ଓଡିଶା ତାଜା ନ୍ୟୁଜ୍ (୨୮ ଜୁଲାଇ ମଙ୍ଗଳବାର ) ବରଗଡ଼ :– ଖାତା ନଂ – ୧୦୩ ୧୯ ରେ ୨୦୧୯ ମସିହା ଅଗଷ୍ଟ ମାସରୁ ବାର୍ଦ୍ଧକ୍ୟ ଭତ୍ତା ର ସମୁଦାୟ ୭ ହଜାର ଟଙ୍କା ହଡପ କରିବା ଖବର ପ୍ରକାଶିତ ହେବା ପରେ ତର ବରିଆ ଭାବେ ପାଇକମାଲ ବିଡିଓ ସୁରେନ୍ଦ୍ର ମେହେର, ଏ ବିଡିଓ ଶ୍ରୀ ଭୀଷ୍ମଦେବ ମାଝୀ,ଏସ୍ ଇ ଓ ଶ୍ରୀ ରମେଶ ଚନ୍ଦ୍ର ସେଠି ପାଇକମାଲ ବ୍ଲକ ଅଧିନସ୍ତ ବୁକୁରାମୁଣ୍ତା ଗ୍ରାମ ପଞ୍ଚାୟତର ଲହଙ୍ଗେର ଗ୍ରାମ କୁ ଯାଇ ହିତାଧିକାରୀ ଆଦିବାସୀ ମହିଳା ସ୍ବର୍ଗତ ରାଜ କୁମାର ସିଂ ବରିହା ଙ୍କ ଧର୍ମପତ୍ନୀ ଶ୍ରୀ ମତୀ ରାଧିକା ବରିହାଙ୍କୁ ୭ ହଜାର ଟଙ୍କା ପ୍ରଦାନ କରିବା ଘଟଣା ଚର୍ଚ୍ଚାର ବିଷୟ ହୋଇଛି ।
ଶ୍ରୀମତୀ ରାଧିକା ବରିହାଙ୍କୁ ଟଙ୍କା ଦେବା ବେଲେ ଗ୍ରାମ ବାସୀ ମାନେ ଉପସ୍ଥିତ ଥିଲେ । ରାଧିକା ଙ୍କୁ ଟଙ୍କା ଦେଇଥିବା ବେଳେ ବାର୍ଦ୍ଧକ୍ୟ ଭତ୍ତା ର ଖାତା ଦିଆ ଯାଇନାହିଁ । ଶ୍ରୀମତୀ ରାଧିକା ଦସ୍ତଖତ ଦେଇ ଜାଣିଥିବା ବେଳେ ତାଙ୍କ ଖାତାରେ ଟିପ ଚିହ୍ନ ପକାଇ ସମୁଦାୟ ଟଙ୍କା ଉଠା ଯାଇଛି ତେଣୁ ଗ୍ରା:ପ କର୍ତ୍ତୃପକ୍ଷ ରାଧିକା ବରିହା ଙ୍କ ନାମରେ ନୂତନ ଖାତା ତିଆରି କରି ଦେବାର ମସୁଧା କରିଛନ୍ତି । ସରକାରୀ ସ୍ତରରେ ଏ ଟଙ୍କା ହଡପ ହୋଇଥିବା ବେଳେ ଏବେ କାର୍ଯ୍ୟାନୁଷ୍ଠାନ ପାଇଁ ଏଭଲି ଯୋଜନା ତିଆରି ହୋଇଛି ।
କରୋନା ମହାମାରୀ ଲକ ଡାଉନ କୁ ଦେଖି କେନ୍ଦ୍ର ସରକାର ବାର୍ଦ୍ଧକ୍ୟ ବିଧବା ଭତ୍ତା ୪ ମାସର ୨ ହଜାର ଟଙ୍କା ଲେଖାଏଁ ଅଗ୍ରୀମ ଦେଇଥିବା ବେଳେ ଏବେ ପ୍ରଶ୍ନ ଉଠିଛି ସମସ୍ତ ହିତାଧିକାରୀଙ୍କ ପାଖରେ ଏ ଟଙ୍କା ପହଞ୍ଚିଛି ନା ବାଟରେ ହଡପ ହୋଇଛି । ତେବେ ବାର୍ଦ୍ଧକ୍ୟ ଭତ୍ତା ହଡପ କରିଥିବା ଅଧିକାରୀ ଙ୍କ ବିରୁଦ୍ଧରେ ଦୃଢ ପଦକ୍ଷେପ ନେବା ପାଇଁ ବୁକୁରାମୁଣ୍ତା ଗ୍ରାମ ପଞ୍ଚାୟତ ସମିତି ସଭ୍ୟ ଜଗନ୍ନାଥ ଛତ୍ରିଆ ଦାବି କରିଛନ୍ତି । ପଦ୍ମପୁର ର ପୂର୍ବତନ ବିଧାୟକ ଶ୍ରୀ ପ୍ରଦୀପ ପୁରୋହିତ ଘଟଣା ର ତଦନ୍ତ କରି ଦୃଢ ପଦକ୍ଷେପ ନେବା ପାଇଁ ଟ୍ବିଟ୍ ଜରିଆରେ ମୁଖ୍ୟମନ୍ତ୍ରୀ ଓ 5T ସଚିବଙ୍କ ଦୃଷ୍ଟି ଆକର୍ଷଣ କରିଛନ୍ତି । (ସତ୍ୟନାରାୟଣ ପ୍ରଧାନ, ବରଗଡ଼)
