ଓଡିଶା ତାଜା ନ୍ୟୁଜ୍ (୦୩ ଅଗଷ୍ଟ ସୋମବାର ) ନୟାଗଡ଼ :- ଆଜି ପବିତ୍ର ଗମ୍ଭା ପୂର୍ଣ୍ଣିମା ତଥା ବଳଭଦ୍ର ଜନ୍ମ ଅବସରରେ ଭାରତ ବିକାଶ ପରିଷଦ, ନୟାଗଡ଼ ଶାଖା ତରଫରୁ ତାଳଗଛ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ନୟାଗଡ଼ ରେଳ ଷ୍ଟେସନ ନିକଟରେ ରେଳ ରାସ୍ତାର ଦୁଇ ପାର୍ଶ୍ୱରେ ୪୦ଟି ତାଳ ଖୁରୁଡି ପୋତା ଯାଇଛି । ଚଳିତ ବର୍ଷ ୧ ହଜାର ତାଳ ଖୁରୁଡି ପୋତା ଯିବା ପାଇଁ ଲକ୍ଷ୍ୟ ରଖାଯାଇଛି ବୋଲି ପରିଷଦ ର ସଚିବ ପ୍ରଦୀପ କୁମାର ସାହୁ କହିଛନ୍ତି ।
ଏହି କାର୍ଯ୍ୟକ୍ରମରେ ଭାରତ ବିକାଶ ପରିଷଦର ପୂର୍ବକ୍ଷେତ୍ର ଅର୍ଥାତ୍ ଓଡ଼ିଶା, ପଶ୍ଚିମ ବଙ୍ଗ, ଝାଡଖଣ୍ଡ, ବିହାର ଆଦି ୪ଟି ରାଜ୍ୟକୁ ନେଇ ଗଠିତ ପୂର୍ବକ୍ଷେତ୍ରର କ୍ଷେତ୍ରୀୟ ସଂପାଦକ ଶ୍ରୀଧର ସାହୁ ଯୋଗଦେଇଥିଲାବେଳେ ବରିଷ୍ଠ ସଦସ୍ୟ ପ୍ରଫୁଲ୍ଲ କୁମାର ନାୟକ, ଚନ୍ଦ୍ରଭାନୁ ବରାଡ ଓ ଦାମୋଦର ସାହୁ ଆଦି ସଭ୍ୟ ମାନେ ଯୋଗ ଦେଇଥିଲେ । (ରିପୋର୍ଟ – ରାମକୃଷ୍ଣ ରଥ)
