ଓଡିଶା ତାଜା ନ୍ୟୁଜ୍ (୨୯ ଜୁଲାଇ ବୁଧବାର ) ହିଞ୍ଜିଳିକାଟୁ :- ସମସ୍ତଙ୍କ ସହଯୋଗରେ କରେନାର ମୁକାବିଲା କରାଯାଇପାରିବ । କରେନା ଚେନ୍କୁ ମାତ୍ ଦେବାକୁ ହେଲେ ସରକାରଙ୍କ ଗାଇଡ଼ ଲାଇନକୁ ମାନିବାକୁ ପଡ଼ିବ । ଅତ୍ୟାବଶ୍ୟକ ନଥିଲେ ଘରୁ ବାହାରକୁ ନାବହାରିବା ସକାଶେ ପରାମର୍ଶ ଦିଆଯିବା ସହ ଘରୁ ବାହାରକୁ ବାହାରିଲେ ମାସ୍କ ବ୍ୟବହାର ଓ ସାମାଜିକ ଦୂରତା ରକ୍ଷା ପାଳନ କରିବା ପାଇଁ ପ୍ରଶାସନ ପକ୍ଷରୁ ବାରମ୍ବାର ସଚେତନ କରାଯାଉଛି । ଏଭଳି ନିର୍ଦ୍ଦେଶ ଭିତିରେ ଜିଲ୍ଲା ପ୍ରଶାସନ ପକ୍ଷରୁ ବହୁ କଟକଣା ଜାରି କରାଯାିବା ସହ ଜନସଚେତନତା କରାଯାଉଥିଲେ ମଧ୍ୟ ଗଞ୍ଜାମ ଜିଲ୍ଲାରେ ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବଢିବାରେ ଲାଗିଛି । ଏହି ପରିପ୍ରେକ୍ଷୀରେ ଗଞ୍ଜାମ ଜିଲ୍ଲାର ୨ୟ ବୃହତମ ସହର ଭାବେ ପରିଗଣିତ ହିଞ୍ଜିଳିକାଟୁ ପୌରାଂଚଳ ସମେତ ବ୍ଳକ ଅଂଚଳରେ କରୋନା ସଂକ୍ରମିତଙ୍କ ସଂଖ୍ୟା ଯଥେଷ୍ଟ ପରିମାଣରେ ବୃଦ୍ଧି ପାଇବାରେ ଲାଗିଛି ।
ମଙ୍ଗଳବାର ସୁଦ୍ଧା ଜିଲ୍ଲାରେ ୯୭୪୬ ସଂକ୍ରମିତ ହୋଇଥିବା ସୂଚନା ମିଳିଛି । ସଂକ୍ରମିତଙ୍କ ମଧ୍ୟରେ ବିଭିନ୍ନ ପ୍ରଦଶରୁ ଫେରିଥିବା ପ୍ରବାସୀ ଓଡ଼ିଆଙ୍କ ସଂପ୍ସର୍ଶରେ ଆସି ଲୋକାଲ ସଂକ୍ରମଣ ସଂଖ୍ୟା ବଢିବାକୁ ଲାଗିଛି । ଲୋକାଲ ସଂକ୍ରମଣ ଭେଳି ଭାବେ ବୃଦ୍ଧି ପଇବାରେ ଲାଗିଛି, ଗୋଷ୍ଠୀ ସଂକ୍ରମଣର ଏକ ଭୟ ସୃଷ୍ଟି ହେବାରେ ଲାଗିଛି । ଗୋଷ୍ଠୀ ସଂକ୍ରମଣ ହୋଇନଥିବାର କୁହାଯାଉଥିଲେ ମଧ୍ୟ କରୋନା ମୁକାବିଲାକୁ ନେଇ କରାଯାଇଥବା ବ୍ୟବସ୍ଥା ଭିତରେ ଅବ୍ୟବସ୍ଥା ସଂକ୍ରମଣକୁ ବୃଦ୍ଧି କରିବାରେ ସହାୟକ ହୋଇଥିବା ନେଇ ମତ ସାଧାରଣରେ ପ୍ରକାଶ ପାଇଛି । କରୋନା ଚେନକୁ ରୋକିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ଆସନ୍ତା ୩୧ ତାରିଖ ପର୍ଯ୍ୟନ୍ତ ସାରା ଗଞ୍ଜାମ ଜିଲ୍ଲାକୁ ସମ୍ପୁର୍ଣ୍ଣ ଲକଡ଼ାଉନ ଘୋଷଣା କରିଛନ୍ତି । ଲକଡ଼ାଉନ ଘୋଷଣା ପରଠାରୁ କରୋନା ସଂକ୍ରମଣ ହ୍ରାସ ପାଇଥିବା ଲକ୍ଷ୍ୟ କରାଯାଇନି । ଜିଲ୍ଲା ପ୍ରଶାସନ ଓ ସ୍ଥାନୀୟ ପ୍ରଶାସନ ଓ ପୁଲିସ ପ୍ରଶାସନ ପକ୍ଷରୁ ୫୯ ନଂ ଜାତୀୟ ରାଜପଥ ତଥା ପୌରାଂଚଳର ଉଭୟ ପ୍ୱାଶ୍ୱର୍କୁ ସିଲ୍ କରାଯିବା ସହ ଯାନବାହାନ ଯାଂଚ କାର୍ଯ୍ୟକୁ କଡ଼ାକଡ଼ି କରାଯାଇଛି ।
ଅନ୍ୟପକ୍ଷରେ ଜିଲ୍ଲା ପ୍ରଶାସନର ନିର୍ଦ୍ଦେଶକ୍ରମେ ସ୍ଥାନୀୟ ବ୍ଳକ ପ୍ରଶାସନ ପକ୍ଷରୁ ୧୦ଟି ପଂଚାୟତକୁ କଂଟେନମେଂଟ ଓ ୫ଟି ପଂଚାୟତକୁ ବଫରଜୋନ ଭାବେ ଘୋଷଣା କରାଯିବା ସହ ସଂପୃକ୍ତ ଗ୍ରାମ ପଂଚାୟତର ପ୍ରବେଶ ପଥକୁ ବାଉଁଶବାଡ଼ ସହାୟତାରେ ସିଲ୍ କରାଯାଇଛି । ହେଲେ ପରିତାପର ବିଷୟ କଂଟେନମେଂଟ ଜୋନ ଗୁଡ଼ିକରେ କଟକଣା ଠିକ୍ ଭାବେ ପାଳନ କରାଯାଉଛି କି ନାହିଁ ତାହା ଅନୁଧ୍ୟାନ କରିବାକୁ କେହି ନାହାନ୍ତି । ହୋମ୍ କ୍ୱରେଂଟାଇନରେ ରହୁଥିବା ବ୍ୟକ୍ତିଙ୍କ ସହ ଯୋଗାଯୋଗ କରାଯାଉନଥିବା ଏବଂ ସଂପୃକ୍ତ ବ୍ୟକ୍ତିଙ୍କ ସ୍ୱାସ୍ଥ୍ୟାବସ୍ଥା ପଚାରି ବୁଝାଯାଉନଥିବା ଅଭିଯୋଗ ହେଉଛି ।ବହୁ ବ୍ୟକ୍ତି ହୋମ କ୍ୱାରେଂଟାଇନରେ ରହୁଥିବା ବେଳେ ବିଭିନ୍ନ ସମୟରେ ଘରୁ ବାହାରକୁ ଆସି ବୁଲାବୁଲି କରୁଥିବାର ଦେଖିବାକୁ ମିଳୁଛି । ପ୍ରଶାସନିକ ଅଧିକାରାୀ ଏ ଦିଗରେ ଦୃଷ୍ଟି ପ୍ରଦାନ କରି ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ବୁଦ୍ଧିଜୀବି ମହଲରେ ମତ ପ୍ରକାଶ ପାଇଛି । (ରିପୋର୍ଟ -ଶେଷଦେବ ସାହୁ )
