ଓଡିଶା ତାଜା ନ୍ୟୁଜ୍ (୦୧ ଅଗଷ୍ଟ ଶନିବାର) ହିଞ୍ଜିଳିକାଟୁ :- ହିଞ୍ଜିଳିକାଟୁ ଘୋଡ଼ାହାଡ଼ ନଦୀ ନିକଟସ୍ଥ କାଜୁ ତୋଟା ମଧ୍ୟରୁ ହିଞ୍ଜିଳି ପୁଲିସ ଶନିବାର ପୂର୍ବାହ୍ନରେ ଜଣେ ବୃଦ୍ଧଙ୍କ ଝୁଲନ୍ତା ମୃତଦେହକୁ ଉଦ୍ଧାର କରିଛି ମୃତକ ଜଣକ ସ୍ଥାନୀୟ ଥାନା ଖଣ୍ଡରା ଗ୍ରାମର ଦେବରାଜ ସେଠି(୬୦) ବୋଲି ଜଣାପଡ଼ିଛି । ଏ ନେଇ ହିଞ୍ଜିଳି ଥାନାରେ ନଂ-୧୮/୨୦ରେ ଏକ ଅପମୃତ ମାମଲା ରୁଜୁ କରି ଶବକୁ ଜବତ କରିବା ସହ ବ୍ୟବଛେଦ ସକାଶେ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ପଠାଇଥିବା ତଦନ୍ତକାରୀ ଅଧିକାରୀ ତଥା ଥାନା ଏସ.ଆଇ. ବାସୁଦେବ ଭୋଇଙ୍କ ଠାରୁ ପ୍ରକାଶ ।
ବୃଦ୍ଧ ଜଣକ ଗତ ୬ ଦିନ ଧରି ନିଖୋଜ ଥିଲେ । ପରିବାର ସଦସ୍ୟ ବହୁ ଖୋଜାଖୋଜି କରିଥିଲେ ମଧ୍ୟ ବୃଦ୍ଧଙ୍କ ସନ୍ଧାନ ପାଇ ପାରିନଥିଲେ । ଏ ନେଇ ପରିବାର ପକ୍ଷରୁ ହିଞ୍ଜିଳି ଥାନାରେ ନିଖୋଜ ନେଇ ଲିଖିତ ଅଭିଯୋଗ କରାଯାଇଥିଲା । ଶନିବାର ସକାଳେ ଜଣେ ଚାଷୀ କାଜୁ ତୋଟା ମଧ୍ୟରେ ଏକ ଗଛରେ ବୃଦ୍ଧଙ୍କ ଝୁଲନ୍ତା ମୃତଦେହକୁ ଦେଖି ହିଞ୍ଜିଳି ପୁଲିସକୁ ଖବର ଦେଇଥିଲେ । ପରିବାର ସଦସ୍ୟ ଘଟଣା ସ୍ଥଳରେ ପଂହଚି ମୃତକଙ୍କ ପରିଚୟ ପ୍ରଦାନ କରିଥିଲେ । ( ରିପୋର୍ଟ-ଶେଷଦେବ ସାହୁ )
