ଓଡିଶା ତାଜା ନ୍ୟୁଜ୍ (୩୧ ଜୁଲାଇ ଶୁକ୍ରବାର ) ହିଞ୍ଜିଳିକାଟୁ :- ଗଞ୍ଜାମ ପୁଲିସ ଜିଲ୍ଲାର ହିଞ୍ଜିଳି ଥାନାରେ କାର୍ଯ୍ୟରତ ଥିବା ହାବିଲଦାର ରାଜୀବ କୁମାର ପାଢୀଙ୍କ କାର୍ଯ୍ୟ ଅବଧି ସମ୍ପୂର୍ଣ୍ଣ ହୋଇଛି । ଏହି ପରିପ୍ରେକ୍ଷୀରେ ବିଭାଗ ପକ୍ଷରୁ ତାଙ୍କୁ ଅଵସର କାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଛି । ଶୁକ୍ରବାର ଏନେଇ ଏକ ସମ୍ବର୍ଦ୍ଧନା ଉତ୍ସବ ଜିଲ୍ଲା ପୁଲିସ କାର୍ଯ୍ୟାଳୟ, ଛତ୍ରପୁର ଠାରେ ଅନୁଷ୍ଠିତ ହୋଇଥିଲା । ଗଞ୍ଜାମ ପୁଲିସ ଆରକ୍ଷୀ ଅଧିକ୍ଷକ ବ୍ରିଜେଶ ରାଏ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ପୁଲିସ ବିଭାଗରେ ଦୀର୍ଘ ୩୭ ବର୍ଷ କାର୍ଯ୍ୟ ସମ୍ପାଦନା କ୍ଷେତ୍ରରେ ବିଭାଗ ପ୍ରତି ତାଙ୍କ ସେବା ମନୋବୃତ୍ତି,ଉତ୍ତର ଦାୟିତ୍ୱ ଓ କର୍ତ୍ତବ୍ୟ କୁ ନିଷ୍ଠାର ସହ ନିର୍ବାହ କରି ହିଞ୍ଜିଳି ଥାନା ଅଞ୍ଚଳର ଆଇନ ଶୃଙ୍ଖଳା ପରିସ୍ଥିତି ନିୟନ୍ତ୍ରଣ ଦିଗରେ ତାଙ୍କ ଭୂମିକା ପ୍ରଶଂସନୀୟ ବୋଲି ସେ ପ୍ରକାଶ କରିଥିଲେ ।
ସ୍ଥାନୀୟ ଥାନାରେ ଯୋଗ ଦେଇଥିବା ବିଭିନ୍ନ ପୁଲିସ ଅଧିକାରୀଙ୍କ ସହ ସୁସମ୍ପର୍କ ସ୍ଥାପନ କରି ଜନସାଧାରଣ ଓ ପୁଲିସ ମଧ୍ୟରେ ବିଭିନ୍ନ ସମୟରେ ସମନ୍ୱୟ ରକ୍ଷା କରି ସମସ୍ତଙ୍କ ପ୍ରିୟ ଭାଜନ ଥିବା ମତ ପ୍ରକାଶ କରିଥିଲେ।ତାଙ୍କ ଦକ୍ଷତା ଓ ସେବା ମନୋବୃତ୍ତିର ଉଚ୍ଚ ପ୍ରଶଂସା କରି ସମ୍ମାନ ପୂର୍ବକ ସେ ଅଙ୍ଗବସ୍ତ୍ର ପ୍ରଦାନ କରି ତାଙ୍କୁ ସମ୍ବର୍ଦ୍ଧିତ କରିଥିଲେ । ତାଙ୍କ ଦୀର୍ଘ ଓ ନିରାମୟ ଜୀବନ କାମନା କରି ଏକ ଭାବ ବିହ୍ଵଳ ପରିବେଶରେ ତାଙ୍କୁ ସେ ଅବସର କାଳୀନ ଶୁଭେଚ୍ଛା ଜଣାଇଥିଲେ।ସ୍ଥାନୀୟ ହିଞ୍ଜିଳି ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସ ଙ୍କ ସମେତ ସମସ୍ତ ସହଯୋଗୀ ଓ କର୍ମଚାରୀ ତାଙ୍କୁ କୃତଜ୍ଞତା ଜ୍ଞାପନ କରିଛନ୍ତି । ( ରିପୋର୍ଟ-ଶେଷଦେବ ସାହୁ )
