୧୦ ମାର୍ଚ୍ଚ,୨୦୨୪ (ଓଡିଶା ତାଜ଼ା ନ୍ୟୁଜ) ଗଣିଆ :-> ସଂପ୍ରତି ଦୁର୍ବଳ ଇଂରାଜୀ ଶିକ୍ଷା ଯୋଗେ , ଆମ ଅଞ୍ଚଳର ଶିକ୍ଷାର୍ଥୀ ଆଜିର ପ୍ରତିଯୋଗିତା ମୂଳକ ପରିବେଶରେ, ଦକ୍ଷତା ଥିବା ସତ୍ତ୍ବେ କୃତିତ୍ୱ ଅର୍ଜନ କରିନପାରିବା ତଥା ସଫଳତାକୁ ହାତଛଡ଼ା କରିବା, ବିଚାରକୁ ଆଖି ଆଗରେ ରଖି ଗଢି ଉଠିଥିବା, ଗଣିଆ ବ୍ଲକର ଏକମାତ୍ର ସ୍ଵୀକୃତିପ୍ରାପ୍ତ CBSE ପାଟର୍ନ୍ ଇଂରାଜୀ ମାଧ୍ୟମ ବିଦ୍ୟାଳୟ ” ମହାନଦୀ ପବ୍ଲିକ ସ୍କୁଲ” ର ପରିଚାଳନା କମିଟି , ଉପଦେଷ୍ଟା କମିଟି, ସାଧାରଣ ସଭ୍ୟ ମାନଙ୍କର କମିଟି ଗଠନ ହୋଇଯାଇଛି ।
ଗଣିଆ ବ୍ଲକର ଆଠଗୋଟି ପଞ୍ଚାୟତ ଯଥା :-
ଆଡକଟା, ବଡସିଲିଙ୍ଗା, ବେଲପଡ଼ା ପାଟଣା, ଛାମୁଣ୍ଡିଆ, ଗଣିଆ, ରାସଂଗ, କିଶୋର ପ୍ରସାଦ ଓ କରଡା ପଡ଼ା ତଥା ଖଣ୍ଡପଡ଼ା ବ୍ଲକ ଅନ୍ତର୍ଗତ, ଚାରିଗୋଟି ପଞ୍ଚାୟତ, ଯଥା – କୁମ୍ଭାରପଡ଼ା, ବଳଭଦ୍ରପ୍ରସାଦ, ରୟତି ଢୋଲମରା, ସିଧାମୂଲା ର ବରିଷ୍ଠ ନାଗରିକ , ସମାଜସେବୀ, ଶିକ୍ଷାବିତ୍, ଅଭିଭାବକ ସଂଗଠକ, ତଥା ଅବସର ପ୍ରାପ୍ତ କର୍ମଚାରୀଙ୍କୁ ଚୟନ କରି ସାଧାରଣ ସଭ୍ୟ ମାନଙ୍କର ଏକ ୫୨ ଜଣିଆ କମିଟି ଗଠନ କରାଗଲା,ତନ୍ ମଧ୍ଯରୁ ୧୧ ସଭ୍ୟଙ୍କୁ ନେଇ ଏକ “ପରିଚାଳନା କମିଟି” ଓ ୧୧ ସଭ୍ୟ ବିଶିଷ୍ଟ ଏକ “ଉପଦେଷ୍ଟା କମିଟି” ଗଠନ କରାଗଲା ।