ଓଡିଶା ତାଜା ନ୍ୟୁଜ୍ (୩୦ ଜୁଲାଇ ଗୁରୁବାର) ହିଞ୍ଜିଳିକାଟୁ :- ଗୁରୁବାର ଅପରାହ୍ନରେ ହିଞ୍ଜିଳି ଥାନା ଶାସନଆମ୍ବଗାଁ ତେଲିବନ୍ଧରୁ ଜଣେ ଶିଶୁକନ୍ୟାର ମୃତଦେହକୁ ଗ୍ରାମବାସୀ ଉଦ୍ଧାର କରିଛନ୍ତି । ମୃତକା ଜଣକ ସଂପୃକ୍ତ ଗ୍ରାମର ଏ. ନିରଞ୍ଜନ ଆଚାରୀଙ୍କ ନାବାଳିକା କନ୍ୟା ଏ. ସାଇଶ୍ରୀ (୪) । ଗୁରୁବାର ଅପରାହ୍ନ ପ୍ରାୟ ୧ଘଂଟା ରେ ନାବାଳିକା ଜଣକ ଗାଧୋଇବା ପାଇଁ ନିକଟସ୍ଥ ତେଲିବନ୍ଧକୁ ଯାଇ ଫେରିନଥିଲେ । ବହୁ ସମୟ ପରେ ନାବାଳିକା ଜଣକ ଘରକୁ ନଫେରିବାରୁ ପରିବାର ସଦସ୍ୟ ଖୋଜାଖୋଜି କରିଥିଲେ ମଧ୍ୟ କୌଣସି ସନ୍ଧାନ ପାଇ ପାରିନଥିଲେ ।
ଅପରାହ୍ନ ପ୍ରାୟ ସାଢେ ୪ଟାରେ ଗ୍ରାମର ଜଣେ ବ୍ୟକ୍ତି ନାବାଳିକାଙ୍କ ମୃତଦେହ ପୋଖରୀରେ ଭାସୁଥିବାର ଦେଖି ପରିବାର ସଦସ୍ୟଙ୍କୁ ଖବର ଦେଇଥିଲେ । ଖବର ପାଇ ଗ୍ରାମବାସୀଙ୍କ ସହାୟତାରେ ନାବାଳିକାଙ୍କ ମୃତଦେହକୁ ପୋଖରୀ ମଧ୍ୟରୁ ଉଦ୍ଧାର କରିଥିଲେ । ଖବର ପାଇ ହିଞ୍ଜିଳି ପୁଲିସ ଘଟଣା ସ୍ଥଳରେ ପଂହଚି ନାବାଳିକାଙ୍କ ମୃତଦେହକୁ ଜବତ କରିଛି । ଏ ନେଇ ହିଞ୍ଜିଳି ଥାନାରେ ନଂ-୧୭/୨୦ରେ ଏକ ଅପମୃତ୍ୟୁ ମାମଲା ରୁଜୁ କରି ବ୍ୟବଛେଦ ସକାଶେ ପୁଲିସ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ପଠାଇଛି । (ରିପୋର୍ଟ-ଶେଷଦେବ ସାହୁ)
