସପ୍ତାହର ଶେଷ ୨ଦିନ ଅର୍ଥାତ ଶନି ଓ ରବିବାର ସମ୍ପୁର୍ଣ୍ଣ ସହର ସଟଡ଼ାଉନ ରହିବ । ସୋମାବର ଠାରୁ ଅନଲକ-୩କୁ କାର୍ଯ୍ୟକାରୀ କରାଯାଇଥିବା ବେଳେ ପ୍ରଥମ ୨ଦିନ ଶନି ଓ ରବିବାର କିଛିଟା କଟକଣା କୋହଳ କରାଯାଇଥିଲା । ମାସର ପ୍ରଥମ ଦୁଇ ଦିନ ଅପରାହ୍ନ ୧ଘଂଂଟା ପର୍ଯ୍ୟନ୍ତ ଦୋକାନ ବଜାର କୋଲିବା ସକାଶେ ଅନୁମତି ପ୍ରଦାନ କରାଯାଇଥିବା ବେଳେ ସୋମବାର ଠାରୁ ଭୋର ୫ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ଚାହା ଓ ପାନ ଦୋକାନ ବ୍ୟତିତ ଅନ୍ୟ ସମସ୍ତ ବ୍ୟବସାୟିକ ପ୍ରତିଷ୍ଠାନ ଖୋଲିବା ସକାଶେ ସ୍ଥାନୀୟ ପ୍ରଶାସନ ପକ୍ଷରୁ ଅନୁମତି ପ୍ରଦାନ କରାଯାଇଥିଲା ।
ସୋମବାର ରକ୍ଷାବନ୍ଧନ ଉତ୍ସବ ହୋଇଥବାରୁ ହିଞ୍ଜିଳିକାଟୁ ପୌରାଂଚଳର ରାଖି ଦୋକାନ, ମିଠା ଓ ଫଳ ଦୋକାନ ଗୁଡ଼ିକରେ ଗ୍ରାହକଙ୍କ ଭିଡ଼ ଲାଗି ରହିଥିଲା । ସତେଯେମିତି ସାମାଜିକ ଦୂରତାକୁ ଲୋକେ ଭୁଲି ଯାଇଥିଲେ । ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ପୌରାଂଚଳ ସମେତ ବ୍ଳକର ବିଭିନ୍ନ ଗ୍ରାମାଂଚଳରେ କରୋନା ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଥିବା ବେଳେ ସ୍ଥାନୀୟ ସହରବାସୀସର୍ତକତା ଅବଲମ୍ବନ କରିବା ପରିବର୍ତେ କୋଭିଡ଼ କଟକଣାକୁ ଅଣଦେଖା କରୁଥିବାର ଦେଖିବାକୁ ମିଳିଛି । ସୋମବାର ରକ୍ଷାବନ୍ଧନ ଥିବା ବେଳେ ମଙ୍ଗଳବାର ଶ୍ରାବଣ ମାସରେ ଆମିଷ ଖାଇବା ବର୍ଜନ କରିଥିବା ଲୋକେଛାଡ଼ଖାଇ ପାଳିବେ ।
ତେଣୁ ମଙ୍ଗଳବାର ସ୍ଥାନୀୟ ପୌରାଂଚଳ ସମେତ ନିକଟବର୍ତି ଗ୍ରାମାଂଚଳର ଆମିଷ ବଜାର ଗୁଡ଼ିକରେ ଅତ୍ୟଧିକ ଭିଡ଼ ହେବା ଅଶାଙ୍କା ରହିଛି । ସେମାବାର ପୌରାଂଚଳର ବିଭିନ୍ନ ବ୍ୟବସାୟିକ ପ୍ରତିଷ୍ଠାନ ସମ୍ମୁଖରେ ଗ୍ରାହକଙ୍କ ଅତ୍ୟଧିକ ଭିଡ଼ ସହ କୋଭିଡ଼ କଟକଣାକୁ ଅବମାନନା କରୁଥିବା ଦେଖିବାକୁ ମିଳିଥିଲା । ହିଞ୍ଜିଳି ପୁଲିସ ପ୍ରଶାସନ ପକ୍ଷରୁ ସହରର ୨ ପ୍ରବେଶ ପଥରେ ଯାନବାହାନ ଯାଂଚ କରାଯାଉଛି । ଲକଡ଼ାଉନ କଟକଣା ସମ୍ପର୍କରେ ପୁଲିସ ଓ ପୌର ପ୍ରଶାସନ ପକ୍ଷରୁ ଡ଼ାକବାଜି ଯନ୍ତ୍ର ସହାୟତାରେ ଜନ ସଚେତନ କାର୍ଯ୍ୟକ୍ରମ ଜାରି ରହିଛି ।
ଅଯଥାରେ ଭିଡ଼ ନଜମାଇବାକୁ ଅନୁରୋଧ କରାଯାଉଛି । ସବୁଠି ସାମାଜିକ ଦୂରତା ରଖିବା ସହ ଘରୁ ବାହାରକୁ ବାହାରିଲେ ମାସ୍କ ପିନ୍ଧିବାକୁ ବାଧ୍ୟତା ମୂଳକ କରାଯାଇଛି । କିନ୍ତୁ କେତେକ ଅମାନିଆ ଲୋକେ ମାସ୍କ ପିନ୍ଧୁନଥିବା ଓ ଅଯଥାରେ ବୁଲାବୁଲି କରୁଥିବାର ଦେଖିବାକକୁ ମିଳିଛି । ଏପରି ଅମାନିଆଙ୍କ ଠାରୁ ପୁଲିସ ପ୍ରଶାସନ ପକ୍ଷରୁ ଜୋରିମାନା ଆଦାୟ କରାଯାଉଛି ବୋଲି ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସ କହିଛନ୍ତି । ( ରିପୋର୍ଟ – ଶେଷଦେବ ସାହୁ )
