ନୟାଗଡ଼ ବିଧାୟକ ଡ. ଅରୁଣ କୁମାର ସାହୁ କଲେ ସ୍ୱାଗତ
ବିଜେପିକୁ ଟାର୍ଗେଟ କରିଛନ୍ତି ଇରାନୀ ନାରୀଙ୍କୁ ସମ୍ମାନ ଦେଇ ଜାଣେନି ବିଜେପି ।
ବିଜେଡିରେ ଯୋଗ ଦେଇ ଇରାନୀ କହିଛନ୍ତି ଯେ, ସେ ମୁଖ୍ୟମନ୍ତ୍ରୀଙ୍କ ନୀତି ଆଦର୍ଶ ଦ୍ୱାରା ଅନୁପ୍ରାଣିତ ହୋଇ ଦଳରେ ଯୋଗ ଦେଇଛନ୍ତି ।
ସାଂସଦ ସସ୍ମିତ ପାତ୍ର କହିଛନ୍ତି, ନାରୀ ସଶକ୍ତିକରଣକୁ ଆଗେଇ ନେବା ପାଇଁ ଇରାନୀ ବିଜେଡିରେ ମିଶିଛନ୍ତି ।
୨୪ ମାର୍ଚ୍ଚ,୨୦୨୪ (ଓଡିଶା ତାଜ଼ା ନ୍ୟୁଜ ) ନୟାଗଡ଼ :-> ବିଜେପି ନେତ୍ରୀ ଇରାନୀ ରାୟ ବିଜେଡ଼ିରେ ଯୋଗ ଦେଇଛନ୍ତି । ଶତାଧିକ ସମର୍ଥକଙ୍କ ସହିତ ଇରାନୀ ରାୟ ଶଙ୍ଖ ଭବନରେ ବିଜେଡିରେ ଯୋଗ ଦେଇଛନ୍ତି । ସାଂସଦ ମାନସ ମଙ୍ଗରାଜଙ୍କ ଉପସ୍ଥିତିରେ ଏହି ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ବିଧାୟକ ତଥା ବରିଷ୍ଠ ବିଜେଡି ନେତା ଅରୁଣ ସାହୁ ଓ ସାଂସଦ ସଶ୍ମିତ ପାତ୍ର, ପ୍ରିୟବ୍ରତ ମଲ୍ଲିକ ମଧ୍ୟ ଏହି ଅବସରରେ ସେଠାରେ ଉପସ୍ଥିତ ଥିଲେ । ବିଜେଡିରେ ଯୋଗ ଦେଇ ଇରାନୀ କହିଛନ୍ତି ଯେ, ସେ ମୁଖ୍ୟମନ୍ତ୍ରୀଙ୍କ ନୀତି ଆଦର୍ଶ ଦ୍ୱାରା ଅନୁପ୍ରାଣିତ ହୋଇ ଦଳରେ ଯୋଗ ଦେଇଛନ୍ତି ।
ବିଜେପିରେ ତାଙ୍କୁ ଅଣଦେଖା କରାଯାଉଥିଲା ଓ କୌଣସି ମିଟିଂକୁ ତାଙ୍କୁ ଡକା ଯାଉନଥିଲା ବୋଲି ସେ ଅଭିଯୋଗ କରିଛନ୍ତି । ବିଜେଡିରେ ମିଶିବା ସହ ବିଜେପିକୁ ଟାର୍ଗେଟ କରିଛନ୍ତି ଇରାନୀ କହିଛନ୍ତି, ‘ନାରୀଙ୍କୁ ସମ୍ମାନ ଦେଇ ଜାଣେନି ବିଜେପି । ପୌର, ପଞ୍ଚାୟତ ନିର୍ବାଚନରେ କାମ କରିବା ସତ୍ତ୍ବେ ସମ୍ମାନ ମିଳିଲା ନାହିଁ । ଯେଉଁଠି ସମ୍ମାନ ନାହିଁ, ସେଠି କାହିଁକି ରହିବି । ମୁଁ ବିଜେପି ପାଇଁ ଶତ ପ୍ରତିଶତ କାମ କରୁଥିଲେ । ପରିଶ୍ରମ କରିବା ସହ ତ୍ୟାଗ କରିଥିଲେ । ହେଲେ ମୋ ପ୍ରତି ବିଜେପି ଅନ୍ୟାୟ କରିଛି ।’ କିଛିଦିନ ତଳେ ଇରାନୀ ବିଜେପିର କାର୍ୟ୍ୟକାରିଣୀ ସଦସ୍ୟ ପଦରୁ ଇସ୍ତଫା ଦେଇଥିଲେ । ୨୦୧୯ରେ ସେ ନୟାଗଡରୁ ବିଜେପି ପ୍ରାର୍ଥୀ ହୋଇ ପରାଜିତ ହୋଇଥିଲେ ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପକ୍ଷରୁ ଇରାନୀ ଓ ତାଙ୍କ ଶତାଧିକ ସମର୍ଥକଙ୍କୁ ଦଳକୁ ସ୍ୱାଗତ କରିଥିଲେ ସାଂସଦ ମାନସ ରଞ୍ଜନ ମଙ୍ଗରାଜ । ଏହି ଅବସରରେ ନୟାଗଡ଼ ବିଧାୟକ ଡ. ସାହୁ ଇରାନୀଙ୍କ ସମେତ ସମସ୍ତ ସମର୍ଥକ ମାନଙ୍କୁ ସ୍ୱାଗତ କରିଥିଲେ । ଇରାନୀ ଜଣେ ଆଗଧାଡ଼ିର ଦକ୍ଷ ନେତ୍ରୀ । ନବୀନ ପଟ୍ଟନାୟକଙ୍କ ନେତୃତ୍ୱରେ ଅନେକ ବିକାଶ ମୁଳକ କାମ ହୋଇଛି । ସମୃଦ୍ଧ ଓଡ଼ିଶା ଗଠନରେ ମୁଖ୍ୟମନ୍ତ୍ରୀ ପ୍ରୟାସ ଜାରି ରଖିଛନ୍ତି । ଇରାନୀ ରାୟଙ୍କ ଯୋଗ ଦାନ ପରେ ନୟାଗଡ଼ ବିଜୁ ଜନତା ଦଳ ଅଧୀକ ଶକ୍ତିଶାଳୀ ହେବ ବୋଲି ଡ. ସାହୁ ପ୍ରକାଶ କରିଥିଲେ ।
ଆଜିର ଏହି ମିଶ୍ରଣ ପର୍ବରେ ବିଜେପି ମଣ୍ଡଳ ସଭାପତି ବିନୋଦ ନାୟକ, ଜିଲ୍ଲା ବିଜେପି କୋଷାଧ୍ୟକ୍ଷ ପ୍ରଭାତ ଷଡ଼ଙ୍ଗୀ, ଓଡ଼ଗାଁ ଏନଏସିର ମଣ୍ଡଳ ସଭାପତି ପ୍ରକାଶ ଦାସ, ବୀରେନ୍ଦ୍ର ନାୟକ, ମାନସ ସାହୁ ପ୍ରମୁଖ ଉପସ୍ଥିତ ଥିଲେ । ସାଂସଦ ମାନସ ମଙ୍ଗରାଜ କହିଛନ୍ତି, ନୟାଗଡରେ ସଂଗଠନ ଆହୁରି ସୁଦୃଢ ହେବ । ମୁଖ୍ୟମନ୍ତ୍ରୀ ସମସ୍ତଙ୍କ ସମ୍ମାନ ସବୁବେଳେ ରଖିଛନ୍ତି । ୨୦୩୬ ସୁଦ୍ଧା ସମୃଦ୍ଧ ଓଡ଼ିଶାର ପ୍ରୟାସରେ ଅନୁପ୍ରାଣିତ ହୋଇ ସେ ମିଶିଛନ୍ତି । ନବୀନ ବାବୁଙ୍କ ନେତୃତ୍ୱକୁ ଗ୍ରହଣ କରି ଲୋକେ ବିଜେଡିରେ ମିଶୁଛନ୍ତି । ଦଳକୁ ଆହୁରି ସଶକ୍ତ କରିବାରେ ସେ କାମ କରିବେ । ସାଂସଦ ସସ୍ମିତ ପାତ୍ର କହିଛନ୍ତି, ନାରୀ ସଶକ୍ତିକରଣକୁ ଆଗେଇ ନେବା ପାଇଁ ଇରାନୀ ବିଜେଡିରେ ମିଶିଛନ୍ତି । ଏହା ଏକ ମାଇଲଖୁଣ୍ଟ ହେବ ।
