ଓଡିଶା ତାଜା ନ୍ୟୁଜ୍ (୨୯ ଜୁଲାଇ ବୁଧବାର ) ହିଞ୍ଜିଳିକାଟୁ :- ସାରା ଦେଶରେ ମହାମାରୀ କରୋନା ଭୁତାଣୁ ସଂକ୍ରମଣ ଆତଙ୍କ ଖେଳାଇ ଦେଇଛି । ରାଜ୍ୟର ସର୍ବାଧିକ କରୋନା ସଂକ୍ରମିତ ଗଞ୍ଜାମ ଜିଲ୍ଲାରେ ଚିହ୍ନଟ ହୋଇଛନ୍ତି । କରୋନାକୁ ପ୍ରତିହିତ କରିବା ଲାଗି ସରକାର ଓ ପ୍ରଶାସନ ପକ୍ଷରୁ ବହୁ କଟକଣା ଜାରି କରାଯାଇଛି । ହେଲେ ଗତ ମାର୍ଚ୍ଚ ମାସ ଠାରୁ ଗଞ୍ଜାମ ଜିଲ୍ଲାର ମେରୁଦଣ୍ଡ ଦେହାଲାଇ ଦେଇଛି ମହାମାରୀ କରୋନା । କରୋନାର ଭୟାବହତା ହିଞ୍ଜିଳିକାଟୁ ଅଂଚଳରେ ମଧ୍ୟ ଦେଖିବାକୁ ମିଳିଛି । ସ୍ଥାନୀୟ ଅଂଚଳରେ ପ୍ରତ୍ୟହ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଏଭଳି ଦୁର୍ଦ୍ଦିନ ସମୟରେ ସ୍ଥାନୀୟ ପୌରାଂଚଳ ସମେତ ବ୍ଳକର ବିଭିନ୍ନ ଗ୍ରମାଂଚଳବାସୀ ଙ୍କୁ ଜ୍ୱର , କାଶ ଓ ଥଣ୍ଡା ଭଳି ସାଧାରଣ ରୋଗର ଉଚିତ ଚିକିତ୍ସା ନମିଳିବାରୁ ବହୁ ରୋଗୀଙ୍କ ଅକାଳରେ ଜୀବନ ଚାଲି ଯାଇଥିବା ଜଣାପଡ଼ିଛି । ଗ୍ରୀଷ୍ମଋତୁ ପରେ ବର୍ଷାଋତୁର ଆଗମନ ସାଙ୍ଗକୁ ମୌସୁମୀ ପ୍ରବେଶ ଫଳରେ ସ୍ଥାନୀୟ ଅଂଚଳରେ ଜ୍ୱର, କାଶ ଓ ଥଣ୍ଡା ରୋଗୀଙ୍କ ସଂଖ୍ୟା ବୃଦ୍ଧି ପାଉଛି ।
ସ୍ଥାନୀୟ ଉପଖଣ୍ଡ ଚିକିତ୍ସାଳୟର ୨ଡ଼ାକ୍ତରଙ୍କ ସମେତ ୬ କର୍ମଚାରୀଙ୍କ ପଜିଟିଭ ଚିହ୍ନଟ ପରେ ସାଧାରଣ ରୋଗୀଙ୍କ ଚିକିତ୍ସାରେ ବାଧା ସୃଷ୍ଟି ହୋଇଛି । ଅନ୍ୟପକ୍ଷରେ ଜିଲ୍ଲା ପ୍ରଶାସନର ନିର୍ଦ୍ଦେଶ ମୁତାବକ ବିନା ପ୍ରେସକ୍ୱୁୟସନରେ ରୋଗୀଙ୍କୁ ଔଷଧ ପ୍ରଦାନ ନକରାଯିବା ଲାଗି ତାଗିଦ କରାଯାଇଛି । ଫଳରେ ଏଭଳି ରୋଗୀ ମାନେ ଆବଶ୍ୟକ ସମୟରେ ଉଚିତ ଚିକିତ୍ସା ସେବା ପାଇନପାରି ସ୍ଥାନୀୟ ପୌରାଂଚଳ ସମେତ ବ୍ଳକର ବିଭିନ୍ନ ଗ୍ରାମାଂଚଳରେ ୩୦ରୁ ଉର୍ଦ୍ଧ୍ୱ ରୋଗୀଙ୍କ ମୃତ୍ୟୁ ହୋଇଥିବା ଅସମର୍ଥୀତ ସୁତ୍ରରୁ ଜଣାପଡ଼ିଛି । ଏଭଳି ମୃତ୍ୟୁର ସଠିକ ତଥ୍ୟ ଜିଲ୍ଲା ସ୍ୱାସ୍ଥ୍ୟ ବିଭାଗ କିମ୍ବା ସ୍ଥାନୀୟ ପ୍ରଶାସନ ନିକଟରେ ଉପଲବ୍ଧ ନଥିବା ଜଣାପଡ଼ିଛି ।
ସ୍ଥାନୀୟ ଡ଼ାକ୍ତରଖାନାରେ ଏଭଳି ରୋଗୀଙ୍କ ତାଲିକା ନାହିଁ କିମ୍ବା ସନ୍ଦିଗ୍ଧ କରୋନା ମୃତ୍ୟୁ ଗଣତିରେ ଏମାନେ ନଥିବା ଜଣାପଡ଼ିଛି । କରୋନା ମହାମାରୀ ଆତଙ୍କ ଖେଳିଥିବା ବେଳେ ଜ୍ୱର, କାଶ ଓ ଥଣ୍ଡା ହେବା ମାତ୍ରେ ସାଧାରଣ ରୋଗୀଟି କରୋନା ଚିନ୍ତା କରି ଅଜଣା ଭୟ ଘାରୁଛି । କିଛି କ୍ଷେତ୍ରରେ ଏଭଳି ରୋଗୀ ମାନେ କରୋନା ସନ୍ଦେହ ପ୍ରକାଶ ପରି ରୋଗକୁ ଲୁଚାଉଥିବାର ନଜିର ରହିଛି । ଏ ନେଇ ହିଞ୍ଜିଳିକାଟୁ ଉପଖଣ୍ଡ ଚିକିତ୍ସାଳୟର ବରିଷ୍ଟ ଚିକିତ୍ସକ ଡ଼ାକ୍କତର ମାଧବ କୁମାର ସାହୁଙ୍କ ସହ ଯୋଗଯୋଗ କରିବାରୁ ସେ କହିଛନ୍ତି ଡ଼ାକ୍ତରଖାନାକୁ ଯେଉର୍ ସମୟରେ ବି କେହି ରୋଗୀ ଚିକିତ୍ସା ସକାଶେ ଆସିଛନ୍ତି ଉପଯୁକ୍ତ ଚିକିତ୍ସା ସେବା ଯୋଗାଇ ଦିଆଯାଇଛି । (ରିପୋର୍ଟ -ଶେଷଦେବ ସାହୁ )
