ଓଡିଶା ତାଜା ନ୍ୟୁଜ୍ (୩୧ ଜୁଲାଇ ଶୁକ୍ରବାର ) ହିଞ୍ଜିଳିକାଟୁ :- କରୋନା ସଂକ୍ରମଣ କୁ ପ୍ରତିହତ କରିବା ପାଇଁ ହିଞ୍ଜିଳି ବ୍ଳକରେ ପ୍ରଶାସନ ପକ୍ଷରୁ ତ୍ୱରାନ୍ୱିତ ହୋଇଛି ବିଭିନ୍ନ ପଦକ୍ଷେପ । ସ୍ୱାସ୍ଥ୍ୟ ବିଭାଗର ତ୍ୱରିତ ପଦକ୍ଷେପ ସହ ବ୍ଳକ ପ୍ରଶାସନ ପକ୍ଷରୁ ଆରମ୍ବ ହୋଇଛି କରୋନା କସରତ । ଗ୍ରାମାଞ୍ଚଳ ଗୁଡ଼ିକରେ ସ୍ୱାବ ଟେଷ୍ଟକୁ ଗୁରୁତ୍ୱ ପ୍ରଦାନ କରାଯାଇଛି । ଏହା ମାଧ୍ୟମରେ ଖୋଜି ଖୋଜି ଆକ୍ରାନ୍ତଙ୍କ ଚିହ୍ନଟ ପ୍ରକ୍ରିୟା ଜାରି ରହିଛି । ଏହି ପରିପ୍ରେକ୍ଷୀରେ ହିଞ୍ଜିଳି ବ୍ଳକ ଖରିଡା ଗ୍ରାମରେ ଗତ କାଲି ସ୍ୱାବ ଟେଷ୍ଟ ଓ ଶୁକ୍ରବାର ସଂକ୍ରମିତ ଙ୍କୁ ଚିକିତ୍ସା ବ୍ୟବସ୍ଥା,ବିଶୋଧନ ପ୍ରକ୍ରିୟା ଓ ସଚେତନତା ରାଲି ଆୟୋଜିତ ହୋଇଥିଲା ।
ହିଞ୍ଜିଳି ବ୍ଳକ ଓଏସଡ଼ି ଜଗୁ ପୂଜାରୀ,ବେଲ ଗାଁ ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ରର ସ୍ୱାସ୍ଥ୍ୟ ସମ୍ପ୍ରସାରଣ ଅଧିକାରୀ ମୃତ୍ୟୁଞ୍ଜୟ ପାଣିଗ୍ରାହୀ ଓ ଟିମ ୪୬ଜଣ ଙ୍କ ସ୍ୱାବ ଟେଷ୍ଟ କରିଥିଲେ । ଚିହ୍ନଟଙ୍କ ମଧ୍ୟରୁ ୪ ଜଣ ପଜିଟିଭ ଥିବା ବେଳେ ଡାକ୍ତରଙ୍କ ଦ୍ୱାରା ସେମାନଙ୍କ ଚିକିତ୍ସା ବ୍ୟବସ୍ଥା କରାଯାଇଛି । ଜଣେ ଚିହ୍ନଟଙ୍କୁ କୋଭିଡ କେୟାର ହୋମକୁ ସ୍ଥାନାନ୍ତର ହୋଇଥିବା ବେଳେ ଅନ୍ୟ ଜଣଙ୍କୁ ଗୃହ ସଙ୍ଗରୋଧରେ ରହିବା ପାଇଁ କୁହାଯାଇଛି । ୨ ଜଣ ଗର୍ଭବତୀ ମହିଳାଙ୍କ ମଧ୍ୟରେ ଜଣକୁ ଶିତଳାପଲ୍ଲୀ କୋଭିଡ କେୟାର ହସ୍ପିଟାଲରେ ଭର୍ତ୍ତି କରିବା ପାଇଁ ନିଶ୍ଚିତ ହୋଇଥିଲା ବେଳେ ଅନ୍ୟ ଗର୍ଭବତୀ ହୋମ କ୍ୱାରେଣ୍ଟାଇନରେ ରହି ଥିବା ଜଣାପଡ଼ିଛି ।
ଶୁକ୍ରବାର ପିଇଓ ସୁଶାନ୍ତ କୁମାର ପାତ୍ର,ଜିଆର ଏସ ଶ୍ରୀକାନ୍ତ ପଣ୍ଡା, କୋଭିଡ ମନିଟର, ଆଶା, ଅଙ୍ଗନବାଡି ଏବଂ ସ୍ବେଚ୍ଛାସେବୀ ମିଳିତ ଭାବେ ପ୍ଲାକାର୍ଡ ପ୍ରଦର୍ଶନ କରି ଗାଁ ରେ କରୋନା ସଚେତନ କରିଥିଲେ । ଚିହ୍ନଟ ହୋଇଥିବା ଆକ୍ରାନ୍ତ ଓ ପଡୋଶୀ ଙ୍କ ଗୃହ ସମେତ କେନାଲ ସାହିକୁ ଅଗ୍ନିଶମ କର୍ମଚାରୀ ଙ୍କ ସହାୟତା ରେ ବିଶୋଧିତ କରାଯାଇଛି।ଗାଁର ସମସ୍ତ ଜନସାଧାରଣଙ୍କୁ ମାସ୍କ ବ୍ୟବହାର, ସାମାଜିକ ଦୂରତ୍ୱ ପାଳନ କରିବା ସହ ରୋଗ ନ ଲୁଚାଇବା ପାଇଁ ପିଇଓ ପାତ୍ର ଗ୍ରାମବାସୀ ଙ୍କୁ ନିବେଦନ କରିଛନ୍ତି । ( ରିପୋର୍ଟ-ଶେଷଦେବ ସାହୁ )
