ଲୋକାର୍ପିତ ହେଲା ନୟାଗଡ଼ ସହରରେ ଆଉ ଦୁଇଟି ମୁଖଶାଳା

୧୫ ମାର୍ଚ୍ଚ,୨୦୨୪ (ଓଡିଶା ତାଜ଼ା ନ୍ୟୁଜ) ନୟାଗଡ଼ :-> ନୟାଗଡ଼ ପୌରାଞ୍ଚଳ ଦିନକୁ ଦିନ ସଜେଇ ହେବାରେ ଲାଗିଛି । ସୌନ୍ଦର୍ଯ୍ୟକରଣକୁ ଦେଖି ନୟାଗଡ଼ ଜିଲ୍ଲା ଅତିକ୍ରମ କରି ଯାଉଥିବା ବାହାର ଜିଲ୍ଲାର ବାସିନ୍ଦା ମାନେ ନୟାଗଡ଼କୁ ପ୍ରଶଂସା କରିବାରେ ଲାଗିଛନ୍ତି । ନୟାଗଡ଼ ସହରରେ ଥିବା ବିଭିନ୍ନ କାର୍ଯ୍ୟାଳୟର ମୁଖଶାଳା ଗୁଡିକ ଏବେ ଆଧୁନିକତାର ରୁପ ନେଇଛି ।ଯିଏ ବି ଦେଖୁଛି ସେ ପ୍ରଶଂସାରେ ପୋତି ପକାଉଛି ।ଗତ କିଛି ଦିନ ତଳେ ଅନେକ କାର୍ଯ୍ୟାଳୟର ମୁଖଶାଳାକୁ ନୟାଗଡ଼ ବିଧାୟକ ଡ. ଅରୁଣ କୁମାର ସାହୁ ଉଦ୍‌ଘାଟନ କରିଥିଲେ । ଆଜି ନୟାଗଡ଼ ସହରର ଦୁଇ ଗୋଟି ମୁଖଶାଳାକୁ ବିଧାୟକ ଡ. ସାହୁ ଉଦ୍‌ଘାଟନ କରିଛନ୍ତି ।ପଠାଣି ସାମନ୍ତ ସଂସ୍କୃତି ଭବନ ଓ ନୟାଗଡ଼ ଜିଲ୍ଲା କେନ୍ଦ୍ର ସମବାୟ ବ୍ୟାଙ୍କର ମୁଖଶାଳାକୁ ଆଜି ଡ. ସାହୁ ଉଦ୍‌ଘାଟନ କରିଛନ୍ତି । ନୟାଗଡ଼ ବିକାଶ ଧାରାରେ ନୟାଗଡ଼ ବାସୀଙ୍କର ଜନସାଧାରଣଙ୍କର ସହଯୋଗକୁ ସେ ପ୍ରଶଂସା କରିଛନ୍ତି । ଆଜିର ଏହି କାର୍ଯ୍ୟକ୍ରମରେ ନୟାଗଡ଼ ପୌରାଧ୍ୟକ୍ଷା ନିରୁପମା ଖଟେଇ,ଉପାଧ୍ୟକ୍ଷ ଗୁରୁପ୍ରସାଦ ଜେନା, ନୟାଗଡ଼ କେନ୍ଦ୍ର ସମବାୟ ବ୍ୟାଙ୍କ ସଭାପତି ରବିନ୍ଦ୍ରନାଥ ସାହୁ, ଜିଲ୍ଲା ପରିଷଦ କ୍ଷୀରୋଦ ମହାପାତ୍ର, ଆଶିଷ ଅଗ୍ରୱାଲ, ସମସ୍ତ କାଉନସିଲର ଓ ବହୁ ଜନ ପ୍ରତିନିଧିଙ୍କ ସମେତ ସାଧାରଣ ଜନତା ଉପସ୍ଥିତ ରହିଥିଲେ ।