ଓଡିଶା ତାଜା ନ୍ୟୁଜ୍ (୨୯ ଜୁଲାଇ ବୁଧବାର ) ହିଞ୍ଜିଳିକାଟୁ :- ଗଞ୍ଜାମ ଜିଲ୍ଲାରେ ମହାମାରୀ କରୋନା ଭୁତାଣୁ ସଂକ୍ରମଣ ଉତ୍କଟ ରୂପ ଧାରଣ କରିଛି । ଜିଲ୍ଲାରେ ବିସ୍ପୋରକ ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ରାଜ୍ୟ ସରକାର ନୂତନ ରଣନୀତି ପ୍ରସ୍ତୁତ କରି ଚାଲିଛନ୍ତି । ରାଜ୍ୟର ସର୍ବାଧିକ କରୋନା ସଂକ୍ରମିତ ଗଞ୍ଜାମ ଜିଲ୍ଲାରେ ଚିହ୍ନଟ ହୋଇଛନ୍ତି । ମଙ୍ଗଳବାର ଜିଲ୍ଲାରେ ୨୪୫ ସଂକ୍ରମିତ ଚିହ୍ନଟ ହୋଇଥିବା ବେଳେ ହିଞ୍ଜିଳିକାଟୁ ଅଂଚଳର ୨ କରୋନା ଯୋଦ୍ଧା ସମେତ ୨୨ଜଣ ସଂକ୍ରମିତ ହୋଇଥିବା ଜିଲ୍ଲା ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି । ଜିଲ୍ଲାରେ ଏଯାବତ ୮୬ ଜଣଙ୍କ ମୃତ୍ୟୁ ଘଟିଛି । ବର୍ତମାନ ପରିସ୍ଥିତିରେ ସଂକ୍ରମଣ ବୃଦ୍ଧିକୁ ଅନୁଧ୍ୟାନ କରି ଜିଲ୍ଲା ପ୍ରଶାସନ ସମେତ ସ୍ଥାନୀୟ ପ୍ର।।ସନ ପକ୍ଷରୁ ବହୁ ପଦକ୍ଷେପ ଗ୍ରହଣ କରାଯାଉଛି ।
ଏହି ପରିପେୟକ୍ଷୀରେ ବୁଧବାର ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ହିଞ୍ଜିଳି ଗ୍ରସ୍ତରେ ଆସି ମକରଝୋଳ ପଂଚାୟତକୁ ଯାଇ କୋଭିଡ଼ ସ୍ଥାନୀୟ ପ୍ର।।ସନିକ ଅଧିକାରୀ, ମନିଟରିଂ କମିଟି, ଜନ ପ୍ରତିନିଧି, ଆଶା, ଅଙ୍ଗନୱାଡ଼ି କର୍ମୀଙ୍କ ସହକୋଭତିଡ଼ ମୁକାବିଲା ସମ୍ପର୍କରେ ଆଲୋଚନା କରିଥିଲେ । ସଂପୃକ୍ତ ପଂଚାୟତରେ ଚିହ୍ନଟ ହୋଇଥିବା ସ୍ୱଳ୍ପ ଲକ୍ଷଣକାରୀ ସଂକ୍ରମିତ ବ୍ୟକ୍ତିଙ୍କୁ ପୃଥକବାସରେ ଏବଂ କୋଭିଡ଼ କେୟାର ହୋମରେ ଥିବା ରୋଗୀଙ୍କୁ ଉପଯୁକ୍ତ ଚିକିତ୍ସା ସୁବିଧା ଓ ଅନ୍ୟାନ ସୁବିଧା ସୁଯୋଗ ପ୍ରଦାନ ସମ୍ପର୍କରେ କୋଭିଡ଼ ମନିଟରିଂ କମିଟି ଓ ସ୍ୱାସ୍ଥ୍ୟ କର୍ମୀଙ୍କ ସହ ଆଲୋଚନା କରିଥିଳେ । ଜିଲ୍ଲାପାଳ ପଂଚାୟତ ସ୍ତରରେ ସଚେତନତାକୁ ବ୍ୟାପକ କରିବା ସକାଶେ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ ।
(ରିପୋର୍ଟ -ଶେଷଦେବ ସାହୁ ) ପରବର୍ତି ସମୟରେ ବିଡ଼ିଓ ଡ଼ାକବାଜି ଯନ୍ତ୍ର ସହାୟତାରେ କରୋନା ଭୁତାଣୁର ଭୟାବହତା ଏବଂ କୌଣସି ଲକ୍ଷଣ ପ୍ରକାଶ ପାଇଲେ ରୋଗକୁ ନଲୁଚାଇ ଆବଶ୍ୟକ ଚିକିତ୍ସା ସକାଶେ ପ୍ରଶାସନକୁ ସହଯୋଗ କରିବା ସକାଶେ ଗ୍ରାମବାସୀଙ୍କୁ ନିବେଦନ କରିଥିଲେ । ଗ୍ରାମ ପୋଖରୀରେ ସ୍ନାନ, ଶୌଚ ନକରିବା, ଜୁଆ, କ୍ରିକେଟ ଆଦି ଗୋଷ୍ଠୀଗତ ଭାବେ ନଖେଳିବାକୁ ପରାମର୍ଶ ଦେବା ସହ ସରକାରଙ୍କ ସମସ୍ତ କୋଭିଡ଼ ନିୟମ ଓ କଟକଣାକୁ ମାନି ଚଳିବା ପାଇଁ ପରାମର୍ଶ ଦେଇଥିଲେ । କୌଣସି ପରିସ୍ଥିତିରେ ଭୟଭୀତ ନହୋଇ କିଛି ସ୍ୱାସ୍ଥ୍ୟ ସମସ୍ୟା ଦେଖାଦେଲେ ତୁରନ୍ତ ପଂଚାୟତ କୋଭିଡ଼ ମନିଟରିଂ କମିଟି କିମ୍ବା ସ୍ୱାସ୍ଥ୍ୟ କର୍ମୀଙ୍କୁ ଜଣାଇବାକୁ ଅନୁରୋଧ କରିଥିଲେ । ଜିଲ୍ଲାପାଳଙ୍କ ଗ୍ରସ୍ତ ସମୟରେ ବିଡ଼ିଓ ପ୍ରସନ କୁମାର ପାତ୍ର, ଆସିକା ପୁଲିସ ଉପଖଣ୍ଡ ଅଧିକାରୀ ସୂର୍ଯ୍ୟମଣି ପ୍ରଧାନ, ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସ ପ୍ରମୁଖ ଉପସ୍ଥିତ ଥିଲେ । (ରିପୋର୍ଟ -ଶେଷଦେବ ସାହୁ )
