ଓଡିଶା ତାଜା ନ୍ୟୁଜ୍ (୦୨ ଅଗଷ୍ଟ ରବିବାର) କଳାହାଣ୍ଡି :- ଲାଞ୍ଜଗଡ ବ୍ଳକ ଅନ୍ତର୍ଗତ ଚମ୍ପାଦେଇପୁର ପଞ୍ଚାୟତକୁ କରୋନା ମୁକାବିଲା ପାଇଁ ୧୦୪ ଘଣ୍ଟା ପାଇଁ ସଟଡାଉନ ଘୋଷଣା କରିଛନ୍ତି ସରପଂଚ ଫୁଲମତି ମାଝୀ । ଅଗଷ୍ଟ ୧ ତାରିଖ ଅପରାହ୍ନ ୧ ଟାରୁ ବୁଧବାର ରାତ୍ର ୯ଟା ପର୍ଯ୍ୟନ୍ତ ଏହି ସଟଡାଉନ ଘୋଷଣା ଜାରି ରହିଛି । ଏଥିରେ କେବଳ ସ୍ୱ।ସ୍ଥ୍ୟସେବା ଓ କ୍ଷୀର ଯୋଗାଣ ସେବାକୁ ବନ୍ଦରୁ ବାଦ ଦିଆଯାଇଛି । ସେହିପରି ବିଶ୍ୱନାଥପୁର ପଞ୍ଚାୟତ ଦାରପଟାପଡାକୁ ୭ ଦିନ ପାଇଁ କଣ୍ଟେନମେଣ୍ଟ ଜୋନ ଭାବେ ଘୋଷଣା କରିଛନ୍ତି
ବିଶ୍ଵନାଥପୁର ସରପଂଚ ପିଙ୍କି ସିରିକିକା । ଦାରପଟାଠାରେ ଏକ କରୋନା ଆକ୍ରାନ୍ତ ଚିହ୍ନଟ ହେବାପରେ ଏହି ପଦକ୍ଷେପ ଗ୍ରହଣ କରାଯାଇଛି । ପଡ଼ାକୁ ସିଲ୍ ସମୟରେ ଲାଞ୍ଜିଗଡ଼ ବିଡ଼ିଓ ଜିତେନ୍ଦ୍ର ମିଶ୍ର, ତହସିଲଦାର ମୁନିନ୍ଦ୍ର ହୁନ୍ନାଙ୍ଗା , ପୂର୍ବତନ ପଞ୍ଚାୟତ ସମିତି ଉପାଧ୍ୟକ୍ଷ ଜଗଦିଶ ବେନିଆଁ ଓ ବିଶ୍ଵନାଥପୁର ପୋଲିସ ମୁତୟନ ହୋଇଥିଲେ । ଦାରପଟାପଡାରୁ ଅନ୍ୟ ଗ୍ରାମକୁ ଓ ଅନ୍ୟଗ୍ରାମରୁ ଏହି ପଡ଼ାକୁ ଯିବା ଆସିବା ପାଇଁ ଲୋକଙ୍କୁ ବାରଣ କରାଯାଇଛି । (ରିପୋର୍ଟ-ପ୍ରଦୀପ କୁମାର ଗଉଡ)
