ଓଡିଶା ତାଜା ନ୍ୟୁଜ୍ (୨୯ ଜୁଲାଇ ବୁଧବାର ) କଟକ :- ମହାନଦୀ ବିହାରର ଜଣାଶୁଣା ରାଜନୈତିକ ବ୍ୟକ୍ତିତ୍ୱ ତଥା କଟକ ମହାନଗରନିଗମ 47 ନମ୍ବର ୱାର୍ଡ ମହାନଦୀ ବିହାର ବିଜୁ ଜନତା ଦଳର ପୂର୍ବତନ କର୍ପୋରେଟର ଶ୍ରୀଯୁକ୍ତ ବିଜୟକେତନ ଖଣ୍ଡେଇ(50)ଙ୍କ ର ହୃଦଘାତରେ ପରଲୋକ ହୋଇଛି । ସେ ସକାଳୁ ମର୍ନିଙ୍ଗ ୱାର୍କରେ ଯାଉଥିଲା ବେଳେ ନୂଆ ବଜାର ସ୍ଥିତ ଓଭରବ୍ରିଜ ନିକଟରେ ହଠାତ ଛାତିରେ ଯନ୍ତ୍ରଣା ଅନୁଭବ କରି ସେଠାରେ ସେ ପଡିଯାଇଥିଲେ ।
ତୁରନ୍ତ ଆମ୍ବୁଲାନ୍ସ ଦ୍ୱାରା ତାଙ୍କୁ କଟକ ମୁନ୍ ହସ୍ପିଟାଲ କୁ ଚିକିତ୍ସା ପାଈଁ ନିଆଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ । ଶ୍ରୀଯୁକ୍ତ ବିଜୟ ଖଣ୍ଡେଇଙ୍କ ମୃତ୍ୟୁରେ ସମଗ୍ର ମହାନଦୀ ବିହାର ଆଂଚଳରେ ଶୋକର ଛାୟା ଖେଳିଯାଇଛି । ତାଙ୍କ ମୃତ୍ୟୁ ଖବର ପାଇ ପୂର୍ବତନ ବିଧାୟକ ପ୍ରଭାତ ରଞ୍ଜନ ବିଶ୍ୱାଳ , କଟକ ଚୌଦ୍ୱାର ବିଧାୟକ ସୌଭିକ୍ ବିଶ୍ୱାଳ ସମେତ ବହୁ ବିଶିଷ୍ଟ ବ୍ୟକ୍ତି ତାଙ୍କ ବାସଭବନରେ ଉପସ୍ଥିତ ରହି ଶେଷ ଦର୍ଶନ କରିଥିଲେ ।
କାଳିଆ ବୋଦା ଶ୍ମସାନ ଠାରେ ସ୍ବର୍ଗତ ଖଣ୍ଡେଇ ଙ୍କ ଶେଷକୃତ୍ୟ ସମ୍ପନ କରାଯାଇଥିଲା । ତାଙ୍କ ବିୟୋଗରେ ମହାନଦୀ ବିହାର ଡେଭଲପମେଣ୍ଟ ଆସୋସିଏସନ, ମହାବୀର କଲୋନୀ ଯୁବକ ସଂଘ, ବୁଦ୍ଧିଜୀବୀ, ବରିଷ୍ଠ ନାଗରିକ ମଞ୍ଚ ମହିଳା ସଂଘର କର୍ମକର୍ତ୍ତା ସମେତ ସ୍ଥାନୀୟ ଜନସାଧାରଣ ମାନେ ଗଭୀର ଶୋକ ପ୍ରକାଶ କରିଛନ୍ତି । (ରିପୋର୍ଟ-ରଶ୍ମିତା ମହାପାତ୍ର)
