ଏକାମ୍ର ରେ ଅଶୋକ ଙ୍କ ପ୍ରଚାର ଜୋରଦାର

୨୬  ଏପ୍ରିଲ, ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର  :-> ଭୁବନେଶ୍ୱର ଏକାମ୍ର ନିର୍ବାଚନ ମଣ୍ଡଳୀ ରେ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଙ୍କ ବିଭିନ୍ନ ସ୍ଥାନରେ ନିର୍ବାଚନୀ ପ୍ରଚାର। ସକାଳେ ୱାର୍ଡ ନଂ ୨୪ ଓ ୪୯ ର ଏଚ ଆଇ ଜି ପାର୍କ ଓ ପ୍ରଜ୍ଞା ବିହାର ପାର୍କ ରେ ପ୍ରାତଃ ଭ୍ରମଣ କରିବାକୁ ଆସୁଥିବା ଅନ୍ତେବାସୀ ମାନଙ୍କୁ ଶ୍ରୀ ପଣ୍ଡାଙ୍କ ସହ ମେୟର ସୁଲୋଚନା ଦାସ, ସାଂସଦ ପ୍ରାର୍ଥୀ ମନ୍ମଥ ରାଉତରାୟ ସାକ୍ଷାତ କରି ଭୋଟ ଭିକ୍ଷା କରିଥିଲେ।

ଅପରାହ୍ନରେ ୱାର୍ଡ ନଂ ୬୧ ରେ ସ୍ୱୟଂ ସହାୟିକା ଗୋଷ୍ଠୀ ମହିଳାମାନଙ୍କ ସାଧାରଣ ସଭାକୁ ସାଂସଦ ପ୍ରାର୍ଥୀ ମନ୍ମଥ ରାଉତରାୟ ଅନ୍ୟତ୍ର କାର୍ଯ୍ୟକ୍ରମ ଥିବାହେତୁ ମହିଳା ମାମାନଙ୍କୁ ବିଡିଓ ବାର୍ତ୍ତା ଦ୍ଵାରା ସମ୍ବୋଧିତ କରିଥିଲେ। ପରେ ତିକରପଡ଼ା ଓ ଲିଙ୍ଗିପୂର୍ ଗ୍ରାମପଞ୍ଚାୟତ ର ଦୁଇଟି ସାଂସ୍କୃତିକ କାର୍ଯ୍ୟକ୍ରମରେ ଯୋଗ ଦେଇଥିଲେ।

ଶେଷରେ ୱାର୍ଡ ନଂ ୬୬ ରେ କର୍ମୀ ସମ୍ମିଳନୀରେ ଉଭୟ ସାଂସଦ, ବିଧାୟକ ପ୍ରାଥି ଉପସ୍ଥିତ ଥିଲେ। କାର୍ଯ୍ୟକ୍ରମରେ କର୍ପୋରେଟର ସଂଯୁକ୍ତା ସୁନ୍ଦରାୟ,ଦୀପକ ମିଶ୍ର,ଶିବ ନାରାୟଣ ରାୟ,ଛବି ଦାସ, ଏକାମ୍ର ମହିଳା ସଭାନେତ୍ରୀ ତଥା କର୍ପୋରେଟର ମହାମାୟା ସ୍ବାଇଁ, ତେଜସ୍ଵୀନୀ ମହାସଂଘ ର ସଭାନେତ୍ରୀ ସଂଯୁକ୍ତା ଭୁତିଆ, ବି ଜେ ଡି ବରିଷ୍ଠ ନେତ୍ରୀ ଉଷାରାଣୀ ମହାନ୍ତି,ପୂର୍ବତନ କର୍ପୋରେଟର ଅଶ୍ଵିନୀ ସୁନ୍ଦରାୟ ପ୍ରମୁଖ ଉପସ୍ଥିତ ଥିଲେ ।